Categories: Gujarat

એએમટીએસ બસને હજુ નિષ્ણાત મિકેનિક પણ ચાલુ કરી શક્યા નથી

અમદાવાદ: ગત ગુરુવારની સાંજે રક્ષાબંધનના પવિત્ર તહેવારે એએમટીએસની બસે નહેરુબ્રિજ પાસે ગમખ્વાર અકસ્માત સર્જીને શહેરીજનોને ખળભળાવી મૂક્યા હતા. માતેલા સાંઢની જેમ દોડતી બસે મારેલી ટક્કરથી બે બહેનોએ એકના એક ભાઇ કારમાં બેઠેલા હરેશ પરીખને ગુમાવ્યા હતા તેમજ આ અકસ્માતમાં બાઇકચાલક મોહંમદ સફી નામના યુવકનું પણ મોત થયું હતું, જેને હવે અઠવાડિયું થશે, પરંતુ આઘાતજનક બાબત એ છે કે આરટીઓની ટીમ બંધ બસને હજુ સુધી ચાલુ કરી શકી ન હોઇ અકસ્માતનું ખરું કારણ જાણવા મળ્યું નથી.

રક્ષાબંધનના પવિત્ર તહેવારના દિવસની સાંજે અકસ્માત થયા બાદ ખુદ એએમટીએસના ઉચ્ચ અધિકારીઓએ ‘બ્રેક ફેલ’ની થિયરી મી‌િડયા સમક્ષ રજૂ કરી હતી. બસચાલક રમેશ ચૌહાણની કેફિયતના આધારે એએમટીએસના સત્તાવાળાઓએ સત્ય હકીકતની ખરાઇ કર્યા વગર ડ્રાઇવરને એક પ્રકારે નિર્દોષ જાહેર કરી દીધો હતો! અલબત્ત, સ્ટેન્ડિંગ કમિટીના ચેરમેન પ્રવીણ પટેલના વિરોધાભાસી નિવેદનથી ચિત્ર ડહોળાયું હતું. સ્ટેન્ડિંગ ચેરમેન પ્રવીણ પટેલે મી‌િડયા સાથેની વાતચીતમાં ડ્રાઇવરે ભૂલથી એક્સિલેટર પર પગ મૂકી દીધો હતો તેમ જણાવતાં એએમટીએસ તંત્રમાં દોડધામ મચી ગઇ હતી.

પરિણામે એએમટીએસની ટેક‌િનકલ કમિટીને અકસ્માત અંગે પ્રારંભિક તપાસ કરવાની ફરજ પડી હતી, જેમાં અકસ્માતના દિવસે પણ બ્રેકમાં કોઇ સમસ્યા ન હોવાનું બહાર આવ્યું હતું. તંત્રના રિપોર્ટ બાદ ‘બ્રેક ફેલ’ની થિયરી પર જ આપોઆપ બ્રેક લાગી ગઇ છે! જોકે હજુ પણ એએમટીએસના સત્તાવાળાઓ અકસ્માતના કારણ અંગે મગનું નામ મરી પાડવા તૈયાર નથી.

અગાઉ એએમટીએસના ઉચ્ચ અધિકારીઓએ એક-બે દિવસમાં જ આરટીઓ અને ટ્રાફિક પોલીસનો રિપોર્ટ આવી જવાનાં ઢોલ-નગારાં પીટ્યાં હતાં. તેમ છતાં વાસ્તવિકતા તો એ છે કે હવે અઠવાડિયું થશે પણ આરટીઓ કે ટ્રાફિક પોલીસને રિપોર્ટ તંત્રને મળ્યો નથી. આ અંગે એએમટીએસના એક ઉચ્ચ અધિકારીને પૂછતાં તેઓ કહે છે, “અઠવાડિયાથી આરટીઓની ટીમ નવરંગપુરા પોલીસ સ્ટેશન ખાતે બંધ બસને ચાલુ કરવાની કોશિશ કરે છે, પરંતુ બસ ચાલુ કરી શકતા નથી એટલે પરત જાય છે. આરટીઓની ટીમની મદદ માટે એએમટીએસના વર્કશોપમાંથી પણ મિકે‌િનક મોકલાવ્યા હતા. તેમ છતાં બંધ બસને ચાલુ કરાવવામાં કોઇ સફળતા મળી નથી! એટલે આરટીઓનો રિપોર્ટ અટક્યો છે. આ રિપોર્ટ આવતા સોમવારે મળી શકે તેમ લાગે છે.

આરટીઓનો રિપોર્ટ વાયા ટ્રાફિક પોલીસ એટલે કે સંયુકત રિપોર્ટ હશે! દરમ્યાન એએમટીએસના બસ અકસ્માતનું ખરું કારણ હજુ સુધી જાણવા ન મળ્યું હોઇ એએમટીએસના ચેરમેન પણ અકળાયા છે.

divyesh

Recent Posts

Hyundaiની નવી કોમ્પેક્ટ SUV મે મહિનામાં થઇ શકે છે લોન્ચ

હુંડાઇ મોટર ઇન્ડિયાએ પોતાની અપકમિંગ કોમ્પેક્ટ SUV Styxનો નવું ટીઝર રજૂ કર્યું હતું. હુંડાઇ સ્ટાઇક્સ ગત વર્ષે શોકેસ કરેલ કારલિનો…

42 mins ago

ડાયા‌િબટિક રેટિનોપથીની તપાસમાં પણ હવે ‘એઆઈ’નો ઉપયોગ

વોશિંગ્ટન: સ્વાસ્થ્યના ક્ષેત્રમાં નવી નવી ટેકનિક આવવાથી ઘણી ગંભીર બીમારીઓની ઓળખ કરવાનું અને તેનો ઉપચાર સરળ બની ગયો છે. કેન્સર…

1 hour ago

100 પશુઓ માટે ફોટોગ્રાફરે આરામદાયક જિંદગી અને સફળ કારકિર્દીને છોડી દીધી

(એજન્સી)મોસ્કોઃ દરિયા પુસ્કરેવા રશિયાની રાજધાની મોસ્કોની એક સફળ ફોટોગ્રાફર હતી, પરંતુ એક દિવસ તેણે આરામદાયક જિંદગીને છોડીને જંગલમાં રહેવાનું નક્કી…

2 hours ago

ઈલેક્ટ્રિક કારથી ત્રણ વર્ષમાં 90,000 કિ.મી.ની કરી યાત્રા

(એજન્સી)હોલેન્ડ: એક ઈલેક્ટ્રિક કાર ડ્રાઈવરે લોકોના સહયોગથી ત્રણ વર્ષમાં ૯૦,૦૦૦ કિ.મી.ની યાત્રા કરી. ઝીરો કાર્બન ઉત્સર્જનનો સંદેશ લઈને વિબ વેકર…

2 hours ago

સાપ્તાહિક રાશિ ભવિષ્ય: જાણો કઇ રાશિને થશે ધનનો લાભ, કોને થશે કારકિર્દીક્ષેત્રે પ્રગતિ

મેષઃ આ અઠવાડિયે આપને પુષ્કળ પ્રમાણમાં મહત્‍વના લાભો મળવાના છે એમ ગણેશજીનું માનવું છે. આપનો કરિશ્‍મા, આત્મવિશ્વાસ અને અંત:સ્‍ફુરણા એટલા સક્રિય…

2 hours ago

મિત્રએ ઉધાર લીધેલા 25 હજાર આપવાના બદલે મોત આપ્યું

(પ્રતિનિધિ દ્વારા) અમદાવાદ: શહેરના પૂર્વ વિસ્તારમાં ગુનાખોરીની ગ્રાફ દિવસે ને દિવસે વધી રહ્યો છે. સામાન્ય બાબતોમાં તેમજ રૂપિયાની લેતીદેતી જેવી…

3 hours ago