Categories: Gujarat

માણેકચોકનું સોની બજાર સજ્જડ બંધ

અમદાવાદ: શહેરના હાર્દસમા માણેકચોક વિસ્તારમાં સોના-ચાંદીના દાગીના ગાળવાની ભઠ્ઠીઓ સામે કાર્યવાહી કરવાની ગુજરાત હાઇકોર્ટે તાકીદ કર્યા બાદ કોર્પોરેશને માણેકચોક તથા તેની આજુબાજુના વિસ્તારોમાં સોના-ચાંદીના દાગીના ગાળવાના ૪૦ એકમો સીલ કરી દીધા હતા. કોર્પોરેશનની આ કાર્યવાહી વિરુદ્ધ સોના-ચાંદીના વેપારીઓએ ઉગ્ર આક્રોશ વ્યક્ત કર્યો હતો અને તેને પગલે આજે માણેકચોક સોના-ચાંદી બજાર સજ્જડ બંધનું એલાન અપાયું હતું. આજે સવારથી વેપારીઓએ માણેકચોક સ્થિત સોના-ચાંદીના તમામ વેપાર-ધંધા બંધ રાખી કોર્પોરેશનની કાર્યવાહીનો વિરોધ કર્યો હતો.

માણેકચોક સોના-ચાંદી બજારના વેપારીઓના જણાવ્યા પ્રમાણે પાછલા સાત-આઠ દાયકાથી માણેકચોક વિસ્તારમાં સોના-ચાંદીના દાગીના બનાવવાનું અને તેની ભઠ્ઠીઓનું કામકાજ ચાલી રહ્યું છે, પરંતુ પાછલાં વર્ષોમાં તેને કારણે આ સંબંધી કોઇ શારીરિક મુશ્કેલી ઊભી થઇ હોય તેવું કે પ્રદૂષણ ફેલાયું હોય તેવું બહાર આવ્યું નથી, પરંતુ આંગળીના વેઢે ગણી શકાય તેવા કેટલાક વિઘ્ન સંતોષીઓને કારણે આ પરિસ્થિતિ ઊભી થઇ છે. વાસ્તવમાં આ યુનિટો ખૂબ જ નાના છે. તેનાથી ધુમાડો કે અન્ય પ્રદૂષણ ફેલાતું નથી.

વેપારીઓના જણાવ્યા પ્રમાણે હાઇકોર્ટના ચુકાદાનું ખોટું અર્થઘટન કરવામાં આવી રહ્યું છે. જેનો ભોગ માણેકચોકના નાનાં યુનિટો બની રહ્યા છે તથા આ કાર્યવાહીને પગલે કારીગરોને પારવાર મુશ્કેલીઓનો સામનો કરવો પડી રહ્યો છે. અમારો આ સામે સખત વિરોધ છે. સરકારે આ માટે જેમ બને તેમ ઝડપથી યોગ્ય ઉકેલ લાવવાની દિશામાં કાર્યવાહી હાથ ધરવી જોઇએ.

divyesh

Recent Posts

પ્યાર મેં ધોખાઃ પ્રેમિકાને બદનામ કરવા કોન્સ્ટેબલે અશ્લીલ ફોટાનો સહારો લીધો

(અમદાવાદ બ્યૂરો) અમદાવાદ: બાર વર્ષ સુધી ડિવોર્સી મહિલા સાથે લિવ ઈન રિલેશનમાં રહ્યા બાદ પોલીસ કર્મચારીએ તેના બીભત્સ ફોટોગ્રાફની પ્રિન્ટ…

12 hours ago

1 ફેબ્રુઆરીથી કેન્દ્ર સરકારની નોકરીમાં 10 ટકા સવર્ણ અનામતનો લાભ મળશે

(એજન્સી) નવી દિલ્હી: સામાન્ય શ્રેણીના આર્થિક રીતેે નબળા વર્ગ (ઇડબ્લ્યુએસ)ના લોકોને ૧ ફેબ્રુઆરીથી કેન્દ્ર સરકારની નોકરીઓમાં ૧૦ ટકા અનામતનો લાભ…

14 hours ago

…તો ઇજાગ્રસ્ત પેસેન્જર મુંબઇના બદલે કોલકતા પહોંચી ગયો હોત

(અમદાવાદ બ્યૂશ્રરો) અમદાવાદ: વાઇબ્રન્ટ ગુજરાત ગ્લોબલ સમિટ-ર૦૧૯ની ઇવેન્ટમાં હાજરી આપવા આવેલા મુંબઇના પ્રવાસીને પાછા ફરતી વખતે અન્ય ફલાઇટમાં બેસાડી દેવાતાં…

14 hours ago

Ahmedabadમાં 800 કરોડના ખર્ચે નવાં આઠ મલ્ટિસ્ટોરિડ પાર્કિંગ બનાવાશે

(અમદાવાદ બ્યૂરો) અમદાવાદ: દેશના ગોવા જેવા રાજ્ય કરતાં પણ વધુ વાર્ષિક બજેટ ધરાવતા અમદાવાદ મ્યુનિસિપલ કોર્પોરેશનના વહીવટીતંત્ર દ્વારા આગામી નાણાકીય…

14 hours ago

પ્રોપર્ટીના વિવાદમાં એક જ પરિવારના સભ્યો આમને સામનેઃ ત્રણ ઘાયલ

(અમદાવાદ બ્યૂરો) અમદાવાદ: શહેરના રખિયાલમાં ગઇ કાલે સાંજે પ્રોપર્ટીના વિવાદમાં એક જ પરિવારના બે સભ્યો વચ્ચે લોહિયાળ જંગ ખેલાતાં સમગ્ર…

14 hours ago

નંબર પ્લેટ વિના ફરતા નવાં વાહનો પર RTOની તવાઈ

(અમદાવાદ બ્યૂરો) અમદાવાદ: શહેરમાં છેલ્લા કેટલાક સમયથી નંબર પ્લેટ વિના નવા ફરતા વાહનો પર રોક લગાવવા માટે આરટીઓએ ડીલરો સામે…

15 hours ago