Categories: Gujarat

પ્રોપર્ટી ટેક્સ બિલમાં નામ ટ્રાન્સફરની અરજીનો સ્થળ ઉપર નિકાલ કરાશે

અમદાવાદ: મ્યુનિ. કોર્પોરેશનના લાખો પ્રોપર્ટી ટેક્સના કરદાતાઓ માટે સારા સમાચાર છે. જે પ્રોપર્ટી ટેક્સ દાતાને બિલમાં નામ ટ્રાન્સફર કરાવવાનું હશે તો તેવા ટેક્સ દાતાની નામ ટ્રાન્સફરની અરજીનો તંત્રની ઝોનલ કચેરી ખાતે સ્થળ ઉપર જ નિકાલ થઈ જશે. આ માટે અરજદારોએ પાક્કો દસ્તાવેજ, ઈન્ડેક્સ અને કોટ વિસ્તારના અરજદારોએ સિટી સર્વે નંબરને પુરાવા તરીકે રજૂ કરવાના રહેશે.

ચાલુ નાણાકીય વર્ષ ૨૦૧૬-૧૭ના પ્રોપર્ટી ટેક્સના કરદાતાઓ માટે તંત્ર દ્વારા આગામી તા.૧૮ અને ૧૯ જૂને તમામ ઝોનલ કચેરી ખાતે પ્રોપર્ટી ટેક્સ ફરિયાદ નિવારણ કાર્યક્રમનું આયોજન કરાયું છે. સવારના અગિયારથી બપોરના બે વાગ્યા સુધી ચાલનારા પ્રોપર્ટી ટેક્સ ફરિયાદ નિવારણ કાર્યક્રમ હેઠળ અરજદારોની નામ ટ્રાન્સફરની અરજીનો તત્કાળ પુરાવા રજૂ કર્યેથી સ્થળ ઉપર જ નિકાલ કરવામાં આવશે. જે માટે આસિ. મેનેજરને સત્તા અપાઈ છે.

જ્યારે પ્રોપર્ટી ટેક્સ ઘટાડાની અરજી સહિતની અરજીનો સ્થળ ઉપર સ્વીકાર કરીને અરજદારને આ અંગેની રસીદ આપવામાં આવશે. ત્યાર બાદ જે તે ઝોનલ કચેરી દ્વારા અરજદારની અરજીઓ ચકાસી સક્ષમ સત્તાની મંજૂરી અર્થે મૂકવામાં આવશે. એક અંદાજ પ્રમાણે ચાલુ નાણાકીય વર્ષ ૨૦૧૬-૧૭માં પ્રોપર્ટી ટેક્સને લગતા ૨૫૦૦૦ જેટલા વાંધાઓના િનકાલ કરવાના થાય છે.

પ્રોપર્ટી ટેક્સ વિભાગ દ્વારા આગામી તા.૧૮ અને ૧૯ જૂન બાદ બીજો ફરિયાદ નિવારણ કાર્યક્રમ તા.૨ અને ૩ જુલાઈએ યોજાશે. પહેલા ફરિયાદ નિવારણ કાર્યક્રમ હેઠળના મોટાભાગના અરજદારોની અરજીનો પંદર દિવસમાં નિકાલ લાવવાનો પ્રયાસ સત્તાવાળાઓ દ્વારા કરાઈને તા.૨ અને ૩ જુલાઈએ જે તે અરજદારોને તેમની અરજીની સ્થિતિથી અવગત કરાશે.

સામાન્ય રીતે પ્રોપર્ટી ટેક્સની વાંધા અરજીઓમાં નામ ટ્રાન્સફર ઉપરાંત મકાનમાલિક કે ભાડૂત જેવા કબજેદાર બદલવા તેમજ અન્ય સુધારા જેવા કે રહેઠાણ કે દુકાન જેવા મિલકતના ઉપયોગમાં સુધારા કે જે તે મિલકતના માપમાં સુધારાની વાંધા અરજીઓનો સમાવેશ થાય છે. આ ઉપરાંત બંધ મિલકતની વાંધા અરજીઓ પણ તંત્ર સમક્ષ નિકાલ માટે આવતી હોય છે. જોકે આ પ્રકારની અરજીઓનો નિકાલ જે તે નાણાકીય વર્ષના અંતિમ મહિનામાં થાય છે.

divyesh

Recent Posts

વડા પ્રધાન મોદી વારાણસીમાંઃ રૂ.ર૧૩૦ કરોડના પ્રોજેકટ્સનું લોકાર્પણ

(એજન્સી) વારાણસી: વડા પ્રધાન નરેન્દ્ર મોદી આજે સવારે પોતાના સંસદીય મત ક્ષેત્ર વારાણસી પહોંચી ગયા હતા. સૌ પહેલાં તેમણે ડીઝલથી…

8 hours ago

ગુજરાત વિધાનસભામાં નાણાપ્રધાન નીતિન પટેલે લેખાનુદાન રજૂ કર્યું

(અમદાવાદ બ્યૂરો) અમદાવાદ: ગુજરાત વિધાનસભામાં આજે નાણાપ્રધાન નીતિન પટેલે લેખાનુદાન રજૂ કર્યું હતું. લોકસભાની ચૂંટણીને અનુલક્ષી ર૦૧૯-ર૦નું પૂર્ણ બજેટ રજૂ…

9 hours ago

બેફામ સ્પીડે દોડતાં વાહનો સામે ટ્રાફિક પોલીસ-સ્પીડગન લાચાર

(પ્રતિનિધિ દ્વારા) અમદાવાદ: શહેરના એસજી હાઈવે પર બેફામ સ્પીડે વાહનો દોડે છે. ઓવરસ્પીડ માટે રૂ.એક હજારનો ઈ-મેમો આપવાની ભલે શરૂઆત…

9 hours ago

ભાજપના પ્રદેશ ઉપાધ્યક્ષના બ્લોગને પાકિસ્તાની હેકર્સે નિશાન બનાવ્યો

(પ્રતિનિધિ દ્વારા) અમદાવાદ: પુલાવામા એટેક બાદ ભારત અને પાકિસ્તાન વચ્ચે હેકિંગ વોર શરૂ થઇ ગઈ છે. ભારતીય હેકર્સે પાકિસ્તાનની ર૦૦થી…

9 hours ago

પશ્ચિમ ઝોનમાં પાંચ વર્ષના રોડના 750 કરોડનાં કામનો હિસાબ જ અધ્ધરતાલ!

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા રોડનાં કામમાં ચાલતી ગેરરી‌િત સામે આંખ આડા કાન કરાય છે તે તો જાણે…

9 hours ago

પથ્થરબાજોને સેનાની આખરી ચેતવણીઃ આતંકીઓને મદદ કરશો તો માર્યા જશો

(એજન્સી) શ્રીનગર: જમ્મુ-કાશ્મીરના પુલવામામાં થયેલા આતંકી હુમલા અને ત્યાર બાદ થયેલ એન્કાઉન્ટરને લઇ સુરક્ષાદળો (આર્મી, સીઆરપીએફ અને સ્થાનિક પોલીસ)એ શ્રીનગર…

11 hours ago