Categories: Gujarat

હવે તપાસ સમિતિ એસી ચેમ્બરમાં બેસીને નિકોલકાંડની તપાસ કરશે

અમદાવાદ: ગયા મંગળવારે સવારે નિકોલ ગામ રોડ ખાતે કોર્પોરેશનના ડિમોલેશન દરમિયાન ચાર નાગરિકનાં કરુણ મોત નિપજ્યાં હતાં. નિકોલ કરુણાંતિકાને આજે એક અઠવાડિયું પૂરું થયું છે. ચાર સભ્યોની તપાસ સમિતિએ ફકત એક વખત ઘટના સ્થળે મુલાકાત લીધી છે અને હવે આ સમિતિ એસી ચેમ્બરમાં બેસીને જ સમગ્ર કરુુણાંતિકાની તપાસ કરવાની છે.

કોર્પોરેશનના ડેપ્યુટી કમિશનર કિશોર બચાણી, આઇ. કે. પટેલ, આર.બી. બારડ તેમ જ રાજ્ય સરકારના વિજિલન્સ વિભાગના ચીફ એન્જિનિયર પી.પી. વખારિયાની બનેલી તપાસ સમિતિ પાસે નિકોલ કરુણાંતિકામાં ન્યાય મેળવવાની લોકો આશા રાખીને બેઠા છે. તપાસ સમિતિના મામલે પણ ચાર નાગરિકનાં મોત બાદ ગણતરીના કલાકોમાં ત્રણ ત્રણ વખત ફેરફાર થયા હતા.

જો કે પોલીસ તંત્રને એક અઠવાડિયા બાદ પણ ડિમોલિશન દરમિયાન હાજર સ્ટાફનાં નામ, હોદ્દો આપવામાં ઠાગાઠૈયા કરનાર મ્યુનિ. તંત્રની નિષ્કિય તપાસ સામે પણ પ્રશ્નચિન્હ ઉદ્ભવ્યું છે. આ તપાસ સમિતિએ ગયા શનિવાર સવારે ઘટના સ્થળની મુલાકાત લીધી હતી.

રાજય સરકારના વિજિલન્સ વિભાગના ચીફ એન્જિનિયર પી.પી. વખારિયાને કે કોર્પોરેશનના અન્ય ત્રણ ડે.કમિશનરને એક સાથે ભેગા થવાનો સમય ન મળતો હોઇ નિકોલ કરુણાંતિકામાં એક ડગલું પણ આગળ વધી શકાયું નથી. મ્યુનિ. તંત્ર દ્વારા પોલીસ તંત્ર તો ઠીક પણ જે સમિતિમાં ખુદ કોર્પોરેશનના ત્રણ-ત્રણ ઉચ્ચ અધિકારીઓ બિરાજે છે તે સમિતિને પણ ડિમોલિશન દરમિયાન ફરજ પર હાજર સ્ટાફનાં નામ આપ્યાં નથી!

તપાસ સમિતિના એક સભ્ય કહે છે, સમિતિને હજુ સુધી ડિમોલીશન સ્ટાફના નામ અપાયા નથી કે સમિતિએ ગયા શનિવારની ઘટનાસ્થળની મુલાકાત બાદ કોઇ બેઠક યોજી નથી. એક-બે દિવસમાં તપાસ સમિતિની બેઠક બોલાવવાની દિશામાં વિચારી રહ્યા છીએ. પરંતુ ફરીથી ઘટનાસ્થળની મુલાકાત લેવાની કોઇ શકયતા નથી! ત્યાં ફરીથી વાનો કોઇ અર્થ પણ નથી! સ્થાનિક લોકોનાં રોષથી બચવા જ તપાસ સમિતિ પુનઃ ઘટના સ્થળની મુલાકાત લેવાનું ટાળી રહી હોવાની ચર્ચા ઊઠી છે.

divyesh

Recent Posts

સગવડના બદલે અગવડઃ BRTSના સ્માર્ટકાર્ડધારકો ધાંધિયાંથી પરેશાન

અમદાવાદ: તાજેતરમાં મ્યુનિસિપલ સત્તાવાળાઓએ સરદાર વલ્લભભાઇ પટેલ હોસ્પિટલને અર્બન હેલ્થ કેરના મામલે દેશભરમાં શ્રેષ્ઠ હોસ્પિટલ ગણાવવાની સાથે-સાથે બીઆરટીએસ સર્વિસને પણ…

20 hours ago

કેન્દ્રીય વિદેશ પ્રધાનની ઉપસ્થિતિમાં વાઈબ્રન્ટ સમિટમાં આફ્રિકા છવાયુ

ગાંધીનગર: કેન્દ્રિય વિદેશ પ્રધાન સુષ્મા સ્વરાજની ઉપસ્થિતિમાં આજે વાઇબ્રન્ટ ગુજરાત ગ્લોબલ સમિટ ૨૦૧૯ના ત્રીજા દિવસ અંતર્ગત આજે આફ્રિકા ડેની ઉજવણી…

20 hours ago

ધો.૧૦-૧રની પ્રિલિમિનરી પરીક્ષાનો ર૮મીથી આરંભ

અમદાવાદ: અમદાવાદ શહેર અને જિલ્લામાં ધો.૧૦ અને ૧રના વિદ્યાર્થીઓ માટેની ફાઇનલ પરીક્ષાના રિહર્સલ સમી પ્રિલિમિનરી પરીક્ષાનો પ્રારંભ ર૮ જાન્યુઆરી સોમવારથી…

20 hours ago

જો તું મારી સાથે સંબંધ નહીં રાખે તો હું તને જાનથી મારી નાખીશ

અમદાવાદ: તું મારો ફોન કેમ નથી ઉપાડતી..મારી સાથે સંબંધ કેમ નથી રાખતી..જો તું મારી સાથે સંબંધ નહીં રાખે તો હું…

20 hours ago

PM મોદી સવારે માતા હીરાબાને મળવા પહોંચી ગયા, આશીર્વાદ લીધા

અમદાવાદ: નરેન્દ્ર મોદી૧૭મી જાન્યુઆરીથી ત્રણ દિવસના ગુજરાતના પ્રવાસે છે. આજે તેમના ગુજરાતમાં રોકાણના ત્રીજા અને અંતિમ દિવસે તેઓ તેમના વ્યસ્ત…

20 hours ago

દિલ્હીમાં દ‌ક્ષિણ ભારતનાં ધાર્મિક સંંગઠનો પર આતંકી હુમલાની સા‌જિશનો પર્દાફાશ

નવી દિલ્હી:  દિલ્હી પોલીસના સ્પેશિયલ સેલ અને ઇન્ટેલિજન્સ એજન્સીએ દ‌િક્ષણ ભારતમાં ધાર્મિક સંગઠનો પર મોટા આતંકી હુુમલાની સા‌જિશનો પર્દાફાશ કરીને…

20 hours ago