Categories: Gujarat

બડા સાજિદ અમદાવાદ બ્લાસ્ટનો સૂત્રધારઃ સિરિયામાં માર્યો ગયો હોવાની અાશંકા

અમદાવાદ: આતંકવાદી સંગઠન આઇએસઆઇએસ દ્વારા તાજેતરમાં જાહેર કરાયેલા એક વિડીયોમાં ઇન્ડિયન મુજાહુદ્દિનના બે ફરાર આંતકવાદીઓ દેખાતાં સુરક્ષા એજન્સીઓ સતર્ક બની છે. બે આતંકવાદીઓ પૈકી એક આતંકવાદી મહંમદ સાજીદ ઉર્ફે બડા સાજીદ અમદાવાદ સિરિયલ બોમ્બ બ્લાસ્ટનો મુખ્ય આરોપી છે. ગુજરાત એટીએસ સહિત અન્ય સુરક્ષા એજન્સીઓ માની રહી છે કે બડા સા‌િજદ સિરિયામાં થયેલા હુમલામાં માર્યો ગયો છે.

અમદાવાદમાં 2008માં સિરિયલ બ્લાસ્ટ કરી આતંક મચાવનાર 98 જેટલા આતંકીમાંથી 12થી વધારે ફરાર છે, તેમાંનો એક સા‌િજદ ઉર્ફે બડા સા‌િજદ ISISમાં જોડાઈ ગયો હતો. તાજેતરમાં આઇએસ દ્વારા એક વી‌િડયો ‌િક્લપ જાહેર કરવામાં આવી હતી, જેમાં બડા સા‌િજદ સહિત 5 આંતકીઓએ 22 મિનીટનો ખોફનાક વી‌િડયો જારી કરીને ગુજરાતનાં રમખાણો, બાબરી મસ્જિદ કાશ્મીર અને મુઝફ્ફરનગરમાં માર્યા ગયેલા મુસ્લિમોનો બદલો લેવાની ધમકી આપી હતી.

એનઆઇએએ વીડિયોમાં દેખાતા યુવકોની ઓળખ માટે તમામ રાજ્યની એટીએસનો સંપર્ક કર્યો હતો એવામાં 5 આતંકીઓ પૈકી 3 આતંકીઓની ઓળખ થઇ ગઇ છે. મહારાષ્ટ્રનો ફહાદ તન્વીર, આઝમગઢનો બડા સા‌િજદ તથા અબુ રશીદ છે. ઉલ્લેખનીય છે કે એનઆઇએ દ્વારા વિડીયોનું લેબ ટે‌િસ્ટંગ કરાવતા જૂના વીડિયો તથા નવા વી‌િડયો મિક્સ કરીને 22 મિનિટનો વીડિયો બનાવવામાં આવ્યો છે.

ગુજરાત એટીએસના ડીવાયએસપી કે. કે. પટેલે જણાવ્યું છે કે અમદાવાદમાં વર્ષ 2008માં સિરિયલ બ્લાસ્ટ કરી આતંક મચાવનાર ઇન્ડિયન મુજાહુદ્દિનનો આતંકી સા‌િજદ ઉર્ફે બડા સા‌િજદ કુરેશ અહેમદ શેખનું સિરિયામાં મોત થઇ ગયું હોવાનું સામે આવ્યું છે. આ  વીડિયો જૂનો હોવાનું સુરક્ષા એજન્સીઓ કહી રહી છે. તે અમદાવાદમાં સિરિયલ બ્લાસ્ટ કરી ફરાર થઇ ગયો હતો. ત્યાર બાદ દિલ્હીમાં બ્લાસ્ટ કર્યા પછી દિલ્હીના બાટલા હાઉસમાં પણ પોલીસ પર હુમલો કરીને ફરાર થયો હતો,  પોલીસનું માનવું છે કે થોડો સમય ભારતમાં અલગ અલગ સ્થળો પર નાસ્તો ફરતો હતો અને નેપાળ થઇને પાકિસ્તાન જતો રહ્યો હતો. ત્યાર બાદ ISIS સક્રિય થતાં કુખ્યાત આતંકી સા‌િજદ ઉર્ફે બડા સા‌િજદ કુરેશ અહેમદ શેખ ઈરાક-‌િસરિયા જઈને ISISમાં જોડાયો હતો.

ગુજરાત એટીએસ જણાવે છે કે ISISની લડાઈમાં બડા સા‌િજદનું મોત થયું છે.  ‌િસ‌િરયલ બ્લાસ્ટ કરવા તમામ આરોપી દાણીલીમડામાં આવેલા અલ મહંમદી સોસાયટીમાં ભાડાના મકાનમાં રોકાયા હતા. શહેરમાં અલગ અલગ જગ્યા પર બોમ્બ પ્લાન્ટ કરી આરોપીઓ દિલ્હી ફરાર થઇ ગયા હતા. દિલ્હીમાં બાટલા હાઉસ ખાતે બડા સા‌િજદ સહિત 3 આતંકીઓ રોકાયા હતા, જેની માહિતી મળતાં અમદાવાદ પોલીસે દિલ્હી પોલીસને જાણ કરતાં દિલ્હી પોલીસ આરોપીઓને પકડવા ગઈ હતી, એ દરમિયાન મૂઠભેડ સર્જાતાં 2 આતંકીઓ માર્યા ગયા હતા અને બડા સા‌િજદ ફરાર થઇ ગયો હતો.

divyesh

Recent Posts

વિધાનસભા તરફ શિક્ષકોની કૂચ રાજ્યભરમાં અનેકની અટકાયત

(પ્રતિનિધિ દ્વારા) અમદાવાદઃ જિલ્લા પ્રાથમિક શિક્ષણ સંઘ દ્વારા શિક્ષકોના પડતર પ્રશ્નોના મુદ્દે આજે ગાંધીનગર વિધાનસભાને ઘેરાવ કરવા માટે નીકળેલા સેંકડો…

14 hours ago

PM મોદીને મળ્યો દક્ષિણ કોરિયાનો સૌથી મોટો એવોર્ડ

(એજન્સી) નવી દિલ્હી: સિયોલમાં આજે વડા પ્રધાન નરેન્દ્ર મોદીને દક્ષિણ કોરિયાના સૌથી મોટા ‘શાંતિ પુરસ્કાર’થી નવાજવામાં આવ્યાં છે. દુનિયાભરના એક…

14 hours ago

આઇસોલેશન વોર્ડ વગર સ્વાઇન ફ્લૂના દર્દીની સારવાર કરતી હોસ્પિટલને સીલ કરાશે

(અમદાવાદ બ્યૂરો) અમદાવાદ: શહેરની અનેક ખાનગી હોસ્પિટલમાં સ્વાઇન ફલૂના દર્દી માટે અલગ આઇસોલેશન વોર્ડ ન હોવા છતાં ફક્ત કમાણી કરવાના…

14 hours ago

STની હડતાળના બીજા દિવસે પણ હજારો મુસાફરો અટવાઇ ગયા

અમદાવાદ: એસટીના કર્મચારીઓની હડતાળ આજે બીજા દિવસે પણ ચાલુ રહેતા મુસાફરો હલાકીમાં મુકાયા હતા. સરકારે ખાનગી બસોની વૈકલ્પિક વ્યવસ્થા કરવા…

14 hours ago

શહેરના તમામ 240 બગીચાની જાળવણી માટે નવેસરથી કોન્ટ્રાક્ટ અપાશે

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશન દ્વારા શહેરના તમામ ર૪૦ નવા-જૂના બગીચાની જાળવણી માટે નવેસરથી ક્વાયત આરંભાઇ છે. હાલના તંત્ર હસ્તકના…

14 hours ago

હાઉસિંગ કોલોનીના રી ડેવલપમેન્ટમાં લાભાર્થીને 40 ટકા મોટું મકાન મળશે

(પ્રતિનિધિ દ્વારા) અમદાવાદ: અમદાવાદ સહિત રાજ્યભરની હાઉસિંગ બોર્ડ હસ્તકની હજારો એકર જમીનમાં ઊભા કરાયેલાં મકાનોનું રી ડેવલપમેન્ટ થઇ શકશે. ૭પ…

14 hours ago