34 દિવસ બાદ મેઘાલયની ખાણમાંથી એક મજૂરનો મૃતદેહ મળ્યોઃ ૧૪ માટે સર્ચ જારી

શિલોંગ: મેઘાલયના પૂર્વીય જયંતિયા હિલ્સ જિલ્લામાં આવેલ ગેરકાયદે કોલસાની ખાણમાં ફસાયેલા ૧૫ મજૂરો માટે હાથ ધરાયેલા સર્ચ ઓપરેશનના ૩૪મા દિવસે ઈન્ડિયન નેવીના ડાઈવર્સને લગભગ ૨૦૦ ફૂટની ઊંડાઈએ એક મજૂરનો મૃતદેહ મળી આવ્યો છે. બાકીના મજૂરો માટે સર્ચ અને રેસ્ક્યૂ ઓપરેશન જારી છે. આ ગેરકાયદે ખાણમાં ૧૫ જેટલા મજૂરો ફસાઈ ગયા હતા.

ઈન્ડિયન નેવીના અધિકારીઓએ જણાવ્યું હતંુ કે એક મજૂરનો મૃતદેહ મળી આવ્યો છે અને બાકીના મજૂરો માટે સર્ચ ઓપરેશન જારી છે. ઈન્ડિયન નેવીના ડાઈવર્સે અંડરવોટર આરઓવીનો ઉપયોગ કરીને ખાણની ૨૧૦ ફૂટ અંદરથી એક મૃતદેહ શોધી કાઢ્યો છે.

ગઈ સાલની ૧૩ ડિસેમ્બરથી અંદર ફસાયેલા ૧૫ મજૂરો શોધવા માટે કવાયત ચાલી રહી છે. આ માટે હેવી કેપિસિટીના બે સબમર્સિબલ પમ્પ દ્વારા મુખ્ય સાફટમાંથી પાણી કાઢવાની કોશિશ કરવામાં આવી હતી, પરંતુ આ કોશિશ નિષ્ફળ રહી હતી. નેવી સાથે એનડીઆરએફના ડાઈવર્સ પણ આ બચાવ અભિયાનમાં મદદ કરી રહ્યા છે. આ ટુકડીને રેસ્ક્યૂ ઓપરેશન દરમિયાન ત્રણ હેલ્મેટ મળી હતી.

હૈદરાબાદ સ્થિત નેશનલ જીઓ ફિઝિકલ રિસર્ચ ઈન્સ્ટિટ્યૂટ, સીએસઆઈઆર અને ગ્રે‌િવટી ફંડ મેગ્નેટિક ગ્રૂપના નિષ્ણાતોની એક ટીમ પણ બચાવકાર્યમાં લાગેલી છે. ૩૭૦ ફૂટ ઊંડી ખાણમાંથી એક કરોડ ‌િલટર પાણી બહાર કાઢવામાં આવ્યું છે. આ ઉપરાંત આસપાસની અન્ય ખાણમાંથી પણ બે કરોડ ‌િલટર પાણી બહાર કાઢવામાં આવ્યું છે. ઓડિશા ફાયર સેફ્ટીની ટીમ ઉપરાંત ખાનગી કંપની કિર્લોસ્કરની ટીમ પણ રેસ્ક્યૂ ઓપરેશનમાં જોડાયેલ છે.

અત્રે ઉલ્લેખનીય છે કે ૧૩ ડિસેમ્બર, ૨૦૧૮ના રોજ ૩૭૦ ફૂટ ઊંડી કોલસાની ખાણમાં નદીનું પાણી ભરાઈ જવાથી સુરંગનો રસ્તો બંધ થઈ ગયો હતો અને ત્યારથી તેમાં ફસાયેલા ૧૨ ખાણ મજૂરને બહાર કાઢવાની કોશિશ કરવામાં આવી રહી છે.

divyesh

Recent Posts

મતદારોનાે ફેંસલો EVMમાં કેદ, 26 બેઠક પર શાંતિપૂર્ણ મતદાન

ગુજરાતમાં ત્રીજા તબક્કાની ર૬ લોકસભા બેઠકો અને વિધાનસભાની ૪ બેઠકોની પેટાચૂંટણી માટે સવારના ૭ વાગ્યાથી મતદાન શરૂ થયું છે. રાજ્યનાં…

21 hours ago

આતંકવાદીઓનાં શસ્ત્ર IED કરતાં મતદારોનું વોટર આઈડી વધુ શક્તિશાળી: PM મોદી

શ્રીલંકામાં થયેલા આતંકવાદી હુમલાએ સમગ્ર દુનિયાને હચમચાવી નાખી હોઇ આતંકવાદ જેવી વૈશ્વિક સમસ્યાને વિશ્વની સૌથી મોટા લોકશાહી દેશ ભારતના મતદાન…

21 hours ago

ત્રીજા તબક્કાની 117 બેઠક પર મતદાન : રાહુલ, મુલાયમ, શાહ સહિતના દિગ્ગજોનાંં ભાવિનો ફેંસલો

લોકસભા ચૂંટણીના ત્રીજા તબક્કામાં ૧૩ રાજ્યો અને બે કેન્દ્રશાસિત પ્રદેશની ૧૧૭ બેઠક પર આજે મતદાન થઈ રહ્યું છે. આ તબક્કામાં…

22 hours ago

વારાણસીમાં PM મોદીને સપાનાં મહિલા ઉમેદવાર શાલિની યાદવ ટક્કર આપશે

વડા પ્રધાન નરેન્દ્ર મોદી વિરુદ્ધ સમાજવાદી પાર્ટી (સપા) અને બહુજન સમાજ પાર્ટી (બસપા)ના ગઠબંધને વારાણસી લોકસભાની બેઠક પર પોતાના ઉમેદવારનાં…

22 hours ago

રામપુરમાં ૩૦૦થી વધુ EVM કામ કરી રહ્યાં નથીઃ અબ્દુલ્લા આઝમખાનનો આક્ષેપ

ઉત્તર પ્રદેશમાં આજે ત્રીજા તબક્કાનાં મતદાન દરમિયાન રામપુરમાં સમાજવાદી પાર્ટીના ઉમેદવાર આઝમખાનના પુત્ર અબ્દુલ્લા આઝમખાને એવો આક્ષેપ કર્યો છે કે…

22 hours ago

આતંકના ગઢ અનંતનાગમાં મતદાન: મહેબૂબા મુફ્તી સહિત કુલ ૧૮ ઉમેદવાર મેદાનમાં

જમ્મુ-કાશ્મીરમાં લોકસભાની ચૂંટણી માટે ત્રીજા તબક્કાનાં મતદાન હેઠળ અનંતનાગ સંસદીય બેઠક માટે મતદાન જારી છે. અલગતાવાદીઓ દ્વારા મતદાનનો બહિષ્કાર કરવાનું…

22 hours ago