Categories: Gujarat

સાઈકલ અને એક્ટિવા વચ્ચે અકસ્માત થતાં એક પરિવાર પર ઘાતકી હુમલો

શહેરના મેઘાણીનગર વિસ્તારમાં આવેલ ડો.ગાંધીની ચાલીમાં રહેતા એક પરિવાર પર ચાલીમાં રહેતા કેટલાક શખ્સોએ તલવાર અને ચપ્પા વડે હુમલો કરતાં સમગ્ર વિસ્તારમાં ચકચાર મચી ગઇ છે. એક્ટિવા અને સાઈકલ વચ્ચે અકસ્માત થતાં ગઇ કાલે સાંજે મામલો બીચક્યો હતો.

મેઘાણીનગર વિસ્તારમાં આવેલી ડો.ગાંધીની ચાલીમાં રહેતાં સંતોષબહેન દિનેશભાઇ પ્રજાપતિએ ૮ શખ્સો વિરુદ્ધમાં મેઘાણીનગર પોલીસ સ્ટેશનમાં ફરિયાદ કરી છે. ગઇ કાલે સાડા ચાર વાગ્યાની આસપાસ સંતોષબહેનનો પુત્ર રમેશ ઉર્ફે રો‌િહત કાપેલી સોપારી વેપારીને આપવા માટે સાઈકલ લઇને ગયો હતો તે સમયે ભૂરા પરિહારે એક્ટિવા સાઈકલ સાથે અથડાવ્યું હતું. ભૂરાએ તે સમયે રમેશને બીભત્સ ગાળો બોલીને જતો રહ્યો હતો. ત્યારબાદ ભૂરો તેના બે મિત્રોને લઇને ડો.ગાંધીની ચાલીમાં આવ્યો હતો. તે સમયે સંતોષબહેને ભૂરાને પૂછ્યું હતું કે મારા પુત્રને ગાળો કેમ આપતો હતો. સંતોષબહેનની વાત સાંભળીને ભૂરો એકદમ ઉશ્કેરાઇ ગયો હતો અને તેના ઘરમાંથી તલવાર લઇને આવ્યો હતો.

ભૂરાની સાથે તેના ઘરમાંથી જ્યોતિબહેન, આયુષી, મનીષા વગેરે દોડી આવ્યાં હતાં અને સંતોષબહેનને માથાના વાળ પકડીને ગળદાપાટુનો માર મારવા લાગ્યાં હતાં.

દરમિયાનમાં ભૂરાએ સંતોષબહેનના ઘરમાં ઘૂસીને તોડફોડ કરી હતી. સંતોષબહેનને છોડાવવા માટે વચ્ચે પડેલા કમલેશભાઇ, મૂકેશભાઇ પ્રજાપતિ, રીંકુબહેન પ્રજાપતિ અને રમેશભાઇ પ્રજાપતિ પર તલવાર અને ચપ્પા વડે હુમલો કર્યો હતો. સાથોસાથ તેમના પર પથ્થરમારો પણ કર્યો હતો. મેઘાણીનગર પોલીસે આ ઘટનામાં ભૂરાભાઇ પરિહાર, વિશાલ પરિહાર, રવિ માળી, જ્યોતિબહેન, આયુષી, મનીષા, વિમલાબહેન તેમજ પપ્પુભાઇ પ્રજાપતિ વિરુદ્ધમાં ફરિયાદ નોંધીને તપાસ શરૂ કરી છે.

Dhruv Brahmbhatt

Recent Posts

ક્રિકેટ વર્લ્ડકપ ટીમના પાંચ સિલેક્ટર્સ 31વન-ડે રમ્યા છે

ભારતમાં ક્રિકેટનો ક્રેઝ એટલો છે કે સ્ટેડિયમ હોય કે ટીવી... મેચ જોનાર દરેક વ્યક્તિ પોતાની એક્સ્પર્ટ કોમેન્ટ આપતા રહે છે.…

13 hours ago

ચૂંટણી બાદ મિડકેપ શેરમાં તેજી આવશેઃ ઈક્વિટી કેપિટલ માર્કેટ એક્ટિવ બનશે

લોકસભા ચૂંટણી બાદ સ્થિર સરકાર મળવાની આશા છે અને જો આમ થશે તો નવા બુલ રનની શરૂઆત થશે. મને ખાસ…

14 hours ago

વધુ એક હત્યાઃ વટવાના યુવકને મોતને ઘાટ ઉતારી લાશ ફાટક પાસે ફેંકી દીધી

દર એકાદ-બે દિવસે હત્યાની ઘટના શહેરના અલગ અલગ વિસ્તારમાં બનતાં પોલીસ માટે ચિંતાનો વિષય બની છે. વાસણા તેમજ ઘાટલો‌િડયામાં થયેલી…

15 hours ago

ચૂંટણી સભા સંબોધતા હાર્દિક પટેલને યુવકે લાફો માર્યો

સુરેન્દ્રનગરના બલદાણામાં જન આક્રોશ સભામાં ભાષણ કરી રહેલા કોંગેસના સ્ટાર પ્રચારક હાર્દિક પટેલને એક યુવકે સ્ટેજ પર ચઢીને તું ૧૪…

15 hours ago

મોદી આચારસંહિતાનો ભંગ કરી રહ્યા છે, કાફલાની તપાસ કરવાની જરૂર હતી: કુરેશી

ઓડિશામાં વડા પ્રધાન નરેન્દ્ર મોદીના હેલિકોપ્ટરની તલાશી લેનારા આઈએએસ અધિકારીને સસ્પેન્ડ કરી દેવામાં આવ્યા હતા. આ મુદ્દે પૂર્વ ચૂંટણી કમિશનર…

15 hours ago

સાઉદીમાં ફસાયેલા ભારતીયની આપઘાતની ધમકીઃ સુષમાએ કહ્યું, ‘હમ હૈ ના’

વિદેશ પ્રધાન સુષમા સ્વરાજ દુનિયાભરમાં ફસાયેલા ભારતીયોની મદદ માટે જાણીતાં છે. ગઇ કાલે વિદેશ પ્રધાને સાઉદીમાં ફસાયેલા એક ભારતીયને મદદનો…

16 hours ago