Categories: Photos

જૂનાગઢમાં જામ્યો મહાશિવરાત્રીનો મેળો, અનેક શ્રદ્ધાળુઓ ઉમટ્યાં

જૂનાગઢઃ 5 દિવસીય શિવરાત્રીનો ભવ્ય મેળો અહીં યોજવામાં આવ્યો છે. ત્યારે આ મેળાનો આજે ચોથો દિવસ છે. જૂનાગઢનાં આ મેળામાં અત્યાર સુધી લાખો શ્રદ્ધાળુઓએ દર્શનનો લ્હાવો લીધો છે. આ મેળામાં આવનાર શ્રદ્ધાળુઓ માટે તંત્ર દ્વારા ભોજન રહેવાની વ્યવસ્થા ગોઠવવામાં આવી છે.

આ મેળામાં નાગાબાવાઓ આકર્ષણનું કેન્દ્ર બન્યાં છે. નાગાબાવાઓ આ મેળામાં ભગવાન શિવની આરાધના કરી રહ્યાં છે. આ મેળામાં વિદેશમાંથી પણ શ્રદ્ધાળુઓ દર્શન કરવા માટે આવી પહોંચ્યા છે. ત્યારે હવે શિવરાત્રીનાં દિવસે નાગાબાવાઓની રવાડી નિકળશે. ત્યાર બાદ તેઓ શાહી સ્નાન કરશે.

દર વર્ષની જેમ આ વર્ષે પણ શિવરાત્રીનાં ભવ્ય મેળામાં ભારતભરમાંથી અનેક દિગમ્બર સાધુઓ આવી પહોંચ્યાં છે અને તેઓ ચલમની શેર સાથે ધુણી ધખાવીને પોતે સાધનામાં બેસી ગયાં છે. મેળામાં આવતાં દરેક ભક્તો આ તમામ દિગમ્બર સાધુઓનાં (નાગા બાવા) દર્શનનો લ્હાવો લઇ રહ્યાં છે.

ઉલ્લેખનીય છે કે આ મેળામાં નાના-મોટા 100 જેટલાં અન્નક્ષેત્રો ચાલી રહ્યાં છે. આ અન્નક્ષેત્રો દ્વારા યાત્રાળુઓ માટે ભાવતા પ્રસાદની પણ વ્યવસ્થા કરવામાં આવી છે. જેથી તમામ યાત્રાળુઓ માટે જમવાની વ્યવસ્થા પણ કરવામાં આવી છે.

આ સિવાય અન્ય કેટલીક નાની મોટી સંસ્થાઓ અને મંદિરો દ્વારા યાત્રાળુઓની સગવડ માટે ચા-નાસ્તા, ઠંડા પીણાંની તેમજ છાશની વ્યવસ્થા પણ કરવામાં આવી છે. વિશેષ વાત કરીએ તો જ્યાં-જ્યાં ઉતારાઓનું આયોજન કરવામાં આવ્યું છે તે દરેક જગ્યાએ ભજન અને સંગીત કાર્યક્રમનું આયોજન પણ કરવામાં આવ્યું છે.

આ ઉપરાંત આ મેળામાં પોલીસ તંત્રનું સખ્ત બંદોબસ્ત પણ ગોઠવી દેવામાં આવ્યું છે. જેથી કોઇ અનિચ્છનીય બનાવ ના બને. ત્યાંનાં કેટલાંક વહીવટી તંત્રનાં લોકોએ પણ યાત્રાળુઓ માટે ખૂબ જ ઉત્તમ વ્યવસ્થા પણ કરી આપી છે. મનપા દ્વારા સફાઇ, ફાયર, પાણી, લાઇટ જેવી અનેક સુવિધાઓ પણ પુરી પાડવામાં આવી છે.

જો કે આવતી કાલે મહાશિવરાત્રી પર્વ પર નાગા બાવાઓની રવાડી નીકળશે. રવાડી નીકળ્યા બાદ મૃગીકુંડમાં સાધુઓ શાહીસ્નાન કરશે. જેમાં આવતી કાલે ગુજરાતનાં CM વિજય રૂપાણી રવાડીનાં દર્શન કરશે.

જૂનાગઢમાં યોજાયેલ શિવરાત્રીના મેળાનો ચોથો દિવસmore
દિગંબર સાધુઓ કરી રહ્યાં છે ભગવાન શિવની આરાધનાmore
અવનવા વેશ ધારણ કરતાં જોવાં મળ્યાં સાધુઓmore
દિગંબર સાધુઓ કરી રહ્યાં છે અઘોર સાધનાmore

 

Dhruv Brahmbhatt

Recent Posts

પ્યાર મેં ધોખાઃ પ્રેમિકાને બદનામ કરવા કોન્સ્ટેબલે અશ્લીલ ફોટાનો સહારો લીધો

(અમદાવાદ બ્યૂરો) અમદાવાદ: બાર વર્ષ સુધી ડિવોર્સી મહિલા સાથે લિવ ઈન રિલેશનમાં રહ્યા બાદ પોલીસ કર્મચારીએ તેના બીભત્સ ફોટોગ્રાફની પ્રિન્ટ…

12 hours ago

1 ફેબ્રુઆરીથી કેન્દ્ર સરકારની નોકરીમાં 10 ટકા સવર્ણ અનામતનો લાભ મળશે

(એજન્સી) નવી દિલ્હી: સામાન્ય શ્રેણીના આર્થિક રીતેે નબળા વર્ગ (ઇડબ્લ્યુએસ)ના લોકોને ૧ ફેબ્રુઆરીથી કેન્દ્ર સરકારની નોકરીઓમાં ૧૦ ટકા અનામતનો લાભ…

14 hours ago

…તો ઇજાગ્રસ્ત પેસેન્જર મુંબઇના બદલે કોલકતા પહોંચી ગયો હોત

(અમદાવાદ બ્યૂશ્રરો) અમદાવાદ: વાઇબ્રન્ટ ગુજરાત ગ્લોબલ સમિટ-ર૦૧૯ની ઇવેન્ટમાં હાજરી આપવા આવેલા મુંબઇના પ્રવાસીને પાછા ફરતી વખતે અન્ય ફલાઇટમાં બેસાડી દેવાતાં…

14 hours ago

Ahmedabadમાં 800 કરોડના ખર્ચે નવાં આઠ મલ્ટિસ્ટોરિડ પાર્કિંગ બનાવાશે

(અમદાવાદ બ્યૂરો) અમદાવાદ: દેશના ગોવા જેવા રાજ્ય કરતાં પણ વધુ વાર્ષિક બજેટ ધરાવતા અમદાવાદ મ્યુનિસિપલ કોર્પોરેશનના વહીવટીતંત્ર દ્વારા આગામી નાણાકીય…

14 hours ago

પ્રોપર્ટીના વિવાદમાં એક જ પરિવારના સભ્યો આમને સામનેઃ ત્રણ ઘાયલ

(અમદાવાદ બ્યૂરો) અમદાવાદ: શહેરના રખિયાલમાં ગઇ કાલે સાંજે પ્રોપર્ટીના વિવાદમાં એક જ પરિવારના બે સભ્યો વચ્ચે લોહિયાળ જંગ ખેલાતાં સમગ્ર…

15 hours ago

નંબર પ્લેટ વિના ફરતા નવાં વાહનો પર RTOની તવાઈ

(અમદાવાદ બ્યૂરો) અમદાવાદ: શહેરમાં છેલ્લા કેટલાક સમયથી નંબર પ્લેટ વિના નવા ફરતા વાહનો પર રોક લગાવવા માટે આરટીઓએ ડીલરો સામે…

15 hours ago