Categories: Gujarat

કાંકરિયામાં 4-D ફિલ્મ સહિત ડિજિટલ ટેકનો.નો રોમાંચ માણી શકાશે

અમદાવાદ: અમદાવાદીઓ માટે કાંકરિયા લેકફ્રન્ટ સહપરિવાર આનંદપ્રમોદ કરવાનું પ્રિય સ્થળ બન્યું છે. ગત તા. ૧ જાન્યુઆરી, ૨૦૦૯થી આશરે રૂ. ૩૬ કરોડના ખર્ચે નવા રંગરૂપ ધારણ કરેલા કાંકરિયા લેકફ્રન્ટમાં ભાજપના શાસકો મુલાકાતીઓ માટે હરહંમેશાં કંઈ ને કંઈ નવાં આકર્ષણો ઉમેરી રહ્યાં છે. હવે આગામી દિવસોમાં મુલાકાતીઓને ડિજિટલ ટેકનોલોજીનાં નવાં આકર્ષણનો લહાવો મળશે.

ગત તા. પચીસથી ૩૧ ડિસેમ્બર, ૨૦૦૮ દરમિયાન શાસકોએ નવનિર્મિત કાંકરિયા લેકફ્રન્ટ ખાતે પ્રથમ કાંકરિયા કાર્નિવલની શરૂઆત કરી હતી. ત્યાર પછીનાં વર્ષોમાં દર વર્ષે આ સમયગાળામાં ધમાકેદાર કાંકરિયા કાર્નિવલનું આયોજન થાય છે, જેનો આનંદ માણવા રાજ્યભરમાંથી હજારો મુલાકાતીઓ ઊમટી પડે છે. છેલ્લા ડિસેમ્બર, ૨૦૧૫ના કાર્નિવલનો પણ કુલ ૨૫ લાખથી વધુ મુલાકાતીઓએ આનંદ માણ્યો હતો.

કાંકરિયા લેકફ્રન્ટનો હવાલો સંભાળતાં દક્ષિણ ઝોનના ડેપ્યુટી કમિશનર સી. આર. ખરસાણ કહે છે, ”કાંકરિયામાં મુલાકાતીઓ માટે નવાં નવાં આકર્ષણ ઉમેરવાનાં તંત્રના અભિગમ હેઠળ આગામી દિવસોમાં ડિજિટલ ટેકનોલોજી હેઠળના વિવિધ પ્રોજેક્ટની મુલાકાતીઓ મજા માણી શકશે. આ માટે વિવિધ એજન્સીઓ પાસેથી એક્સપ્રેશન ઓફ ઇન્ટરેસ્ટ મગાવ્યાં છે.”

ડિજિટલ ટેકનોલોજી આધારિત સંભવિત વિભિન્ન પ્રોજેક્ટ્સમાં ફોર ડી ઇફેક્ટ પ્રોજેક્શન, થ્રી ડી પ્રોજેક્શન મેપિંગ, ઓગનેન્ટેન્ડ રિયાલિટી, ટચસ્ક્રીન કિઓસ્ક, ડિજિટલ સાઇનેજિસ વગેરેનો સમાવેશ થાય છે, તેમ પણ ડેપ્યુટી કમિશનર ખરસાણ કહે છે.

એલઈડી સ્ક્રીનમાં મુલાકાતીને મળવા સિંહ કે ડાયનાસોર આવશે
છેલ્લા કાર્નિવલમાં સત્તાવાળાઓએ વ્યાયામ શાળા પાસે ઓગનેન્ટેન્ડ રિયાલિટી હેઠળ હંગામી ધોરણે એલઈડી ટીવી સ્ક્રીન મૂક્યો હતો, જેની સામે મુલાકાતી ઊભા રહે તો સ્ક્રીનની અંદર તો તેમનું ચિત્ર ઉપસી આવે, પરંતુ મુલાકાતીને મળવા અચાનક સ્ક્રીનમાં સિંહ કે ડાયનાસોર આવી ચઢતો હતો. હવે તંત્ર કાયમી ધોરણે આવાં સ્ક્રીન મૂકશે.

ફોર ડી સાથેની સાત ફિલ્મ દર્શાવાશે
ડિજિટલ ટેકનોલોજીની મદદથી કાંકરિયા લેક ફ્રન્ટમાં ભૂલકાંઓને ફોર ડી ઇમેજ ધરાવતી બાળ ફિલ્મો જોવાનો આનંદ આગામી દિવસોમાં મળી શકશે. ફોર ડી ઇમેજમાં કોઈ પણ વસ્તુ કે માનવી પ્રાણી સામેથી પોતાની નજીક આવતાં બાળકો અનુભવશે.

મુલાકાતીઓ માટે ટચસ્ક્રીન કિઓસ્ક, ડિજિટલ સાઇનેજિસ મુકાશે
સત્તાવાળાએ કાંકરિયા લેકફ્રન્ટને લગતી તમામ માહિતીઓ મુલાકાતીઓને આંગળીના ટેરવે ઉપલબ્ધ કરાવવા ટચસ્ક્રીન કિઓસ્ક મુકાશે, જે દ્વિમાર્ગી પ્રશ્ન અને ઉત્તરના રૂપમાં હશે તેમજ ડિજિટલ સાઇનેજિસ બોર્ડ પણ મુલાકાતીઓને આકર્ષશે.

divyesh

Recent Posts

RTOનું સર્વર હેક કરીને ડ્રાઇવિંગ લાઇસન્સમાં ચેડાં કરાયાં

(પ્રતિનિધિ દ્વારા) અમદાવાદ: શહેરની આરટીઓ કચેરીમાં સોફટવેરમાં ચેડાં કરીને ટુ વ્હીલરનાં લાઈસન્સ ધારકોને ફોર વ્હીલર તેમજ હેવી વિહિકલનાં લાઈસન્સ કાઢી…

16 hours ago

સુખરામનગરમાં ઘરમાં ઘૂસીને પોલીસ કર્મચારી, તેમના પરિવારજનો પર ઘાતક હુમલો

(અમદાવાદ બ્યૂરો) અમદાવાદ: શહેરના રખિયાલ વિસ્તારમાં આવેલ સુખરામનગરના ત્રણ માળિયા મકાનમાં ગઇકાલે પોલીસ કર્મચારી તેમજ ના પુત્ર અને તેની પત્ની…

16 hours ago

વિધાનસભાના ટૂંકા સત્રનો વિપક્ષના સૂત્રોચ્ચાર અને હોબાળા સાથે પ્રારંભ

(અમદાવાદ બ્યૂરો) અમદાવાદ: ગુજરાત વિધાનસભાના પાંચ દિવસીય ટૂંકા સત્રનો આરંભ આજે વિપક્ષના હોબાળા વચ્ચે થયો હતો. સત્રની શરૂઆતના પહેલા દિવસે…

16 hours ago

‘પાસ’ના ભાગેડુ અલ્પેશ કથીરિયાને ક્રાઈમ બ્રાંચે સુરતથી ઝડપી લીધો

(પ્રતિનિધિ દ્વારા) અમદાવાદ: રાજદ્રોહના કેસમાં જામીન રદ થયા બાદ નાસતા ફરતા પાસના નેતા અલ્પેશ કથીરિયાની સુરત ક્રાઇમ બ્રાંચે સુરતના વેલંજા…

16 hours ago

પુલવામા હુમલાનો બદલોઃ સુરક્ષાદળોએ માસ્ટર માઈન્ડ ગાઝી રશીદ અને કામરાનને ફૂંકી માર્યા

(એજન્સી) પુલવામા: તાજેતરમાં જમ્મુ-કાશ્મીરના પુલવામામાં સીઆરપીએફના ૪૪ જવાનોને શહીદ કરનાર ખોફનાક આતંકી હુમલાના બદલારૂપે આજે પુલવામામાં જ સુરક્ષાદળોએ આ આતંકી…

18 hours ago

CRPF કાશ્મીરમાં જવાનોના કાફલાની મૂવમેન્ટના નિયમોમાં મોટા ફેરફાર કરશે

(એજન્સી) નવી દિલ્હી: જમ્મુ-કાશ્મીરમાં પુલવામામાં થયેલા આતંકી હુમલા બાદ સીઆરપીએફે કાશ્મીરમાં જવાનોના કાફલાની અવરજવરમાં નવા નિયમો જોડવાનો નિર્ણય કર્યો છે.…

18 hours ago