Categories: Gujarat

મ્યુનિ. માન્ય શ્રમિકોને જ હવે સફાઈ માટે નોકરીએ રાખી શકશે

અમદાવાદ: અમદાવાદ મ્યુનિસિપલ કોર્પોરેશન દ્વારા ઘનકચરાના નિકાલની ડોર ટુ ડમ્પની કામગીરીમાં કચરો વીણનારા શ્રમિકોને પણ સાંકળી લેવાશે. શહેરભરની હાઇરાઇઝ બિલ્ડિંગ કે કોર્પોરેટ હાઉસ જેવાં કોમર્શિયલ સેન્ટરમાં દરરોજ કચરાનું એકત્રીકરણ કરીને આ કચરો કોન્ટ્રાક્ટરની ગાડી સુધી પહોંચતો કરવા માટે કોર્પોરેશન માન્ય કચરો વીણનારાઓને જ નોકરીએ રાખવા પડશે.

કોર્પોરેશન દ્વારા આગામી પાંચ વર્ષ માટે ડોર ટુ ડમ્પની કામગીરી સોંપવા બાબતનાં નવાં ટેન્ડર બહાર પડતાં વિવાદો ઊઠ્યા હતા. એક સામા‌િજક સંસ્થાએ ટેન્ડરની શરતોને જોતાં આ કામગીરીમાંથી પોતાનો એકડો નીકળી જાય છે તેવી હાઇકોર્ટમાં રજૂઆત કરતાં સમગ્ર મામલો કોર્ટ આધીન થયો હતો, જેના કારણે હાઇકોર્ટે ટેન્ડરની શરતો યથાવત્ રાખીને આ સામા‌િજક સંસ્થા જેવી સંસ્થાઓને જે તે વોર્ડની કામગીરી કરતા કોન્ટ્રાક્ટર સાથે સાંંકળી લેવાનો તંત્રને આદેશ આપ્યો હતો.

જેના આધારે કોર્પોરેશને કચરો વીણનારા શ્રમિકો, એનજીઓ, કો-ઓપરે‌િટવ સોસાયટી, સેલ્ફ હેલ્પ ગ્રૂપ એસોસિયેશન પાસેથી નોંધણી ફોર્મ મંગાવવાની કામગીરી હાથ ધરી છે. આવા આશરે રપ૦૦ જેટલા શ્રમિકોની સત્તાવાર યાદી તૈયાર કરાશે અને ર‌િજસ્ટર્ડ શ્રમિકોને જ હાઇરાઇઝ બિલ્ડિંગ કે કોર્પોરેટ હાઉસ જેવાં સેક્ટરોએ કચરો એકઠો કરવાની ફરજ સોંપવી પડશે તેમજ આ શ્રમિકોને કેન્દ્રીય ધોરણ મુજબ દૈનિક રૂ.૩૧પનું ભથ્થું ચૂકવવું પડશે.

દરમ્યાન શહેરમાં દરરોજ ૧ર૦૦ થી ૧પ૦૦ મે‌િટ્રક ટન જેટલો ડોર ટુ ડમ્પનો કચરો ઉત્પન્ન થતો હોઇ પ્રત્યેક મે‌િટ્રક ટન ઘનકચરાના પીરાણા ડ‌િમ્પંગ સાઇટમાં નિકાલ માટે કોર્પોરેશન અંદા‌િજત રૂ.૭૦૦ ચૂકવે છે, જોકે હાલના કોન્ટ્રાક્ટરોની આ કામમાં મોનોપોલી રહી છે. દરમ્યાન નવા ટેન્ડરમાં ૧પ૦૦ ઘરદીઠ એક ગાડી પ્રમાણે વોર્ડદીઠ ૧૬ થી ર૦ ગાડી ફાળવવા જેવી નવી શરતો મુકાઇ છે તેમજ છ ઝોનના ૪૮ વોર્ડ માટે બાર કોન્ટ્રાક્ટરને કામગીરી અપાશે. નવાં ટેન્ડર આવી ગયાં હોઈ આગામી એક મહિનામાં ડોર ટુ ડમ્પની નવી અને અસરકારક કામગીરીનો ધમધમાટ ચાલુ થઇ જશે તેવો દાવો સ્ટેન્ડિંગ કમિટીના ચેરમેન પ્રવીણ પટેલે કર્યાે છે.
http://sambhaavnews.com/

divyesh

Recent Posts

કળશ કૌભાંડઃ પૂજા સામગ્રીના નિકાલમાં નિયમો-પવિત્રતાનો ખુલ્લેઆમ ભંગ

અમદાવાદ: મ્યુનિસિપલ કોર્પોરેશનમાં સતત એક અથવા બીજા પ્રકારનાં કૌભાંડ ગાજતાં હોય છે. હવે સાબરમતી નદીને ચોખ્ખીચણાક રાખવાના ઉદ્દેશથી નદી પરના…

24 mins ago

ગાંધીનગરમાં આજે દેશનો સૌથી મોટો ગ્લોબલ ટ્રેડ શો

અમદાવાદ: વડા પ્રધાન નરેન્દ્ર મોદી આજે બપોરથી ત્રણ દિવસ માટે ગુજરાતની મુલાકાતે છે વાઈબ્રન્ટ સમિટ ૨૦૧૯ અંતર્ગત ગાંધીનગર ટાઉનહોલ ખાતે…

34 mins ago

ગેમ્સમાં ભાગ લેનાર વિદ્યાર્થીઓ માટે CBSE બોર્ડ અલગથી પરીક્ષા લેશે

અમદાવાદ: દેશભરના ઊભરતા ખેલાડીઓ માટે એક રાહતના સમાચાર આવ્યા છે, જે વિદ્યાર્થીઓને ઇન્ટરનેશનલ અને નેશનલ ગેમ્સમાં ભાગ લેવા માટે બોર્ડની…

42 mins ago

કર્ણાટકમાં ભાજપનું ‘ઓપરેશન લોટસ’ નિષ્ફળ: JDSના ધારાસભ્યને ૬૦ કરોડની ઓફરનો આરોપ

બેંગલુરુ: કર્ણાટકમાં કોંગ્રેસ-જેડીએસ ગઠબંધન સરકારને પાડવાની ભાજપની કોશિશોને મોટો ઝાટકો વાગ્યો છે. અસંતુષ્ટ કોંગ્રેસ ધારાસભ્યોએ છેક છેલ્લી ઘડીએ વફાદારી બતાવીને…

51 mins ago

અમદાવાદીઓ માટે આજે સાંજથી શોપિંગની મજા

અમદાવાદ: આજથી તા. ૨૮ જાન્યુઆરી સુધી ચાલનારા અમદાવાદ શોપિંગ ફેસ્ટિવલમાં રૂ.બે હજારની રજિસ્ટ્રેશન ફી ભરીને શહેરના ૧૫,૪૦૦ વેપારીઓએ રજિસ્ટ્રેશન કરાવ્યું…

54 mins ago

આમંત્રણ પત્રિકામાંથી નાયબ મુખ્યપ્રધાનનું નામ જ ગાયબ

અમદાવાદ: અમદાવાદીઓ માટે રૂ.૭પ૦ કરોડના ખર્ચે બનાવાયેલી અતિ આધુનિક સરદાર વલ્લભભાઇ પટેલ હોસ્પિટલ આજે સાંજે વડા પ્રધાન નરેન્દ્ર મોદીના હસ્તે…

54 mins ago