પાક.ને USની કડક ચેતવણીઃ આતંકવાદીઓનો સફાયો કરો

(એજન્સી) વોશિંગ્ટન: પાકિસ્તાનમાં આતંકી સંગઠન જૈશના અડ્ડાઓ પર ભારતના હવાઇ હુમલા બાદ અમેરિકાએ પાકિસ્તાનને પોતાને ત્યાં ઊછરી રહેલાં આતંકી સંગઠનો વિરુદ્ધ સખત કાર્યવાહી કરવાની કડક ચેતવણી આપી છે. ટ્રમ્પ પ્રશાસને પાકિસ્તાનને જણાવ્યું છે કે પાેતાની ધરતી પર હજુ પણ મોજુદ આતંકીઓનો ખાતમો કરે.

આ નિવેદન એવે સમયે આવ્યું છે જ્યારે પાકિસ્તાન એવી આશા રાખીને બેઠું હતું કે ટ્રમ્પ પ્રશાસન હવાઇ હુમલા બદલ ભારત વિરુદ્ધ નિવેદન કરશે, પરંતુ પાકિસ્તાનની આ આશા પર પાણી ફરી વળ્યું છે. આ અગાઉ પાક.ના વિદેશ પ્રધાન શાહ મોહંમદ કુરેશીએ અમેરિકાના વિદેશ પ્રધાન માઇક પોમ્પિયો સાથે આ મુદ્દે વાત પણ કરી હતી.

પાકિસ્તાનના સરકારી રેડિયો પાકિસ્તાનના અહેવાલ અનુસાર કુરેશીએ પોમ્પિયો સાથે ટેલિફોન પર થયેલી વાતચીતમાં જણાવ્યું હતું કે ભારત પોતાનાે રાજકીય હેતુ સાધવા અને ચૂંટણી માટે દ‌િક્ષણ એશિયાની શાંતિને ખતરામાં મૂકી રહ્યું છે.

દરમિયાન ભારતના પાકિસ્તાન પરની એર સ્ટ્રાઇક અંગે સંયુકત રાષ્ટ્રના મહામંત્રી એન્ટોનિયો ગુતારેસે પણ પ્રતિક્રિયા આપતાં જણાવ્યું હતું કે ભારત અને પાકિસ્તાન હવે મહત્તમ સંયમ જાળવે. તેમણે જણાવ્યું હતું કે સંયુકત રાષ્ટ્રસંઘ બંને દેશોની સ્થિતિ પર નજર રાખી રહ્યું છે. સંયુકત રાષ્ટ્ર સંઘના પ્રવકતાએ જણાવ્યું હતું કે મહામંત્રીએ ભારત અને પાકિસ્તાનને મહત્તમ સંયમ રાખવાની અપીલ કરી છે જેથી હવે સ્થિતિ વધુ વણસે નહીં.

આ બાજુ વિકિલિકસ દ્વારા લીક કરવામાં અમેરિકન સંરક્ષણ વિભાગની એક ગોપનીય ફાઇલ પરથી એક એવો ઘટસ્ફોટ થયો છે કે લગભગ ૧પ વર્ષ પહેલાંની આ ફાઇલમાં પાકિસ્તાનના બાલાકોટ સ્થિત જૈશ એ મોહંમદના મોટા આતંકી કેમ્પનો ઉલ્લેખ થયો છે.

divyesh

Recent Posts

જિઓ બની દેશની બીજા નંબરની સૌથી મોટી ટેલિકોમ કંપની

મૂકેશ અંબાણીની ટેલિકોમ કંપની રિલાયન્સ જિઓએ તેના લોન્ચિંગના અઢી વર્ષમાં જ એક મોટી સિદ્ધિ હાંસલ કરી છે. યુઝર્સ બેઝના આધારે…

9 hours ago

વાસ્તુશાસ્ત્રની દૃષ્ટિએ દેવતાઓની મૂર્તિ ક્યાં રાખવી?

ઘરમાં અને મંદિરમાં દેવી દેવતાઓની મૂર્તિઓ રાખવાની પરંપરા જૂના સમયથી ચાલતી આવી છે. મોટાભાગના લોકો ગણેશજી, લક્ષ્મીજી, બાળ ગોપાલની મૂર્તિઓ…

10 hours ago

દિવસે ભઠ્ઠીમાં ફેરવાતી બીટ ચોકીમાં પોલીસ કર્મચારી પગ મૂકતાંય ડરે છે

શહેરમાં ટ્રાફિકની સમસ્યા દિવસે દિવસે વધતી જાય છે. ત્યારે આવા માથાના દુઃખાવા સમાન ટ્રાફિકની સમસ્યા હલ કરવા માટે ટ્રાફિક પોલીસ…

11 hours ago

મ્યુનિ. કોર્પોરેશનના નાઇટ શેલ્ટરમાં કોઈ ફરકતું જ નથી

મ્યુનિસિપલ કોર્પોરેશન દ્વારા શહેરમાં ઘરવિહોણા લોકોને ધોમધખતા તાપ કે કડકડતી ઠંડી કે ભારે વરસાદ જેવા કુદરતી વિષમ સંજોગોમાં આશરો આપવા…

11 hours ago

ગુજકેટઃ વિદ્યાર્થીઓની બેઠક વ્યવસ્થાને લઇને ચકાસણી

લોકસભા ચૂંટણીનો કાર્યક્રમ જાહેર થતાંની સાથે જ રાજ્ય શિક્ષણ બોર્ડ દ્વારા ગુજકેટ પરીક્ષાની તારીખમાં વધુ એક વખત ફેરફાર કરવાની ફરજ…

12 hours ago

શહેરના હેરિટેજ સમાન ટાઉનહોલને નવ કરોડના ખર્ચે રિનોવેટ કરાશે

અમદાવાદ મ્યુનિસિપલ કોર્પોરેશન હસ્તકના ટાઉનહોલને હવે વધુ સુવિધાસજ્જ અને અદ્યતન બનાવવાની તજવીજ હાથ ધરાઇ છે. બહુ ટૂંકા સમયમાં શહેરની મધ્યમાં…

12 hours ago