Categories: Gujarat

‘જ્યાં સ્લમ-ત્યાં જ આવાસ’નો આનંદીબહેનનો દ્રઢ નિર્ધાર

અમદાવાદ: રાજકોટના વિકાસ માટે બનનારા રિંગ રોડ-૨ પર નિયમબદ્ધ ડ્રાઈવિંગ કરી અકસ્માતોનું પ્રમાણ ઘટાડવા, ઘરોમાં સ્વચ્છતા જાળવવા તથા ગ્લોબલ વોર્મિંગનો મક્કમતાથી સામનો કરવાનો નિર્ધાર રાજ્યના મુખ્ય મંત્રી આનંદીબહેન પટેલે આજે રાજકોટ ખાતે વ્યક્ત કર્યો હતો.

રાજકોટની ભાગોળે યોજાયેલા મુંજકા આવાસ યોજનાના લોકાર્પણ પ્રસંગે લાભાર્થીઓને આવાસના દસ્તાવેજ અને ચાવીની સોંપણી કરતી વખતે આનંદીબહેને લાભાર્થીઓને ટકોર કરી હતી કે, રાજ્ય સરકાર ઘર બનાવીને દસ્તાવેજ પણ બનાવી આપે છે, ત્યારે ઘરમાં પાણીનો કરકસરપૂર્વકનો ઉપયોગ કરવો જોઈએ અને મળેલ સુવિધાની જાળવણી કરવી જોઈએ.

મુખ્યમંત્રી શહેરી વિકાસ યોજનાના વિવિધ આયામો પૈકી સ્લમ ફ્રી સિટીના નિર્માણ માટેની રાજ્ય સરકારની પ્રતિબદ્ધતા દોહરાવતાં મુખ્ય મંત્રી આનંદીબહેન ‘જ્યાં સ્લમ-ત્યાં જ આવાસ’ની રાજ્ય સરકારની નીતિ વ્યક્ત કરી હતી અને ઉમેર્યું હતું કે જર્જરિત થયેલા હાઉસિંગ બોર્ડના મકાનોની જગ્યાએ જ નવા મકાનો ‘એફોર્ડેબલ હાઉસ’ અન્વયે રાજ્ય સરકારે બનાવવાનું નક્કી કર્યું છે.

એંસી ચોરસ મીટરમાં ખાનગી બિલ્ડરો જો રાજ્ય સરકારના નિયત ધારાધોરણો મુજબના મકાનો બનાવી આપવા તૈયાર હોય તો રાજ્ય સરકાર તેમને આવકારે છે, એમ જણાવતાં મુખ્યમંત્રીએ ખાત્રી ઉચ્ચારી હતી કે, રાજ્યનો એક પણ ગરીબ પરિવાર ઘર વગરનો નહીં રહે. અપૂરતા વરસાદથી નિર્માણ થતી પાણીની અછતની સ્થિતિ પ્રત્યે ચિંતા વ્યક્ત કરતા મુખ્યમંત્રીએ આ સ્થિતિના જનક એવા ‘ગ્લોબલ વૉર્મિંગ’નો મક્કમતાથી સામનો કરવાની નેમ વ્યક્ત કરી હતી અને ઉમેર્યું હતું કે, પીવાના પાણીની પરિસ્થિતિને પહોંચી વળવા રાજ્ય સરકાર નવી યોજનાઓના નિર્માણ માટે પૂરતી પ્રયત્નશીલ છે.

રાજ્યના વિકાસની પારાશીશી સમા રાજ્યના રસ્તાઓ પર નિયમબદ્ધ ડ્રાઈવિંગ કરવા અને અકસ્માતો પર કાબૂ મેળવી તમામ નાગરિકોના જીવનનું રક્ષણ કરવા મુખ્યમંત્રીએ ઉપસ્થિતોને ટકોર કરી હતી. આ કાર્યમાં ગૃહ વિભાગના નિવૃત્ત અધિકારીઓ – કર્મચારીઓના સ્વૈચ્છિક સહયોગની પણ મુખ્યમંત્રીએ અપેક્ષા વ્યક્ત કરી હતી

admin

Recent Posts

કેસરી’ માટે ત્રણ મિનિટમાં જ કહી દીધી હતી હાં: પરિણી‌તિ

બોલિવૂડ અભિનેત્રી પરિણી‌તિ ચોપરાએ 'ઇશકજાદે'થી કરિયરની શરૂઆત કરી ત્યારે લોકોને હતું કે તે કાઠું કાઢશે, પરંતુ છ વર્ષમાં તેણે કરેલી…

2 months ago

રમજાનનાં આરંભ સાથે જ ફળોનાં ભાવમાં રૂ.૨૦થી ૨૫નો વધારો

અમદાવાદઃ મુસ્લિમ બિરાદરોનાં પવિત્ર રમજાન માસનો પ્રારંભ થતાંની સાથે જ ફ્રૂટમાં ૨૫ ટકા અને ખજૂરના ભાવોમાં ૨૦ ટકાનો ભાવ વધારો…

2 months ago

મોદીએ મહાજનને કહ્યું, ‘ભોજન લાવ્યાં છો? હું ગાડીમાં ખાઈ લઈશ’

ઈન્દોરઃ વડા પ્રધાન નરેન્દ્ર મોદીએ રવિવારે ઈન્દોરમાં ચૂંટણી સભા કરી. આ દરમિયાન ઈન્દોર સીટના હાલનાં સાંસદ સુમિત્રા મહાજન (તાઈ) અને…

2 months ago

અમિત શાહનો રોડ શો મમતા સરકારે કર્યો રદ, હેલિકોપ્ટર ઉતારવાની પણ મંજૂરી ન અપાઇ

કોલકાતાઃ પશ્ચિમ બંગાળમાં મમતા સરકારે ભાજપ અધ્યક્ષ અમિત શાહને રેલી કરવાની પરવાનગી ન આપી. ભાજપ સૂત્રોનાં જણાવ્યાં મુજબ શાહનું હેલિકોપ્ટર…

2 months ago

પાલનપુર-અંબાજી હાઇવે ઉપર ટ્રિપલ અકસ્માત: ત્રણનાં મોત

અમદાવાદઃ પાલનપુર-અંબાજી રોડ પર આજે રતનપુર ગામ પાસે મેઇન હાઇવે પર આજે એક બાઇક અને બે કાર વચ્ચે ટ્રિપલ અકસ્માત…

2 months ago

અમદાવાદમાં પબજી રમવા પર હવે કોઈ જ પ્રકારનો પ્રતિબંધ નહીં

અમદાવાદઃ રાજકોટમાં પબજી ગેમ રમવા પર પ્રતિબંધ મુકાવાનો મામલો હાઇકોર્ટમાં પહોંચ્યો હતો. જેમાં પબજી ગેમ પર પ્રતિબંધ લાદતું જાહેરનામું પોલીસે…

2 months ago