મમતાના ગઢમાં મહાગઠબંધન વિરુદ્ધ બ્યૂગલ ફૂંકવાં પહોંચશે અમિત શાહ

(એજન્સી) કોલકાતા: ભારતીય જનતા પાર્ટીના રાષ્ટ્રીય અધ્યક્ષ અમિત શાહ આજે પશ્ચિમ બંગાળના માલદામાં એક વિશાળ જનસભા સંબોધિત કરશે. આજે પશ્ચિમ બંગાળની મુલાકાતે જનાર અમિત શાહ અહીં ભાજપ તરફથી લોકસભા ચૂંટણીનું પ્રચાર અભિયાન શરૂ કરશે. માલદાની આ સભા બાદ બુધવારે તેઓ વીરભૂમિ અને ગુરુવારે નાદિયા જિલ્લામાં પણ જનસભા સંબોધશે.

આજે માલદામાં યોજાનાર અમિત શાહની રેલીને મમતા બેનર્જી અને મહાગઠબંધનની મોરચાબંધી વિરુદ્ધ શક્તિ પ્રદર્શનના રૂપમાં જોવામાં આવી રહ્યું છે. અમિત શાહની આ રેલી પહેલા તેની અનુમતિને લઈને ભાજપ અને મમતા સરકારમાં ખૂબ જ વાદવિવાદ થઈ રહ્યો છે. એવું માનવામાં આવી રહ્યું છે કે અમિત શાહની સભામાં પણ તેની અસર જોવા મળશે. બીજી તરફ પશ્ચિમ બંગાળમાં ભાજપના આ મોટા કાર્યક્રમો માટે રાજ્ય એકમ પણ સંપૂર્ણ તાકાતથી તૈયારીઓમાં જોડાયું છે.

આજે યોજાનાર આ રેલી પહેલા પશ્ચિમ બંગાળ સરકારે અમિત શાહને માલદા એરપોર્ટ પર હેલિકોપ્ટર લેન્ડિંગની અનુમતિ આપવાનો ઈનકાર કરી દીધો હતો. એરપોર્ટ પર નિર્માણ કાર્ય જારી હોવાની વાત કરતા માલદાના જિલ્લા પ્રાસાશને અહીં હેલિકોપ્ટર લેન્ડિંગની પરવાનગી આપી ન હતી. જ્યારે ભાજપે આ નિર્ણયને રાજકીય સાજિશ ગણાવી ત્યારે મમતા સરકારે માલદામાં અમિત શાહની હોટલ પાસે હેલિકોપ્ટર ઉતારવાની પરવાનગી આપી.

સરકારના આ નિર્ણય બાદ મુખ્ય પ્રધાન મમતા બેનર્જીએ કહ્યું કે અમે કોઈને અનુમતિ આપવાનો ઈન્કાર કર્યો નથી, પરંતુ ભાજપ અધ્યક્ષની સુરક્ષાને ધ્યાનમાં લેતા પોલીસે તેમને સ્થાન બદલવાનું કહ્યું હતું. મમતાએ કહ્યું કે તેમને પણ ક્યારેક પોલીસ આવા આદેશ આપે છે, પરંતુ તેઓ લોકતંત્ર પર ભરોસો રાખે છે અને આ કારણે રેલીની અનુમતિ પણ અપાઈ છે.

ઉલ્લેખનીય છે કે પશ્ચિમ બંગાળમાં શાહનું પ્રચાર અભિયાન પહેલાં ૨૦ જાન્યુઆરીથી શરૂ થવાનું હતું, પરંતુ સ્વાઈન ફ્લુ થવાના કારણે આ કાર્યક્રમ રદ કરી દેવાયો હતો.

divyesh

Recent Posts

ચૂંટણી સભા સંબોધતા હાર્દિક પટેલને યુવકે લાફો માર્યો

સુરેન્દ્રનગરના બલદાણામાં જન આક્રોશ સભામાં ભાષણ કરી રહેલા કોંગેસના સ્ટાર પ્રચારક હાર્દિક પટેલને એક યુવકે સ્ટેજ પર ચઢીને તું ૧૪…

7 mins ago

મોદી આચારસંહિતાનો ભંગ કરી રહ્યા છે, કાફલાની તપાસ કરવાની જરૂર હતી: કુરેશી

ઓડિશામાં વડા પ્રધાન નરેન્દ્ર મોદીના હેલિકોપ્ટરની તલાશી લેનારા આઈએએસ અધિકારીને સસ્પેન્ડ કરી દેવામાં આવ્યા હતા. આ મુદ્દે પૂર્વ ચૂંટણી કમિશનર…

14 mins ago

સાઉદીમાં ફસાયેલા ભારતીયની આપઘાતની ધમકીઃ સુષમાએ કહ્યું, ‘હમ હૈ ના’

વિદેશ પ્રધાન સુષમા સ્વરાજ દુનિયાભરમાં ફસાયેલા ભારતીયોની મદદ માટે જાણીતાં છે. ગઇ કાલે વિદેશ પ્રધાને સાઉદીમાં ફસાયેલા એક ભારતીયને મદદનો…

21 mins ago

ઓડિશા-બંગાળ, પૂર્વોત્તરનાં પરિણામ ચોંકાવશેઃ જેટલી

લોકસભા ચૂંટણીઓના તાજેતરના બે તબક્કામાં થયેલા મતદાનને જોતાં નાણાપ્રધાન અરુણ જેટલીએ કહ્યું કે જનતા વડા પ્રધાન નરેન્દ્ર મોદીના પક્ષમાં જતી…

22 mins ago

ભારતની ચૂંટણીઓથી પાક. દૂર રહે, સલાહની કોઈ જરૂર નથી: રામ માધવ

પાકિસ્તાનના વડા પ્રધાન ઇમરાન ખાન તરફથી ગયા અઠવાડિયે નરેન્દ્ર મોદીને લઇ આપેલા નિવેદન પર હવે ભાજપ મહાસચિવ રામ માધવે જવાબી…

26 mins ago

56 ઈંચની છાતીનો દાવો કરનાર કંઈ પણ કરવામાં નિષ્ફળઃ ઊર્મિલા

ઉત્તર મુંબઈ બેઠકથી કોંગ્રેસની ઉમેદવાર અને અભિનેત્રી ઊર્મિલા માતોડકરે પીએમ મોદી પર શાબ્દિક હુમલો કર્યો હતો. ઊર્મિલાએ કહ્યું હતું કે…

26 mins ago