Categories: India

સારું થયું કેજરીવાલથી અલગ થઇ ગયો નહીતર મારી પણ કેજરીવાલ જેવી દુર્દશા થાત: અણ્ણા હઝારે

નવી દિલ્હી: સામાજિક કાર્યકર્તા અણ્ણા હઝારેએ કહ્યું કે સારું થયું તેમણે અરવિંદ કેજરીવાલનો સાથ છોડી દીધો. અણ્ણા હઝારેએ પોતાના જીવન પર બની રહેલી ફિલ્મ ‘અણ્ણા’ના પોસ્ટર લોન્ચિંગના અવસર પર આ નિવેદન આપ્યું હતું. ફિલ્મનું નિર્માણ શશાંક ઉદાપુરકર કરી રહ્યાં છે. આ અવસર પર અણ્ણાએ કહ્યું હતું કે ‘આ સારું થયું કે મેં અરવિંદનો સાથ છોડી દીધો, નહી તો મારી પણ આવી દુર્દશા થાત.’’

અણ્ણા હઝારેએ કહ્યું હતું કે ‘’હવે મારે અરવિંદ કેજરીવાલ સાથે કોઇ સંબંધ નથી. મને ખબર નથી કે શું સાચું છે અને શું ખોટું. પરંતુ જ્યારે પણ હું સમાચારોમાં તેના વિશે વાંચું છું તો મને દુખ થાય છે.’’

અત્રે ઉલ્લેખનીય છે કે 2011માં અણ્ણા હઝારે આંદોલનના સમયે અરવિંદ કેજરીવાલ તેમના સહયોગી હતા. બંનેએ સાથે મળીને જનલોકપાલ બિલ માટે દિલ્હીમાં જંતર મંતર પર ધરણા ધર્યા હતા. તે સમયે કેજરીવાલ અણ્ણાને પોતાના ગુરૂ અને માર્ગદર્શક ગણતા હતા. તેમની સાથે મનીષ સિસોદિયા, કુમાર વિશ્વાસ અને કિરણ બેદી પણ હતા. જો કે બાદમાં બધા રાજકારણમાં આવી ગયા. કિરણ બેદી ભાજપમાં જતા રહ્યાં. હવે તે પુડુચેરીની ઉપરાજ્યપાલ છે.

અરવિંદ કેજરીવાલ રાજકારણમાં ગયા બાદ અણ્ણા હઝારેએ તેમની સાથે પોતાનો સંબંધ તોડી દીધો હતો. અણ્ણા હઝારે રાજકારણમાં જવાની વિરૂદ્ધમાં હતા. જો કે આ વર્ષે જાન્યુઆરીમાં અણ્ણા હઝારેએ અરવિંદ કેજરીવાલની પ્રશંસા પણ કરી હતી. તેમણે કહ્યું હતું કે અરવિંદ કેજરીવાલ સ્પષ્ટ ચરિત્ર અને આદર્શવાદી છે.

admin

Recent Posts

દેશદ્રોહના કેસમાં જેએનયુના કનૈયાકુમાર, ઉમર સહિત નવ વિરુદ્ધ ચાર્જશીટ દાખલ

નવી દિલ્હી: જવાહરલાલ નહેરુ યુનિવર્સિટી (જેએનયુ)માં ૯ ફેબ્રુઆરી, ર૦૧૬ના રોજ લગાવવામાં આવેલા દેશવિરોધી સૂત્રોચ્ચાર અને નારાબાજીના કેસમાં દિલ્હી પોલીસના સ્પેશિયલ…

18 hours ago

મહાનિર્વાણી-અટલ અખાડાના શાહીસ્નાન સાથે બ્રાહ્મમુહૂર્તમાં કુંભમેળાનો ભવ્ય પ્રારંભ

પ્રયાગરાજ: તીર્થરાજ પ્રયાગમાં ૪૯ દિવસ માટે ચાલનારા કુંભમેળાનો આજે સવારે બ્રાહ્મમુહૂર્તમાં ભવ્ય પ્રારંભ થયો છે. ગંગા નદીના સંગમતટ પર શ્રી…

18 hours ago

કર્ણાટક ભાજપના ધારાસભ્યોના ગુરગ્રામમાં ધામા, કોંગ્રેસ-જેડીયુના ૧૩ MLA ગાયબ

બેંગલુરુ: વિધાનસભા ચૂંટણીના લગભગ સાત મહિના બાદ કર્ણાટકમાં ફરી એક વખત સત્તાનું નાટક શરૂ થઈ ગયું છે. રાજ્યમાં સત્તારૂઢ કોંગ્રેસ-જેડીએસ…

19 hours ago

દુબઈના શાસકની ગુમ પુત્રીને સોંપવાના બદલામાં ભારતને મળ્યો મિશેલઃ રિપોર્ટ

લંડન: અગસ્તા વેસ્ટલેન્ડ હેલિકોપ્ટર સોદાના આરોપી ક્રિિશ્ચયન મિશેલના પ્રત્યર્પણની અવેજીમાં ભારતે સંયુક્ત આરબ અમિરાતના શાસકને તેમની ગુમ થયેલી પુત્રી સોંપવી…

19 hours ago

ખોટા રન-વેના કારણે ઈરાનમાં સેનાનું કાર્ગો પ્લેન ક્રેશ થયુંઃ 15નાં મોત

તહેરાન: ઈરાનની રાજધાની તહેરાન પાસે સેનાનું એક કાર્ગો પ્લેન ક્રેશ થઈ ગયું હતું. આ વિમાનમાં લગભગ ૧૦ લોકો સવાર હતા.…

19 hours ago

કમુરતાં પૂરાંઃ આજથી હવે લગ્નની સિઝન પુરબહારમાં

અમદાવાદ: હિંદુ સમુદાયમાં લગ્ન સહિતનાં શુભ કાર્ય માટે વર્જિત ગણવામાં આવતાં કમુરતાં ગઇ કાલે ૧૪ જાન્યુઆરીએ હવે પૂરાં થયાં છે.…

19 hours ago