Categories: Gujarat

આસ્ટોડિયા રોડ બીઆરટીએસ કે પછી એએમટીએસ કોરિડોર?

અમદાવાદ: અમદાવાદીઓમાં એક સમયે ઝડપ, સ્વચ્છતા અને નિયમિતતા માટે વખણાતી બીઆરટીએસ બસ સેવા હવે દિવસે દિવસે કથળતી જાય છે. બીઆરટીએસ બસનું ઓપરેશન અધિકારીઓ ફક્ત ઓફિસમાં બેસીને કરતા હોઇ ઉતારુઓની મુશ્કેલીમાં વધારો જ થઇ રહ્યો છે. તેમાં પણ બીઆરટીએસનો આસ્ટોડિયા રોડ કોરિડોર તો ફક્ત કહેવા પૂરતો જ બીઆરટીએસ કોરિડોર છે કેમકે સમગ્ર કોરિડોરમાં એએમટીએસની બસ જ બીઆરટીએસની બસ કરતાં વધારે દોડી રહી છે.

પૂર્વ કમિશનરનો અર્બન ટ્રાન્સપોર્ટનો અખતરો બીઆરટીએસના આસ્ટોડિયા રોડ કોરિડોરને માટે ભારે પડ્યો છે. દાણાપીઠામાં આવેલા મ્યુનિ. મુખ્યાલયમાં બિરાજતા મેયર કમિશનર જેવા મહાનુભાવોની ઓફિસની સામે થઇને પસાર થતા બીઆરટીએસના આસ્ટોડિયા રોડ કોરિડોરનો એક પ્રકારે ફિયાસ્કો થયો છે. આસ્ટોડિયા રોડ કોરિડોર પરના સિગ્નલ હરહંમેશાં બંધ હોય છે, કોરિડોર બહાર રિક્ષાવાળાનાં તેમજ ખાનગી વાહનોનાં આડેધડ પાર્કિંગથી અવારનવાર ટ્રાફિક જામ સર્જાય છે. મુખ્યાલયની રોડ પરની દીવાલ જ દબાણમુક્ત નથી.

તેમાં પણ ગત તા.ર૬ ડિસેમ્બર, ર૦૧૪થી આસ્ટોડિયા રોડ પર ટ્રાફિકનું ભારણ ઓછું કરવા તંત્રે એએમટીએસની રૂટ નંબર ૩૩,૭ર,૧૪ર શટલ સહિતની કુલ ૩પ ‌બસ શરૂ કરતાં આસ્ટોડિયા રોડ બીઆરટીએસ કોરિડોરની રોનક જ ગાયબ થઇ ગઇ છે. કોરિડોર બહારનાં દબાણોને દૂર કરવામાં નિષ્ફળ કોર્પોરેશન અને ટ્રાફિક પોલિસની ઘોર બેદરકારીથી ‘અર્બન ટ્રાન્સપોર્ટ’ના રૂડાં રૂપાળાં નામથી એએમટીએસની બસ બીઆરટીએસ કોરિડોરમાં દાખલ કરાયા બાદ આજે બે વર્ષના ટૂંકા ગાળામાં એએમટીએસ બસની કુલ ૧પ રૂટની ૧૦૯ બસ થઇ છે. જ્યારે બીઆરટીએસની ફક્ત ત્રણ રૂટની કુલ ૪પ બસ દોડાવાઇ રહી છે.

બીઆરટીએસ કરતાં એએમટીએસની બસ વધારે થવાથી કોરિડોરની સિક્યોરિટી પણ જળવાતી નથી. ખાનગી સિક્યોરિટીના ગાર્ડ બહારના વાહનોને કોરિડોરની અંદર ઘૂસતા રોકી શકતા નથી. આનુ કારણ એએમટીએસ બસની સતત અવરજવર છે. આ બસને કોરિડોરમાં પ્રવેશ આપવા દોરડા કે અન્ય બેરિકેડસની આડસ દૂર કરતાંની સાથે જ ટુ વ્હીલરો વગેરે અંદર ઘૂસી જાય છે. જો કે આ પ્રશ્ને બીઆરટીએસ અને એએમટીએસ વચ્ચે સંકલનનો અભાવ હોઇ ચુંટાયેલા પાંખ પણ ખુલ્લી આંખે તમાશો જોવામાં માને છે.

AMTS અને BRTS બસ રૂટ-બસ સંખ્યા
એમટીએસ ઃ રૂટ નંબર ૧પ૧-૧૦ બસ • રૂટ નંબર ૧૩/૧-૧ર બસ • રૂટ નંબર ૧પ૧/૩, ૧પ૧/૩ શટલ-૧૪ બસ • રૂટ નંબર ૧પ૧/૪-૬-બસ • રૂટ નંબર ૧૩/૧-૧ર બસ • રૂટ નંબર ૧૩/૧ શટલ-૧ર બસ • રૂટ નંબર ૭ર-૧૩ બસ • રૂટ નંબર ૩૩ -૧ર બસ • રૂટ નંબર ૧ર૩-ર બસ • રૂટ નંબર ૧ર૩ શટલ-પ બસ • રૂટ નંબર ૧૪ર, ૧૪ર/શટલ-૯ બસ • રૂટ નંબર પર/ર-૧ર બસ • રૂટ નંબર ૧૪૪/૧-૬ બસ કુલ ૧પ રૂટ ૧૦૯ બસ
બીઆરટીએસ ઃ રૂટ નંબર ૮-રર બસ • રૂટ નંબર ૯-૧ર બસ • રૂટ નંબર ૧૧-પ બસ કુલ ૩ રૂટ ૪પ બસ
http://sambhaavnews.com/

divyesh

Recent Posts

RTOનું સર્વર હેક કરીને ડ્રાઇવિંગ લાઇસન્સમાં ચેડાં કરાયાં

(પ્રતિનિધિ દ્વારા) અમદાવાદ: શહેરની આરટીઓ કચેરીમાં સોફટવેરમાં ચેડાં કરીને ટુ વ્હીલરનાં લાઈસન્સ ધારકોને ફોર વ્હીલર તેમજ હેવી વિહિકલનાં લાઈસન્સ કાઢી…

6 hours ago

સુખરામનગરમાં ઘરમાં ઘૂસીને પોલીસ કર્મચારી, તેમના પરિવારજનો પર ઘાતક હુમલો

(અમદાવાદ બ્યૂરો) અમદાવાદ: શહેરના રખિયાલ વિસ્તારમાં આવેલ સુખરામનગરના ત્રણ માળિયા મકાનમાં ગઇકાલે પોલીસ કર્મચારી તેમજ ના પુત્ર અને તેની પત્ની…

6 hours ago

વિધાનસભાના ટૂંકા સત્રનો વિપક્ષના સૂત્રોચ્ચાર અને હોબાળા સાથે પ્રારંભ

(અમદાવાદ બ્યૂરો) અમદાવાદ: ગુજરાત વિધાનસભાના પાંચ દિવસીય ટૂંકા સત્રનો આરંભ આજે વિપક્ષના હોબાળા વચ્ચે થયો હતો. સત્રની શરૂઆતના પહેલા દિવસે…

6 hours ago

‘પાસ’ના ભાગેડુ અલ્પેશ કથીરિયાને ક્રાઈમ બ્રાંચે સુરતથી ઝડપી લીધો

(પ્રતિનિધિ દ્વારા) અમદાવાદ: રાજદ્રોહના કેસમાં જામીન રદ થયા બાદ નાસતા ફરતા પાસના નેતા અલ્પેશ કથીરિયાની સુરત ક્રાઇમ બ્રાંચે સુરતના વેલંજા…

6 hours ago

પુલવામા હુમલાનો બદલોઃ સુરક્ષાદળોએ માસ્ટર માઈન્ડ ગાઝી રશીદ અને કામરાનને ફૂંકી માર્યા

(એજન્સી) પુલવામા: તાજેતરમાં જમ્મુ-કાશ્મીરના પુલવામામાં સીઆરપીએફના ૪૪ જવાનોને શહીદ કરનાર ખોફનાક આતંકી હુમલાના બદલારૂપે આજે પુલવામામાં જ સુરક્ષાદળોએ આ આતંકી…

8 hours ago

CRPF કાશ્મીરમાં જવાનોના કાફલાની મૂવમેન્ટના નિયમોમાં મોટા ફેરફાર કરશે

(એજન્સી) નવી દિલ્હી: જમ્મુ-કાશ્મીરમાં પુલવામામાં થયેલા આતંકી હુમલા બાદ સીઆરપીએફે કાશ્મીરમાં જવાનોના કાફલાની અવરજવરમાં નવા નિયમો જોડવાનો નિર્ણય કર્યો છે.…

8 hours ago