Categories: Gujarat

છેલ્લાં પાંચ વર્ષમાં કોર્પોરેશને ૪૧ પબ્લિક ટોઈલેટ તોડી નાખ્યાં

અમદાવાદ: મ્યુનિ. કોર્પોરેશનના સત્તાવાળાઓ એક તરફ સ્વચ્છ ભારત અભિયાન ચલાવી રહ્યા છે. સ્વચ્છ ભારત અંતર્ગત પબ્લિક ટોઇલેટના ઉપયોગ માટે વોલન્ટિયર ગ્રૂપ સાથે વિવિધ કાર્યક્રમ કરે છે. સ્કૂલના વિદ્યાર્થીઓ દ્વારા પેઇન્ટિંગની કામગીરી કરાય છે. બીજી તરફ ચૂંટાયેલી પાંખના દબાણ આગળ નમતું જોખીને છેલ્લાં પાંચ વર્ષમાં તંત્રએ ૪૧ પબ્લિક ટોઇલેટને તોડી નાખ્યાં છે.

કોર્પોરેશનના સત્તાવાર રિપોર્ટ મુજબ ગત તા.ર સપ્ટે., ર૦૧૬ની સ્થિતિએ મેયર ગૌતમ શાહના નારણપુરા વોર્ડ, રાણીપ, કાળી, સાબરમતી, પાલડી, સ્ટેડિયમ, થલતેજ, ઘાટલોડિયા, અસારવા, દરિયાપુર, શાહીબાગ, બાપુનગર, ઇન્ડિયા કોલોની, સરસપુર, રખિયાલ અને ખાડિયા વોર્ડમાં કુલ ૪૧ પબ્લિક ટોઇલેટનેે તોડી નખાયાં છે. હેલ્થ કમિટીની પ્રત્યેક બેઠકમાં કોર્પોરેટરોની ભલામણથી જે તે પબ્લિક ટોઇલેટને હટાવી લેવાની બેથી ત્રણ દરખાસ્ત હોય જ છે.

કોઇ બિલ્ડરની સ્કીમ કે કોઇ શો-રૂમની આસપાસ પબ્લિક ટોઇલેટ આંખને અરુચિકર લાગે તો તત્કાળ જે તે વોર્ડના કોર્પોરેટરોની પેનલ તેને તોડી નાખવાની તંત્રને ભલામણ કરે છે. છેલ્લે મળેલી હેલ્થ કમિટીની બેઠકમાં પણ ગોમતીપુર અને સરસપુર-રખિયાલ વોર્ડના પબ્લિક ટોઇલેટને તોડીને દૂર કરવાની દરખાસ્તને મંજૂર કરાઇ હતી. શહેરમાં પબ્લિક ટોઇલેટ ઘટી રહ્યાં છે, પરંતુ આઘાતજનક બાબત એ છે કે પબ્લિક ટોઇલેટની સફાઇનો ખર્ચ વધી રહ્યો છે. શહેરનાં તમામ હયાત પબ્લિક ટોઇલેટ ગંદાં-ગોબરાં હોવા છતાં મ્યુનિ. તિજોરીમાંથી ખાનગી કોન્ટ્રાક્ટરોને દર વર્ષે રૂ. અઢી કરોડ સાફ-સફાઇ માટે અપાઇ રહ્યા છે. આ તો ઠીક સોનીની ચાલ ઓવરબ્રિજ નીચેના પબ્લિક ટોઇલેટમાંથી દારૂની કોથળીઓ મળી આવે છે. પરિણામે તંત્રને તેની ડિઝાઇન બદલવાની ફરજ પડે છે!

તાજેતરમાં હેલ્થ કમિટીએ પૂર્વ ઝોનના પબ્લિક ટોઇલેટની સાફ-સફાઇનાે રૂ. ૭પ લાખનાે વાર્ષિક કોન્ટ્રાક્ટ રોનક ટ્રેડર્સને સોંપીને વિવાદના નવાં વમળ સર્જ્યાં છે. આમ, પબ્લિક ટોઇલેટ તોડવાના અને તેની સાફ-સફાઇના પણ કોર્પોરેશનમાં ખુલ્લેઆમ કૌભાંડ ચાલી રહ્યાં છે.
visit : www.sambhaavnews.com

divyesh

Recent Posts

મ્યુનિ. સંચાલિત હોલ-પાર્ટી પ્લોટ ખાનગી કોન્ટ્રાક્ટર્સના હવાલે કરાશે

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશન સંચાલિત કોમ્યુનિટી હોલ, પાર્ટી પ્લોટ કે ઓપનએર થિયેટરને લગ્ન જેવા માંગલિક પ્રસંગોમાં ભારે ભાડું ચૂકવ્યા…

17 hours ago

રાજ્યભરમાં એસટી બસનાં પૈડાં થંભી ગયાં, હજારો મુસાફરો અટવાયા

(અમદાવાદ બ્યૂરો) અમદાવાદ: એસટી નિગમના રાજ્યભરના કર્મચારીઓ ગઇ કાલ મધરાતથી હડતાળ પર ઊતરી જતાં ૮૦૦૦થી વધુ બસનાં પૈડાં થંભી ગયાં…

17 hours ago

અયોધ્યામાં રામમંદિર તો અમે જ બનાવીશુંઃ CM રૂપાણી

(બ્યૂરો)ગાંધીનગર: વિધાનસભા ગૃહમાં આજે રાજ્યપાલના સંબોધન બદલનો આભાર માનતું સંબોધન મુખ્યપ્રધાન વિજ્ય રૂપાણીએ કાવ્યમય ભાષામાં કર્યું હતું. તેમણે કહ્યું હતું…

17 hours ago

છેલ્લા દશકામાં ફેબ્રુઆરીની સૌથી વધુ ગરમીનો રેકોર્ડ ૨૦૧૫માં નોંધાયો હતો

(અમદાવાદ બ્યૂરો) અમદાવાદ: ગઇકાલે શહેરમાં ગરમીનો પારો ઊંચે ચઢીને છેક ૩૬ ડિગ્રી સેલ્સિયસે જઇને અટક્યો હતો, જે સામાન્ય તાપમાન કરતાં…

17 hours ago

બોર્ડની પરીક્ષામાં CCTV સાથે ઓડીયો રેકોર્ડિંગ પણ ફરજિયાત કરવું પડશે

(અમદાવાદ બ્યૂરો) અમદાવાદ: ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા આગામી માર્ચ-૨૦૧૯માં લેવાનારી ધોરણ-૧૦, ધોરણ-૧૨ સામાન્ય પ્રવાહ અને ધોરણ-૧૨…

17 hours ago

મોદી દ‌. કોરિયાના બે દિવસના પ્રવાસેઃ આજે મળશે ‘સિયોલ શાંતિ પુરસ્કાર’

(એજન્સી) નવી દિલ્હી: વડા પ્રધાન નરેન્દ્ર મોદી બે દિવસના દ‌િક્ષણ કોરિયાના પ્રવાસે પહોંચી ચૂક્યા છે. લોટે હોટલમાં તેઓ ભારતીય સમુદાયના…

17 hours ago