અનંતનાગમાં લશ્કરનો એક આતંકી ઠારઃ ત્રણ ઘેરાયાઃ એન્કાઉન્ટર જારી

શ્રીનગર: જમ્મુ-કાશ્મીરના અનંતનાગમાં સેના અને એસઓજીના સંયુકત ઓપરેશનમાં એક અથડામણમાં સુરક્ષાદળોએ લશ્કર-એ-તોયબાના એક આતંકવાદીને ઢાળી દીધો છે. ક્રોસ ફાયરિંગમાં એક સ્થાનિક નાગરિક પણ ઘાયલ થયો છે. આતંકીની લાશ ઘટનાસ્થળેથી મળી આવી છે.

હજુ પણ ત્રણ આતંકીઓ છુપાયા છે અને સેનાએ તેમને ઘેરી લીધા છે. આ લખાઇ રહ્યું છે ત્યારે અથડામણ જારી છે. દરમિયાન સુરક્ષાની દૃષ્ટિએ અનંતનાગમાં ઇન્ટરનેટ સેવાઓ સ્થગિત કરી દીધી છે.

અનંતનાગના કોકેરનાગમાં આતંકીઓ છુપાયા હોવાની બાતમી મળ્યા બાદ સુરક્ષાદળોએ આજે વહેલી સવારે મોટું ઓપરેશન હાથ ધર્યું હતું. સ્પેશિયલ ઓપરેશન ગ્રૂપ (એસઓજી)ના કમાન્ડો, સ્થાનિક પોલીસ અને સીઆરપીએફના જવાનો પણ સેનાના આ સંયુક્ત સર્ચ ઓપરેશનમાં જોડાયા છે.

સુરક્ષાદળોએ ચારે તરફથી આતંકીઓને ઘેરી લીધા ત્યારે તેમણે અચાનક ફાયરિંગ શરૂ કરી દીધું હતું. સેનાએ પણ આતંકીઓના ફાયરિંગનો જોરદાર વળતો જવાબ આપ્યો હતો. સેનાનાં સૂત્રોના જણાવ્યા અનુસાર એન્કાઉન્ટર ચાલી રહ્યું છે અને હાલ સમગ્ર વિસ્તારમાં ઈન્ટરનેટ બંધ કરી દેવામાં આવ્યું છે.

કાશ્મીર ‍ખીણમાં ‌િસરિયલ કિલિંગની દહેશત: આતંકીઓએ વન અધિકારીની ગોળી મારી હત્યા કરી જમ્મુ-કાશ્મીરના બારામુલા જિલ્લામાં ગત રાત્રે આતંકીઓએ વન વિભાગના એક અધિકારીની ગોળી મારી હત્યા કરી હતી. આતંકી હુમલાની આ ઘટના બારામુલા જિલ્લાના ટનમાર્ગ નજીકના કુંજર વિસ્તારમાં બની હતી.

ગંભીર રીતે ઘવાયેલા વન અધિકારી તારિક અહમદ મલિકનું મોત નીપજ્યું હતું. આ હુમલા બાદ સુરક્ષાદળોએ ઘટનાસ્થળે પહોંચીને સમગ્ર વિસ્તારને ઘેરી લઈ મોડી રાત સુધી ફાયરિંગ કર્યું હતું.

પોલીસ પ્રવક્તાના જણાવ્યા અનુસાર અજાણ્યા હુમલાખોરોએ ગત રાત્રે કુંજર વિસ્તારમાં રહેતા વન અધિકારી તારિક અહમદ મલિકના ઘર પર હુમલો કર્યો હતો. આ હુમલા દરમિયાન આતંકીઓએ મલિક પર અનેક ગોળીઓ છોડી હતી.

આ આતંકીઓ ત્રાસવાદી સંગઠન લશ્કર-એ-તોઈબાના હોવાની માહિતી સેનાને મળી છે. આ હુમલા પાછળ તોઈબાના આતંકી યુસુફ ડાર ઉર્ફે કંટરુનો હાથ હોવાની વાત પણ સામે આવી છે. ઉલ્લેખનીય છે કે કાશ્મીર ઘાટીમાં છેલ્લા ૪૮ કલાકમાં આતંકીઓએ કરેલી આ પાંચમી હત્યા છે.

divyesh

Recent Posts

RTOનું સર્વર હેક કરીને ડ્રાઇવિંગ લાઇસન્સમાં ચેડાં કરાયાં

(પ્રતિનિધિ દ્વારા) અમદાવાદ: શહેરની આરટીઓ કચેરીમાં સોફટવેરમાં ચેડાં કરીને ટુ વ્હીલરનાં લાઈસન્સ ધારકોને ફોર વ્હીલર તેમજ હેવી વિહિકલનાં લાઈસન્સ કાઢી…

14 hours ago

સુખરામનગરમાં ઘરમાં ઘૂસીને પોલીસ કર્મચારી, તેમના પરિવારજનો પર ઘાતક હુમલો

(અમદાવાદ બ્યૂરો) અમદાવાદ: શહેરના રખિયાલ વિસ્તારમાં આવેલ સુખરામનગરના ત્રણ માળિયા મકાનમાં ગઇકાલે પોલીસ કર્મચારી તેમજ ના પુત્ર અને તેની પત્ની…

14 hours ago

વિધાનસભાના ટૂંકા સત્રનો વિપક્ષના સૂત્રોચ્ચાર અને હોબાળા સાથે પ્રારંભ

(અમદાવાદ બ્યૂરો) અમદાવાદ: ગુજરાત વિધાનસભાના પાંચ દિવસીય ટૂંકા સત્રનો આરંભ આજે વિપક્ષના હોબાળા વચ્ચે થયો હતો. સત્રની શરૂઆતના પહેલા દિવસે…

14 hours ago

‘પાસ’ના ભાગેડુ અલ્પેશ કથીરિયાને ક્રાઈમ બ્રાંચે સુરતથી ઝડપી લીધો

(પ્રતિનિધિ દ્વારા) અમદાવાદ: રાજદ્રોહના કેસમાં જામીન રદ થયા બાદ નાસતા ફરતા પાસના નેતા અલ્પેશ કથીરિયાની સુરત ક્રાઇમ બ્રાંચે સુરતના વેલંજા…

14 hours ago

પુલવામા હુમલાનો બદલોઃ સુરક્ષાદળોએ માસ્ટર માઈન્ડ ગાઝી રશીદ અને કામરાનને ફૂંકી માર્યા

(એજન્સી) પુલવામા: તાજેતરમાં જમ્મુ-કાશ્મીરના પુલવામામાં સીઆરપીએફના ૪૪ જવાનોને શહીદ કરનાર ખોફનાક આતંકી હુમલાના બદલારૂપે આજે પુલવામામાં જ સુરક્ષાદળોએ આ આતંકી…

16 hours ago

CRPF કાશ્મીરમાં જવાનોના કાફલાની મૂવમેન્ટના નિયમોમાં મોટા ફેરફાર કરશે

(એજન્સી) નવી દિલ્હી: જમ્મુ-કાશ્મીરમાં પુલવામામાં થયેલા આતંકી હુમલા બાદ સીઆરપીએફે કાશ્મીરમાં જવાનોના કાફલાની અવરજવરમાં નવા નિયમો જોડવાનો નિર્ણય કર્યો છે.…

16 hours ago