સેનાનો ‘360 ડિગ્રી’ એક્શન પ્લાન તૈયાર: ચારે તરફથી પાકિસ્તાનને ઘેરશે

(એજન્સી) નવી દિલ્હી: ભારતે પુલવામામાં થયેલા આતંકી હુમલાનો બદલો લેવા અને પાકિસ્તાનને સબક શીખવવા ‘૩૬૦ ડિગ્રી’ એક્શન પ્લાન તૈયાર કરી લીધો છે. સરકારનાં ઉચ્ચ સ્તરીય સૂત્રોએ એ વાતની પુષ્ટિ કરી છે કે પાકિસ્તાન વિરુદ્ધ હવે બહુ મોટી કાર્યવાહી હાથ ધરાશે. પુલવામા આતંકી હુમલાના માસ્ટર માઈન્ડ જૈશના કમાન્ડર કામરાન ગાઝીને સુરક્ષાદળોએ ફૂંકી માર્યો છે, પરંતુ આ તો ફક્ત શરૂઆત છે.

કેન્દ્રીય ગૃહ મંત્રાલયના ઉચ્ચ અધિકારીઓ જણાવે છે કે હજુ પાકિસ્તાન સામે બહુ મોટી કાર્યવાહી થવાની બાકી છે. આ કાર્યવાહી ૩૬૦ ડિગ્રી એટલે કે પાકિસ્તાનને ચારે તરફથી ઘેરીને તેને સબક શીખવવાનો પ્લાન છે. સરકારે સેના અને ઈન્ટેલિજન્સ એજન્સીઓને આ ખાસ એક્શન પ્લાન ઘડી કાઢવા જણાવ્યું હતું, જે હવે તૈયાર થઈ ગયો છે. સરકાર તરફથી આ પ્લાનને લાગુ કરવાની લીલી ઝંડી પણ આપી દેવામાં આવી છે.

૩૬૦ ડિગ્રી એક્શન પ્લાન અનુસાર જળ (નેવી), સ્થળ (આર્મી) અને નભ (એરફોર્સ) એમ ત્રણેય સેનાને એલર્ટ રહેવા અને એક્શન પ્લાન અનુસાર કાર્યવાહી કરવા આદેશ આપી દેવામાં આવ્યા છે. સેનાને ચાર દિવસ પહેલાં એટલે કે ૧પ ફેબ્રુઆરીએ એક્શન પ્લાન તૈયાર કરવા જણાવાયું હતું.

સેના અને ઈન્ટેલિજન્સ એજન્સીઓએ આ વખતે આતંકને જડમૂળથી નાબૂદ કરવાનો મક્કમ નિર્ધાર કર્યો છે. આતંકીઓના આકાઓ અને પાકિસ્તાનને સબક શીખવવા માટે કાશ્મીરમાં તહેનાત અધિકારીઓ પાસેથી પણ અલગ અલગ પ્લાન માગવામાં આવ્યા છે. તેના પર સંરક્ષણ મંત્રાલય, ગૃહ મંત્રાલય અને પીએમઓ આખરી સહમતી આપે પછી કાર્યવાહીના આદેશ જારી કરવામાં આવશે તેવું સૂત્રો જણાવે છે.

હાલ જે પ્લાન મળ્યા છે તેમાંથી છ પ્લાન પસંદ કરવામાં આવશે અને તેના પર મંજૂરીની મહોર લાગ્યા બાદ કાર્યવાહીની બ્લૂપ્રિન્ટ તૈયાર કરાશે. પાકિસ્તાન અને આતંકીઓને પાઠ ભણાવવા માટે અમલમાં મુકાનારા આ ૩૬૦ ડિગ્રી એક્શન પ્લાનમાં કાશ્મીર, પાક. અધિકૃત કાશ્મીર (પીઓકે) અને પાકિસ્તાનના સરહદી વિસ્તારોનો સમાવેશ કરવામાં આવ્યો છે.

એજન્સીઓના લેટેસ્ટ રિપોર્ટ અનુસાર હાલ કાશ્મીરમાં સુરક્ષાદળોને જેમના વિશેની તમામ જાણકારી છે તેવા ર૪ર આતંકીઓ સહિત કુલ ૩પ૦ આતંકીઓ સક્રિય છે. સુરક્ષાદળોને હવે આ તમામ આતંકીઓને ખતમ કરવાનાે ટાસ્ક સોંપવામાં આવ્યો છે. કાશ્મીર ઘાટીને આતંકીવિહીન કરવાનો પ્લાન હાલ સૌથી ઉચ્ચક્રમે છે. સરકારની ટોપ પ્રાયોરિટી પણ કાશ્મીર ઘાટી જ છે.

divyesh

Recent Posts

Hyundaiની નવી કોમ્પેક્ટ SUV મે મહિનામાં થઇ શકે છે લોન્ચ

હુંડાઇ મોટર ઇન્ડિયાએ પોતાની અપકમિંગ કોમ્પેક્ટ SUV Styxનો નવું ટીઝર રજૂ કર્યું હતું. હુંડાઇ સ્ટાઇક્સ ગત વર્ષે શોકેસ કરેલ કારલિનો…

13 hours ago

ડાયા‌િબટિક રેટિનોપથીની તપાસમાં પણ હવે ‘એઆઈ’નો ઉપયોગ

વોશિંગ્ટન: સ્વાસ્થ્યના ક્ષેત્રમાં નવી નવી ટેકનિક આવવાથી ઘણી ગંભીર બીમારીઓની ઓળખ કરવાનું અને તેનો ઉપચાર સરળ બની ગયો છે. કેન્સર…

14 hours ago

100 પશુઓ માટે ફોટોગ્રાફરે આરામદાયક જિંદગી અને સફળ કારકિર્દીને છોડી દીધી

(એજન્સી)મોસ્કોઃ દરિયા પુસ્કરેવા રશિયાની રાજધાની મોસ્કોની એક સફળ ફોટોગ્રાફર હતી, પરંતુ એક દિવસ તેણે આરામદાયક જિંદગીને છોડીને જંગલમાં રહેવાનું નક્કી…

14 hours ago

ઈલેક્ટ્રિક કારથી ત્રણ વર્ષમાં 90,000 કિ.મી.ની કરી યાત્રા

(એજન્સી)હોલેન્ડ: એક ઈલેક્ટ્રિક કાર ડ્રાઈવરે લોકોના સહયોગથી ત્રણ વર્ષમાં ૯૦,૦૦૦ કિ.મી.ની યાત્રા કરી. ઝીરો કાર્બન ઉત્સર્જનનો સંદેશ લઈને વિબ વેકર…

14 hours ago

સાપ્તાહિક રાશિ ભવિષ્ય: જાણો કઇ રાશિને થશે ધનનો લાભ, કોને થશે કારકિર્દીક્ષેત્રે પ્રગતિ

મેષઃ આ અઠવાડિયે આપને પુષ્કળ પ્રમાણમાં મહત્‍વના લાભો મળવાના છે એમ ગણેશજીનું માનવું છે. આપનો કરિશ્‍મા, આત્મવિશ્વાસ અને અંત:સ્‍ફુરણા એટલા સક્રિય…

14 hours ago

મિત્રએ ઉધાર લીધેલા 25 હજાર આપવાના બદલે મોત આપ્યું

(પ્રતિનિધિ દ્વારા) અમદાવાદ: શહેરના પૂર્વ વિસ્તારમાં ગુનાખોરીની ગ્રાફ દિવસે ને દિવસે વધી રહ્યો છે. સામાન્ય બાબતોમાં તેમજ રૂપિયાની લેતીદેતી જેવી…

15 hours ago