Categories: Gujarat

કાલે ભગવાન ભક્તોને દ્વાર

અમદાવદ: ભગવાન જગન્નાથજીની ૧૪૦મી રથયાત્રા પરંપરાગત રૂટ ઉપર આવતી કાલે નીકળશે. રથયાત્રાની અંતિમ તબક્કાની તૈયારીઓ ઉત્સાહભેર થઈ રહી છે. કાલે પ્રભુ ભક્તોનાં ખબરઅંતર પૂછવા માટે નગરચર્યાએ નીકળશે. અષાઢી બીજે ૨૫ જૂનના રોજ સવારે પ્રાતઃ આરતી બાદ ભગવાન જગન્નાથજી, બહેન સુભદ્રાજી અને ભાઈ બળદેવજીની રથયાત્રાને સોનાની સાવરણીથી પહિંદવિધિ કરી રથ ખેંચીને મુખ્યપ્રધાન વિજય રૂપાણી અને નાયબ મુખ્યપ્રધાન નીતિન પટેલ પ્રસ્થાન કરાવશે.

કાલે સવારે ૪-૦૦ વાગ્યે મંગળા આરતીમાં મુખ્ય અતિથિ તરીકે ભાજપના રાષ્ટ્રીય અધ્યક્ષ અમિતભાઈ શાહ હાજર રહેશે. સવારે ૪-૩૦ કલાકે ભગવાનને વિશિષ્ટ એવો ખીચડી ભોગ અર્પણ કરશે. ત્યાર બાદ ભગવાનને પ્રિય રાસ-ગરબા નૃત્ય થશે. ર૦ વર્ષ પછી પહેલી વાર મુખ્યપ્રધાન અને નાયબ મુખ્યપ્રધાન એકસાથે રથયાત્રાને પ્રસ્થાન કરાવશે.
ત્યાર બાદ ભગવાનને આંખે બાંધેલા પાટા ખોલવાની વિધિ થશે. સવારે ૫-૪૫ કલાકે ભગવાન રથમાં બિરાજશે. ૭-૦૦ કલાકે રથયાત્રા વિધિવત્ શરૂ થશે. ત્યારે ગજરાજ, અખાડા, ભજન મંડળી, બેન્ડવાજાં, ટ્રકો અને સાધુ સંતોની સાથે જગતના નાથ નગરચર્યાએ નીકળશે.

આ વર્ષે પહેલીવાર નેત્રોત્સવ વિધિ બાદ ભગવાને અંગીકાર કરેલાં વસ્ત્રો પ્રસાદીરૂપે ભક્તોને અપાયાં હતાં. આજે બપોરે ત્રણ કલાકે રથ પૂજનની વિધિ યોજાશે. જેમાં કોંગ્રેસ પ્રમુખ ભરતસિંહ સોલંકી તેમજ વિપક્ષ નેતા શંકરસિંહ વાઘેલા ઉપસ્થિત રહેશે. આજે સાંજે મુખ્ય પ્રધાન વિજય રૂપાણી અને નાયબ મુખ્ય પ્રધાન નીતિન પટેલ દ્વારા વિશિષ્ટ પૂજા અને આરતી થશે. પરંપરા મુજબ તેેઓ ખીચડી પ્રસાદ માટેની સામગ્રી, કોળા, ગવારફળી, ચોખા અને દાળ લઇને આવશે. રાત્રે ૮-૦૦ કલાકે યોજાનાર આજની સંધ્યા આરતીમાં પ્રધાન મંડળના સભ્યો અને ભક્તો મોટી સંખ્યામાં હાજરી આપશે.

શહેરના પશ્ચિમ વિસ્તારમાં ઇસ્કોન મંદિર દ્વારા સાંજે ૪-૦૦ કલાકે રથયાત્રા આયોજિત થશે. ઇસ્કોનના વિષ્ણુરામદાસજીએ જણાવ્યું હતું કે રથયાત્રા બિલેશ્વર મહાદેવથી શરૂ થઇને શ્યામલ ચાર રસ્તા, આનંદનગર રોડ, પ્રેરણાતીર્થ દેરાસર અને રામદેવનગર થઇને રાત્રે ૮ કલાકે ઇસ્કોન મંદિરે પરત આવશે. સ્વામિનારાયણ ગુરુકુળ મેમનગરથી બપોરે ર કલાકે રથયાત્રા નીકળશે. યાત્રા મેમનગરથી શરૂ થઇને સુભાષ ચોક, યુગાંડા સોસાયટી, નિકિતા સોસાયટી, સત્તાધાર, કર્મચારીનગર, વિશ્રામનગર, તરુણનગર, સુભાષચોક, મેમનગર ગામ, માનવમંદિર થઇને સ્વામિનારાયણ ગુરુકુળ પરત થશે. ત્રિપદા પરિવાર એજ્યુકેશન ટ્રસ્ટ દ્વારા ઘાટલોડિયા વિસ્તારથી પ૦મી બાળયાત્રા યોજાશે. સમગ્ર અમદાવાદ શહેરમાં નાના-મોટી ૧ર૦ જેટલી રથયાત્રા આવતી કાલે યોજાશે.
http://sambhaavnews.com/

divyesh

Recent Posts

વિધાનસભા તરફ શિક્ષકોની કૂચ રાજ્યભરમાં અનેકની અટકાયત

(પ્રતિનિધિ દ્વારા) અમદાવાદઃ જિલ્લા પ્રાથમિક શિક્ષણ સંઘ દ્વારા શિક્ષકોના પડતર પ્રશ્નોના મુદ્દે આજે ગાંધીનગર વિધાનસભાને ઘેરાવ કરવા માટે નીકળેલા સેંકડો…

22 hours ago

PM મોદીને મળ્યો દક્ષિણ કોરિયાનો સૌથી મોટો એવોર્ડ

(એજન્સી) નવી દિલ્હી: સિયોલમાં આજે વડા પ્રધાન નરેન્દ્ર મોદીને દક્ષિણ કોરિયાના સૌથી મોટા ‘શાંતિ પુરસ્કાર’થી નવાજવામાં આવ્યાં છે. દુનિયાભરના એક…

22 hours ago

આઇસોલેશન વોર્ડ વગર સ્વાઇન ફ્લૂના દર્દીની સારવાર કરતી હોસ્પિટલને સીલ કરાશે

(અમદાવાદ બ્યૂરો) અમદાવાદ: શહેરની અનેક ખાનગી હોસ્પિટલમાં સ્વાઇન ફલૂના દર્દી માટે અલગ આઇસોલેશન વોર્ડ ન હોવા છતાં ફક્ત કમાણી કરવાના…

22 hours ago

STની હડતાળના બીજા દિવસે પણ હજારો મુસાફરો અટવાઇ ગયા

અમદાવાદ: એસટીના કર્મચારીઓની હડતાળ આજે બીજા દિવસે પણ ચાલુ રહેતા મુસાફરો હલાકીમાં મુકાયા હતા. સરકારે ખાનગી બસોની વૈકલ્પિક વ્યવસ્થા કરવા…

22 hours ago

શહેરના તમામ 240 બગીચાની જાળવણી માટે નવેસરથી કોન્ટ્રાક્ટ અપાશે

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશન દ્વારા શહેરના તમામ ર૪૦ નવા-જૂના બગીચાની જાળવણી માટે નવેસરથી ક્વાયત આરંભાઇ છે. હાલના તંત્ર હસ્તકના…

22 hours ago

હાઉસિંગ કોલોનીના રી ડેવલપમેન્ટમાં લાભાર્થીને 40 ટકા મોટું મકાન મળશે

(પ્રતિનિધિ દ્વારા) અમદાવાદ: અમદાવાદ સહિત રાજ્યભરની હાઉસિંગ બોર્ડ હસ્તકની હજારો એકર જમીનમાં ઊભા કરાયેલાં મકાનોનું રી ડેવલપમેન્ટ થઇ શકશે. ૭પ…

22 hours ago