Categories: Gujarat

ચૂંટણીના મેદાનમાં નેતાઓની સેફ ગેમ!

ગુજરાત વિધાનસભાની ચૂંટણીના બંને તબક્કા માટે ભારે ખેંચતાણ બાદ અંતે રાજકીય પક્ષોના ઉમેદવારો ફાઈનલ થઈ ગયા છે. આ વખતની પ્રતિષ્ઠાભરી ચૂંટણીમાં અનેક રંગો જોવા મળી રહ્યા  છે ત્યારે ગુજરાતનાં રાજકીય મોરચે એક એવી ચર્ચા સાંભળવા મળી રહી છે કે, પ્રદેશનાં અનેક મોટા નેતાઓએ ચૂંટણીનાં મેદાનમાં ઉતરતા પહેલા જ સેફ ગેમ બનાવીને પોતાની જીત પાક્કી કરી લીધી છે !….

 

પ્રથમ ચરણમાંં જયાં મતદાન છે તે સૌરાષ્ટ્ર અને દક્ષિણ ગુજરાતમાં તો ચૂંટણીનો પ્રચાર પૂરવેગમાં ચાલી રહ્યો છે અને બીજા તબક્કાની ચૂંટણીમાં હવે લાંબી કવાયત બાદ અંતે ભાજપ – કૉંગ્રેસ સહિતના રાજકીય પક્ષોએ મુરતિયા મેદાનમાં ઉતારી દીધા છે. ગુજરાત વિધાનસભાની ૧૮ર બેઠકોની ચૂંટણીનાં જંગમાં આ વખતે અનેક રસપ્રદ મુદ્દાઓ સામે આવી રહ્યા છે. ઉમેદવારો ફાઈનલ થયા બાદ ગુજરાતનાં રાજકીય વર્તુળોમાં સેફ પેકેજનો એક મુદ્દો ભારે ચર્ચામાં છે. મતલબ કે અનેક મોટા નેતાઓએ પોતાની બેઠકને સેફ કરવા માટે જ્ઞાતિ – જાતિનાં અને પક્ષોનાં સમીકરણો એવા ગોઠવ્યા છે કે તેમની જીત પાક્કી બની જાય અને આવી વ્યૂહ રચનામાં ભાજપ અને કૉંગ્રેસનાં કેટલાય મહારથીઓ સફળ થયા છે.

આવી વ્યૂહરચના ઘડવાના કેટલાક કારણો પણ છે. ગત વિધાનસભાની ચૂંટણીમાં ભાજપે એવી રણનીતિ ઘડી હતી કે ગુજરાત કૉંગ્રેસના ટોચના નેતાઓની હાર થાય અને એ મુજબ ચૂંટણીની ચોપાટ ગોઠવી હતી. નવાઈની વાત તો એ છે કે જયારે પરિણામો આવ્યા ત્યારે કેટલાક કૉંગ્રેસનાં નેતાઓને આ વ્યૂહમાં આબાદ સપડાયાની ખબર પડી હતી. વિધાનસભામાં પહોંચવામાં અનેક નેતાઓના સપનાઓ અધૂરા જ રહી ગયા હતા. આ વખતે ર૦૧૭ની ચૂંટણીમાં ખાસ કરીને કૉંગ્રેસનાં જે નેતાઓ ચૂંટણી લડવા માગતા હતા તેઓ પહેલેથી જ સતર્ક રહ્યા અને કઈ સીટ પર કોણ આવી રહ્યું છે તેના પાક્કા ગણિત બેસાડીને એટલું જ નહીં સ્થાનિક નડે તેવા આગેવાનોને સમજાવીને પછી જ ઉમેદવારી કરી છે. કેટલાકે તો પોતાની સીટ પાક્કી કરવા માટે બીજા સીટનાં ચોગઠાં ગોઠવ્યા છે અને તેમાં જરૃર પડી તો અન્ય રાજકીય પક્ષોનાં આગેવાનોને પણ અંદરખાને રહીને સમજાવ્યા હોવાની ચર્ચાઓ છે. આ ચર્ચાઓમાં કેટલુ તથ્ય છે તે તો કોઈ જાહેરમાં કહેવાનું નથી પણ પરિણામો તેનો સંકેત આપશે.

ગુજરાતના બંને ચરણના મતદાનમાં હવે ઉમેદવારી પત્રો ભરાઈ ચૂકયા છે. કૉંગ્રેસ અને ભાજપનાં કેટલાક મોટા ગજાના નેતાઓએ તો સેફ સીટ મેળવવાનાં ગણિત સાથે મતવિસ્તારો બદલ્યા છે. રાજકીય મોરચે એવી ચર્ચા છે કે આ વખતની ચૂંટણીમાં ભાજપનાં પ્રદેશ પ્રમુખ જીતુ વાઘાણી, દિલીપ સંઘાણી, સૌરભ પટેલ, રાઘવજી પટેલ સહિતનાં નેતાઓ સેફ ઝોનમાં છે તો કૉંગ્રેસમાં એવું કહેવાય છે કે શકિતસિંહ ગોહિલ, સિધ્ધાર્થભાઈ પટેલ, વિક્રમ માડમ, કુંવરજી બાવળીયા, અલ્પેશ ઠાકોર સહિતનાં આગેવાનો સેફ ઝોનમાં છે. માત્ર ભાજપ – કૉંગ્રેસ નહીં છેલ્લા એક – દોઢ વર્ષથી આંદોલનો કરતા યુવા નેતાઓએ પણ ચૂંટણી લડવા માટે અગાઉથી જ તૈયારી કરી રાખી હતી. સૌરાષ્ટ્રમાં પાસના કન્વીનર લલિત વસોયા ધોરાજી સીટ પરથી લડશે તેવી ચર્ચા છેલ્લા છ મહિનાથી હતી. તેઓ પણ તૈયારીમાં જ હતા. અલ્પેશ ઠાકોરે પણ ભલે પત્તા છેલ્લે ખોલ્યા પણ તેનું ચૂંટણી લડવાનું ફાઈનલ હતુ. આવું જ જિજ્ઞેશ મેવાણીનું થયું છે. છેક સુધી ના પાડતા રહ્યા અને અંતે નક્કી કર્યા મુજબ છેલ્લી ઘડીએ ચૂંટણીના મેદાનમાં ઝંપલાવી દીધુ છે. પાક્કા ગણિત સાથે આ યુવા નેતાઓએ મતવિસ્તારો પસંદ કર્યા છે. ગુજરાત વિધાનસભાની આ વખતની ચૂંટણીમાં ભરેલા નાળિયેર જેવી સ્થિતિ બનેલી છે. રાજકીય ગણિત ગોઠવવામાં પાવરધા એવા નેતાઓ પણ પરિણામ વિશે સચોટ આગાહી કરી શકે તેવી સ્થિતિમાં નથી. જો કે આ તો રાજકારણ છે. લોકોનો મૂડ શું છે તે પારખવામાં ભલભલા ભૂલ ખાઈ જાય છે. કોના ગણિત પાક્કા હતા તે તો પરિણામ આવશે ત્યારે જ ખબર પડશે.!

Maharshi Shukla

Recent Posts

મ્યુનિ. સંચાલિત હોલ-પાર્ટી પ્લોટ ખાનગી કોન્ટ્રાક્ટર્સના હવાલે કરાશે

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશન સંચાલિત કોમ્યુનિટી હોલ, પાર્ટી પ્લોટ કે ઓપનએર થિયેટરને લગ્ન જેવા માંગલિક પ્રસંગોમાં ભારે ભાડું ચૂકવ્યા…

3 hours ago

રાજ્યભરમાં એસટી બસનાં પૈડાં થંભી ગયાં, હજારો મુસાફરો અટવાયા

(અમદાવાદ બ્યૂરો) અમદાવાદ: એસટી નિગમના રાજ્યભરના કર્મચારીઓ ગઇ કાલ મધરાતથી હડતાળ પર ઊતરી જતાં ૮૦૦૦થી વધુ બસનાં પૈડાં થંભી ગયાં…

3 hours ago

અયોધ્યામાં રામમંદિર તો અમે જ બનાવીશુંઃ CM રૂપાણી

(બ્યૂરો)ગાંધીનગર: વિધાનસભા ગૃહમાં આજે રાજ્યપાલના સંબોધન બદલનો આભાર માનતું સંબોધન મુખ્યપ્રધાન વિજ્ય રૂપાણીએ કાવ્યમય ભાષામાં કર્યું હતું. તેમણે કહ્યું હતું…

3 hours ago

છેલ્લા દશકામાં ફેબ્રુઆરીની સૌથી વધુ ગરમીનો રેકોર્ડ ૨૦૧૫માં નોંધાયો હતો

(અમદાવાદ બ્યૂરો) અમદાવાદ: ગઇકાલે શહેરમાં ગરમીનો પારો ઊંચે ચઢીને છેક ૩૬ ડિગ્રી સેલ્સિયસે જઇને અટક્યો હતો, જે સામાન્ય તાપમાન કરતાં…

4 hours ago

બોર્ડની પરીક્ષામાં CCTV સાથે ઓડીયો રેકોર્ડિંગ પણ ફરજિયાત કરવું પડશે

(અમદાવાદ બ્યૂરો) અમદાવાદ: ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા આગામી માર્ચ-૨૦૧૯માં લેવાનારી ધોરણ-૧૦, ધોરણ-૧૨ સામાન્ય પ્રવાહ અને ધોરણ-૧૨…

4 hours ago

મોદી દ‌. કોરિયાના બે દિવસના પ્રવાસેઃ આજે મળશે ‘સિયોલ શાંતિ પુરસ્કાર’

(એજન્સી) નવી દિલ્હી: વડા પ્રધાન નરેન્દ્ર મોદી બે દિવસના દ‌િક્ષણ કોરિયાના પ્રવાસે પહોંચી ચૂક્યા છે. લોટે હોટલમાં તેઓ ભારતીય સમુદાયના…

4 hours ago