Categories: Gujarat

અમદાવાદ શહેરમાં લઘુતમ તાપમાન ફરી ઘટી ૧૪ થયું

અમદાવાદ: અમદાવાદ સહિત ગુજરાતના વિવિધ ભાગોમાં આજે પણ લોકોને સતત ગરમીનો અનુભવ થયો હતો. તીવ્ર ઠંડીના મહિના તરીકે ડિસેમ્બરને ગણવામાં આવે છે પરંતુ આજે પણ નવા વર્ષના દિવસે તાપમાનમાં સતત ફેરફારની સ્થિતી યથાવત રહી હતી. લઘુત્તમ તાપમાન આજે અમદાવાદમાં ગઇકાલના ૧૫ ડિગ્રીની સામે ઘટીને ૧૪ થઇ ગયુ હતુ.

આજે વહેલી સવારમાં ચોક્કસપણે ઠંડા પવનો ફુંકાઈ રહ્યા હતા પરંતુ બપોરના ગાળામાં આજે પણ લોકોએ ગરમીનો અનુભવ કર્યો હતો કે, અને ઘણી જગ્યાઓએ પંખા અને એસી ચલાવવામાં આવ્યા હતા. નલિયામાં લુઘત્તમ તાપમાન ઉલ્લેખનીયરીતે વધીને ૧૨.૯ ડિગ્રી થયું હતું જે ગઇકાલે ૧૨.૩ ડિગ્રી નોંધાયું હતું.

આજે રાજ્યમાં જે વિસ્તારમાં લઘુત્તમ તાપમાન ઓછું રહ્યું હતું તેમાં વડોદરા, મહુઆ અને નલિયાનો સમાવેશ થાય છે. અત્રે ઉલ્લેખનીય છે કે, ગુજરાતના અમદાવાદ સહિતના કેટલાક ભાગોમાં ડિસેમ્બરના ઠંડીના મહિના દરમિયાન જ એકાએક ઊંચા તાપમાનથી ગરમીનો અનુભવ થયો છે.

અમદાવાદમાં ડિસેમ્બર મહિના દરમિયાન છેલ્લા ૧૦ વર્ષના રેકોર્ડ ઉપર નજર કરવામાં આવે તો ઉંચા તાપમાનની સ્થિતિથી ભારે આશ્ચર્ય થઇ જાય છે.હાલમાં અમદાવાદ શહેરમાં છેલ્લા ૧૦ વર્ષમાં ડિસેમ્બરનું સૌથી ગરમ દિવસ નોંધાયો હતો. મહત્તમ તાપમાન આજે અમદાવાદમાં ૩૨ ડિગ્રી રહ્યુ હતુ. તાપમાનમાં સતત ઉતારચઢાવના કારણે લોકો પણ પરેશાન થયેલા છે. ડિસેમ્બર મહિનામાં પણ ગરમીનો અનુભવ લોકો કરી રહ્યા છે જે ભારે આશ્ચર્ય જગાવે છે.

લઘુત્તમ તાપમાન અથવા તો કોલ્ડવેવ માટેની કોઇ ચેતવણી જારી કરવામાં આવી નથી. હાલમાં સ્થિતીમાં કોઇ સુધારો થાય તેવી શક્યતા ઓછી દેખાઇ રહી છે. જો કે જાન્યુઆરી મહિનામાં વચ્ચેના ગાળામાં ઠંડીનો ચમકારો જોવા મળી શકે છે. બાળકો અને મોટી વયના લોકોને હાલ ગરમ વસ્ત્રો પહેરવાની સલાહ નિષ્ણાંત તબીબો આપી રહ્યા છે. કારણ કે આવી સિઝનમાં બિમાર થવાનો ખતરો વધારે રહે છે.

આજે રાજ્યમાં પાટનગર ગાંધીનગર ખાતે સૌથી ઓછુ લઘુતમ તાપમાન રહ્યુ હતુ. કારણ કે અહીં તાપમાન ૧૧.૫ ડિગ્રી રહ્યુ હતુ. ગાંધીનગરમાં લોકોએ સવારમાં ઠંડીનો અનુભવ કર્યો હતો. એકબાજુ ઉત્તર ભારતમાં તીવ્ર ઠંડી પડી રહી છે ત્યારે ગુજરાતમાં લોકો એકાએક ગરમીનો અનુભવ કરી રહ્યા છે.

admin

Recent Posts

વિધાનસભા તરફ શિક્ષકોની કૂચ રાજ્યભરમાં અનેકની અટકાયત

(પ્રતિનિધિ દ્વારા) અમદાવાદઃ જિલ્લા પ્રાથમિક શિક્ષણ સંઘ દ્વારા શિક્ષકોના પડતર પ્રશ્નોના મુદ્દે આજે ગાંધીનગર વિધાનસભાને ઘેરાવ કરવા માટે નીકળેલા સેંકડો…

8 hours ago

PM મોદીને મળ્યો દક્ષિણ કોરિયાનો સૌથી મોટો એવોર્ડ

(એજન્સી) નવી દિલ્હી: સિયોલમાં આજે વડા પ્રધાન નરેન્દ્ર મોદીને દક્ષિણ કોરિયાના સૌથી મોટા ‘શાંતિ પુરસ્કાર’થી નવાજવામાં આવ્યાં છે. દુનિયાભરના એક…

8 hours ago

આઇસોલેશન વોર્ડ વગર સ્વાઇન ફ્લૂના દર્દીની સારવાર કરતી હોસ્પિટલને સીલ કરાશે

(અમદાવાદ બ્યૂરો) અમદાવાદ: શહેરની અનેક ખાનગી હોસ્પિટલમાં સ્વાઇન ફલૂના દર્દી માટે અલગ આઇસોલેશન વોર્ડ ન હોવા છતાં ફક્ત કમાણી કરવાના…

8 hours ago

STની હડતાળના બીજા દિવસે પણ હજારો મુસાફરો અટવાઇ ગયા

અમદાવાદ: એસટીના કર્મચારીઓની હડતાળ આજે બીજા દિવસે પણ ચાલુ રહેતા મુસાફરો હલાકીમાં મુકાયા હતા. સરકારે ખાનગી બસોની વૈકલ્પિક વ્યવસ્થા કરવા…

8 hours ago

શહેરના તમામ 240 બગીચાની જાળવણી માટે નવેસરથી કોન્ટ્રાક્ટ અપાશે

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશન દ્વારા શહેરના તમામ ર૪૦ નવા-જૂના બગીચાની જાળવણી માટે નવેસરથી ક્વાયત આરંભાઇ છે. હાલના તંત્ર હસ્તકના…

8 hours ago

હાઉસિંગ કોલોનીના રી ડેવલપમેન્ટમાં લાભાર્થીને 40 ટકા મોટું મકાન મળશે

(પ્રતિનિધિ દ્વારા) અમદાવાદ: અમદાવાદ સહિત રાજ્યભરની હાઉસિંગ બોર્ડ હસ્તકની હજારો એકર જમીનમાં ઊભા કરાયેલાં મકાનોનું રી ડેવલપમેન્ટ થઇ શકશે. ૭પ…

8 hours ago