Categories: Sports

હાલ મોતને ગળે લગાવવાનો યોગ્ય સમય નથીઃ મારિકા

રિયોઃ પેરાલિમ્પિકમાં સિલ્વર મેડલ જીતનારી બેલ્જિયમની ખેલાડી મારિકા વેરવૂર્ટનું કહેવું છે કે તે ભવિષ્યમાં ઇચ્છામૃત્યુ પસંદ કરશે, હમણાં નહીં. સ્નાયુઓની વિકૃતીની અસાધ્ય બીમારી સામે ઝઝૂમી રહેલી ૩૭ વર્ષીય એથ્લીટે વ્હીલચેરની ૪૦૦ મીટરની રેસમાં સિલ્વર મેડલ હાંસલ કર્યો છે. આ બીમારીને કારણે તેના પગમાં સતત અસહ્ય દર્દ થાય છે, જે તેને ઊંઘવા દેતું નથી. ૧૪ વર્ષની ઉંમરે મારિકાને પોતાની આ બીમારીની જાણ થઈ હતી, ત્યારથી તેની જિંદગી સતત ચાલી રહેલા જંગ જેવી બની ગઈ છે. તેણે જણાવ્યું કે તે ૨૦૦૮માં જ યુથેનિસિયા (ઇચ્છામૃત્યુ)ના કાગળ પર હસ્તાક્ષર કરી ચૂકી છે. ઇચ્છામૃત્યુ બેલ્જિયમમાં કાયદેસર છે.

બેલ્જિયમની સમાચાર એજન્સીઓએ એવા અહેવાલ આપ્યા હતા કે તે રિયો બાદ પોતાનું જીવન સમાપ્ત કરી શકે છે, પરંતુ મારિકાએ પોતાની જીત બાદ પત્રકાર પરિષદમાં આ બધી અટકળોને નકારી કાઢી હતી. તેણે કહ્યું, ”હાલ હું જીવનની દરેક નાની પળોનો આનંદ ઉઠાવી રહી છું. જ્યારે એવી પળ આવશે, જેમાં સારા દિવસોની સરખામણીએ મારી પાસે ખરાબ દિવસો વધુ હશે ત્યારે હું મારી ઇચ્છાથી મૃત્યુ પસંદ કરી લઈશ, પરંતુ હાલ એ સમય નથી આવ્યો.”

વ્હીલ ચેર રેસને પોતાની કરિયર તરીકે પસંદ કરનારી મારિકાએ ૨૦૧૨ના લંડન ઓલિમ્પિકમાં ૧૦૦ મીટરમાં ગોલ્ડ અને ૨૦૦ મીટરમાં સિલ્વર મેડલ જીત્યો હતો.

divyesh

Recent Posts

કેસરી’ માટે ત્રણ મિનિટમાં જ કહી દીધી હતી હાં: પરિણી‌તિ

બોલિવૂડ અભિનેત્રી પરિણી‌તિ ચોપરાએ 'ઇશકજાદે'થી કરિયરની શરૂઆત કરી ત્યારે લોકોને હતું કે તે કાઠું કાઢશે, પરંતુ છ વર્ષમાં તેણે કરેલી…

1 week ago

રમજાનનાં આરંભ સાથે જ ફળોનાં ભાવમાં રૂ.૨૦થી ૨૫નો વધારો

અમદાવાદઃ મુસ્લિમ બિરાદરોનાં પવિત્ર રમજાન માસનો પ્રારંભ થતાંની સાથે જ ફ્રૂટમાં ૨૫ ટકા અને ખજૂરના ભાવોમાં ૨૦ ટકાનો ભાવ વધારો…

1 week ago

મોદીએ મહાજનને કહ્યું, ‘ભોજન લાવ્યાં છો? હું ગાડીમાં ખાઈ લઈશ’

ઈન્દોરઃ વડા પ્રધાન નરેન્દ્ર મોદીએ રવિવારે ઈન્દોરમાં ચૂંટણી સભા કરી. આ દરમિયાન ઈન્દોર સીટના હાલનાં સાંસદ સુમિત્રા મહાજન (તાઈ) અને…

1 week ago

અમિત શાહનો રોડ શો મમતા સરકારે કર્યો રદ, હેલિકોપ્ટર ઉતારવાની પણ મંજૂરી ન અપાઇ

કોલકાતાઃ પશ્ચિમ બંગાળમાં મમતા સરકારે ભાજપ અધ્યક્ષ અમિત શાહને રેલી કરવાની પરવાનગી ન આપી. ભાજપ સૂત્રોનાં જણાવ્યાં મુજબ શાહનું હેલિકોપ્ટર…

1 week ago

પાલનપુર-અંબાજી હાઇવે ઉપર ટ્રિપલ અકસ્માત: ત્રણનાં મોત

અમદાવાદઃ પાલનપુર-અંબાજી રોડ પર આજે રતનપુર ગામ પાસે મેઇન હાઇવે પર આજે એક બાઇક અને બે કાર વચ્ચે ટ્રિપલ અકસ્માત…

1 week ago

અમદાવાદમાં પબજી રમવા પર હવે કોઈ જ પ્રકારનો પ્રતિબંધ નહીં

અમદાવાદઃ રાજકોટમાં પબજી ગેમ રમવા પર પ્રતિબંધ મુકાવાનો મામલો હાઇકોર્ટમાં પહોંચ્યો હતો. જેમાં પબજી ગેમ પર પ્રતિબંધ લાદતું જાહેરનામું પોલીસે…

2 weeks ago