સલાઉદ્દીનના પુત્રની ધરપકડનો બદલો: કાશ્મીરમાં આઠ પોલીસકર્મીના પરિવારજનોનું અપહરણ

શ્રીનગર: જમ્મુ-કાશ્મીરમાં આતંકીઓએ કાયરતાની તમામ હદો વટાવીને આઠ પોલીસકર્મીઓના પરિવારજનોનું અપહરણ કરતાં ખળભળાટ મચી ગયો છે.

સુરક્ષા એજન્સીઓના સૂત્રોનાં જણાવ્યા અનુસાર, આતંકી સંગઠન હિઝબુલ મુજાહિદ્દીનના ચીફ સૈયદ સલાઉદ્દીનના પુત્ર સૈયદ શકિલ અહમદની ધરપકડનો બદલો લેવા માટે જમ્મુ-પોલીસના કર્મચારીઓનાં સ્વજનોનું અપહરણ કર્યું હોવાની આશંકા વ્યક્ત કરી રહી છે.

આતંકીઓએ કાશ્મીરના શોપિયા, કુલગામ, અનંતનાગ અને અવંતિપોરા ખાતે ત્રાટકીને આ લોકોને તેમના ઘરેથી જ ઉઠાવી ગયા હતા. અત્યાર સુધી આતંકીઓ સુરક્ષા દળોના જવાનોનાં અપહરણ કરીને તેમની હત્યા કરતા હતા અને પોલીસ કર્મચારીઓ પર પણ હુમલા કરતા હતા, પરંતુ પોલીસકર્મીઓના પરિવારને નિશાન બનાવ્યાની આ કદાચ પ્રથમ ચોંકાવનારી ઘટના છે. એક સાથે એક જ દિવસે આઠ પોલીસકર્મીઓનાં સ્વજનોનાં અપહરણ થવાથી તમામ સરકારી એજન્સીઓ પણ સતર્ક બની ગઈ છે અને એક્શન પ્લાન ઘડવામાં આવી રહ્યો છે.

પોલીસે આ અંગે હજુ સુધી કોઈ અધિકૃત નિવેદન જારી કર્યું નથી. અધિકારીઓ હાલ ફક્ત એટલું જણાવી રહ્યા છે કે તેઓ આ ઘટનાની તમામ વિગતો મેળવી રહ્યા છે અને હાલના તબક્કે કંઈ કહેવું યોગ્ય નથી.

સૂત્રોના જણાવ્યા પ્રમાણે, જમ્મુ-કાશ્મીર પોલીસમાં ફરજ બજાવતા જવાનોના પરિવારજનોને શોપિયા, કુલગામ, અનંતનાગ અને અવંતિપોરા ખાતેના તેમના નિવાસસ્થાનેથી ઉઠાવી જવામાં આવ્યા હતા. અપહરણ કરાયેલા આ લોકોમાં એક ડીસીપીનો ભાઈ પણ સામેલ હોવાનું એજન્સીઓએ જણાવ્યું છે.

પોલીસ અને સુરક્ષા દળોએ તમામ એજન્સીઓની મદદ લઈને સમગ્ર કાશ્મીરમાં એક મોટું સર્ચ ઓપરેશન હાથ ધર્યું છે. દેશની ગુપ્તચર એજન્સીઓ પણ તેમના ઈનપુટ્સ આપી રહી છે.

અપહરણ કરાયેલા લોકોમાં પોલીસકર્મી મોહમ્મદ મકબુલ ભટ્ટના પુત્ર જુબૈર અહમદ ભટ્ટ, એસએચઓ નાજિર અહમદના ભાઈ આરિફ અહમદ, પોલીસકર્મી બશીર અહમદના પિત્ર ફૈઝાન અહમદ, અબ્દુલ સલામના પુત્ર સુમૈર અહમદ અને ડીસીપી એજાઝના ભાઈ ગોહર અહમદનો સમાવેશ થાય છે.

નેશનલ ઈન્વેસ્ટિગેશન એજન્સી (એનઆઈએ)એ ટેરર ફંડિંગ કેસમાં ગઈ કાલે હિઝબુલના ચીફ આતંકી સૈયદ સલાઉદ્દીનના પુત્ર સૈયદ શકિલ અહમદની શ્રીનગરના રામબાગ સ્થિત તેના ઘરેથી ધરપકડ કરવામાં આવી હતી. તેના ઘરેથી ઘણાં વાંધાજનક દસ્તાવેજો મળી આવ્યા હતા.

એનઆઈએએ સલાઉદ્દીનના મોટા પુત્ર સૈયદ શાહિદને ટેરર ફંડિંગ અને મની લોન્ડ્રિંગ કેસમાં ગત વર્ષે પકડ્યો હતો. શકીલ અહમદ શ્રીનગરની એસ.કે. ઈન્સ્ટિટ્યુટ ઓફ મેડિકલ સાઈન્સીસમાં લેબોરેટરી ટેક્નિશિયન તરીકે કામ કરતો હતો.

ટેરર ફંડિંગ કેસમાં એનઆઈએ અત્યાર સુધીમાં છ લોકો સામે બે ચાર્જશીટ દાખલ કરી ચૂકી છે. તેમાં હુર્રિયત કોન્ફરન્સના પ્રમુખ સૈયદ અલી શાહ ગિલાનીના નજીકના ગણાતા જી.એમ. ભટ, મોહમ્મદ સિદ્દીક ગની, ગુલામ જિલાની અને ફારુક અહમદ સામેલ છે.

divyesh

Recent Posts

દિલ્હી-NCRમાં ભૂકંપના ઝટકાઃ 3.9ની તીવ્રતા, UPનું બાગપત હતું કેન્દ્ર

(એજન્સી) નવી દિલ્હી: રાજધાની દિલ્હી સહિત એનસીઆરના ક્ષેત્રમાં બુધવારે સવારે ભૂકંપના ઝટકા અનુભવાયા. રિક્ટર સ્કેલ પર ભૂકંપની તીવ્રતા ૩.૯ હતી.…

3 mins ago

યુએનમાં મસૂદ અઝહર પર પ્રતિબંધનો પ્રસ્તાવ લાવશે ફ્રાન્સ-બ્રિટન-અમેરિકા

(એજન્સી) નવી દિલ્હી: પાકિસ્તાન સામે ભારતને મોટી કૂટનૈતિક સફળતા મળી છે. વિશ્વના ત્રણ સૌથી શક્તિશાળી દેશ અમેરિકા, બ્રિટન અને ફ્રાન્સ…

42 mins ago

એરિક્સન કેસમાં અનિલ અંબાણી દોષીઃ ચાર સપ્તાહમાં ૪પ૩ કરોડ ચૂકવવા સુપ્રીમનો આદેશ

(એજન્સી) નવી દિલ્હી: સુપ્રીમ કોર્ટે આરકોમ વિરુદ્ધ એરિક્સન કેસમાં આરકોમના ચેરમેન અનિલ અંબાણીને મોટો ઝાટકો આપીને અદાલતની અવમાનના માટે દોષી…

45 mins ago

ટ્રમ્પે પુલવામા હુમલાને ભયાનક ગણાવ્યો: ‘દોષીઓ સામે પાકિસ્તાન કાર્યવાહી કરે’

(એજન્સી) વોશિંગ્ટન: જમ્મુ-કાશ્મીરના પુલવામામાં થયેલા આતંકી હુમલા માટે પાકિસ્તાન દુનિયાભરમાં આકરી ટીકાનો સામનો કરી રહ્યું છે. હુમલાના છ દિવસ બાદ…

57 mins ago

બેશરમ પાકિસ્તાનઃ સંઘર્ષ વિરામનું ઉલ્લંઘન કર્યું, ભારતનો વળતો જવાબ

(એજન્સી) શ્રીનગર: ગઇ કાલ સાંજના ૭-૦૦ વાગ્યાની આસપાસ પાકિસ્તાનના રાજૌરીના નૌશેરા સેક્ટરમાં નિયંત્રણરેખા પાસે સંઘર્ષ વિરામનું ઉલ્લંઘન કરતાં નાના હથિયારોથી…

60 mins ago

વડા પ્રધાન મોદી વારાણસીમાંઃ રૂ.ર૧૩૦ કરોડના પ્રોજેકટ્સનું લોકાર્પણ

(એજન્સી) વારાણસી: વડા પ્રધાન નરેન્દ્ર મોદી આજે સવારે પોતાના સંસદીય મત ક્ષેત્ર વારાણસી પહોંચી ગયા હતા. સૌ પહેલાં તેમણે ડીઝલથી…

22 hours ago