Ahmedabad: એક સમયે ચમકતાં BRTSનાં બસસ્ટેન્ડ હવે મરમ્મત માગે છે…

અમદાવાદ: અમદાવાદ શહેરમાં લોકોને ઉપયોગી બને તે માટે ૧૪ ઓક્ટોબર ૨૦૦૯માં મ્યુનિસિપલ કોર્પોરેશન દ્વારા બીઆરટીએસ બસની સેવા શરૂ કરાઇ હતી. જે લોકોને ખૂબ ઉપયોગી સાબિત થઈ છે.

જોકે હવે શહેરનાં ઘણાં બીઆરટીએસ બસ સ્ટેન્ડને મરમતની જરૂર છે.હાલમાં અનેક બીઆરટીએસ બસ સ્ટેન્ડમાં જાળીઓ તેમજ ડિસ્પ્લે તૂટવા લાગ્યા છે તો અનેક બસ સ્ટેન્ડના શેડ પણ ક્ષતિગ્રસ્ત બન્યા છે. હવે મ્યુનિસિપલ કોર્પોરેશનના જનમાર્ગ વિભાગે બીઆરટીએસ બસ સ્ટેન્ડની સમારકામ કરવાની જરૂર છે.

જનમાર્ગ વિભાગ દ્વારા મુસાફરોને સુવિધા આપવા માટે અનેક વખત પ્રયાસ કરવામાં આવે છે અને હવે ૧ સપ્ટેમ્બરથી કેશલેસ સુવિધા શરૂ કરવા જઈ રહ્યાે છે, જેમાં મુસાફરને ઇટીએમ દ્વારા ટિકિટ આપવામાં આવશે .તેમજ બીઆરટીએસ સ્ટેન્ડમાં ફ્રી વાઇ ફાઇની સુવિધા શરૂ કરવામાં આવી છે.

શહેરનાં તમામ બસ સ્ટેન્ડમાં સીસીટીવી કેમેરા લગાવવામાં આવ્યા છે પણ તેમાં પણ મોટા ભાગના કેમેરા બંધ હાલતમાં જોવા મળે છે ત્યારે બીઆરટીએસ બસ હોય કે બસ સ્ટેન્ડ કોર્પોરેશન મેન્ટેનન્સ કરવામાં નિષ્ફળ ગયું છે, જેના કારણે ઘણાં બીઆરટીએસ સ્ટેન્ડની હાલત બિસ્માર જોવા મળે છે.

હાલમાં સારંગપુરથી લાલ દરવાજા સુધી તેમજ આરટીઓ રોડથી અખબારનગર તેમજ નારોલથી નરોડા રોડ સુધીનાં બીઆરટીએસ સ્ટેન્ડમાં જાળીઓ તૂટેલી, જાહેરાત માટેનાં ડિસ્પ્લે તૂટેલાં જોવા મળે છે. સ્ટેન્ડનાં શેડ પવનમાં ઊડી જાય છે તેમજ સ્ટેન્ડના કાચ પણ બિસ્માર હાલતમાં જોવા મળે છે.

મુસાફરોએ અનેક વખત કોર્પોરશનના અધિકારીને ફરિયાદ કરીને જાણ કરી છે. તેમ છતાં કોઈ પણ પ્રકારનું મેન્ટેનન્સ કરવામાં આવતું નથી.

કોર્પોરેશનના સૂત્રોએ જણાવ્યું છે કે બીઆરટીએસ બસ સ્ટેન્ડના સમારકામ માટે ટેન્ડરો બહાર પાડી દેવામાં આવ્યાં છે. થોડા સમયમાં જ બીઆરટીએસ બસ સ્ટેશનનું સમારકામ ચાલુ થઈ જશે. ઉલ્લેખનીય છે કે લાખો રૂપિયાનો ધુમાડો કરી બસ સ્ટેન્ડ પણ બનાવાયાં, પરંતુ તેની યોગ્ય જાળવણી કરવામાં આવે તેવી લોકોની માગણી છે.

divyesh

Recent Posts

PM મોદીને મળ્યો દક્ષિણ કોરિયાનો સૌથી મોટો એવોર્ડ

(એજન્સી) નવી દિલ્હી: સિયોલમાં આજે વડા પ્રધાન નરેન્દ્ર મોદીને દક્ષિણ કોરિયાના સૌથી મોટા ‘શાંતિ પુરસ્કાર’થી નવાજવામાં આવ્યાં છે. દુનિયાભરના એક…

1 min ago

આઇસોલેશન વોર્ડ વગર સ્વાઇન ફ્લૂના દર્દીની સારવાર કરતી હોસ્પિટલને સીલ કરાશે

(અમદાવાદ બ્યૂરો) અમદાવાદ: શહેરની અનેક ખાનગી હોસ્પિટલમાં સ્વાઇન ફલૂના દર્દી માટે અલગ આઇસોલેશન વોર્ડ ન હોવા છતાં ફક્ત કમાણી કરવાના…

14 mins ago

STની હડતાળના બીજા દિવસે પણ હજારો મુસાફરો અટવાઇ ગયા

અમદાવાદ: એસટીના કર્મચારીઓની હડતાળ આજે બીજા દિવસે પણ ચાલુ રહેતા મુસાફરો હલાકીમાં મુકાયા હતા. સરકારે ખાનગી બસોની વૈકલ્પિક વ્યવસ્થા કરવા…

15 mins ago

શહેરના તમામ 240 બગીચાની જાળવણી માટે નવેસરથી કોન્ટ્રાક્ટ અપાશે

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશન દ્વારા શહેરના તમામ ર૪૦ નવા-જૂના બગીચાની જાળવણી માટે નવેસરથી ક્વાયત આરંભાઇ છે. હાલના તંત્ર હસ્તકના…

20 mins ago

હાઉસિંગ કોલોનીના રી ડેવલપમેન્ટમાં લાભાર્થીને 40 ટકા મોટું મકાન મળશે

(પ્રતિનિધિ દ્વારા) અમદાવાદ: અમદાવાદ સહિત રાજ્યભરની હાઉસિંગ બોર્ડ હસ્તકની હજારો એકર જમીનમાં ઊભા કરાયેલાં મકાનોનું રી ડેવલપમેન્ટ થઇ શકશે. ૭પ…

22 mins ago

પાકિસ્તાન વિરુદ્ધ મોટા એક્શનની તૈયારીઃ ચાર મોટા દેશોને જાણ કરી

(એજન્સી) નવી દિલ્હી: પુલવામા હુમલા બાદ પાકિસ્તાનને સબક શીખવવા માટે એક મોટા એક્શનની સંપૂર્ણ તૈયારી ભારતે કરી લીધી છે. સરકારે…

30 mins ago