Categories: World

USના મેનહેટનમાં આતંકી હુમલો, 8ના મોત, ‘અલ્લા હુ અકબર’ ના નારા લગાવતો હતો આતંકી

અમેરિકામાં ન્યૂયોર્કના મેનહટનમાં વર્લ્ડ ટ્રેડ સેન્ટર મેમોરિયલની નજીક એક ભયાનક આતંકી હુમલો થયો છે. એક ટ્રકસવારે અલ્લા હો અકબરના નારા સાથે પગે ચાલતા અને સાઇકલ ઝોનમાં જઇ રહેલા લોકો પર ટ્રક ફેરવીને કચડી નાખતાં ઓછામાં ઓછા આઠનાં મોત થયાં છે અને ૧પથી વધુ ઘાયલ થયા છે. મૃતકોમાં પાંચ લોકો આર્જેન્ટિનાના છે.

અહેવાલો અનુસાર લોઅર મેનહટનમાંં ટ્રક ડ્રાઇવરે પગે ચાલતા અને સાઇકલસવાર લોકોને ઇરાદાપૂર્વક ટક્કર મારવાનું શરૂ કર્યું હતું. ન્યૂયોર્ક પોલીસે અા હુમલાખોરને ઝડપી લીધો છે અને તેની પાસેથી બે નકલી બંદૂકો પણ જપ્ત કરવામાં આવી છે. હુમલાખોરની ઓળખ ઉઝબેકિસ્તાનના ર૯ વર્ષના સેફુલો હબીબુલ્લાએવીક સેપોવ તરીકે થઇ છે. ન્યૂયોર્કના મેયરે આ હુમલો આતંકી હુમલો હોવાનું જણાવ્યું હતું.

અમેરિકાના રાષ્ટ્રપ્રમુખ ડોનાલ્ડ ટ્રમ્પે આ ઘટનાને કાયરતાપૂર્ણ ગણાવી હતી. આ આતંકી હુમલાને વખોડી કાઢતાં ડોનાલ્ડ ટ્રમ્પે જણાવ્યું હતું કે હવે બહુ થયું. અમે ખોફનાક આતંકી સંગઠન આઇએસઆઇએસને દેશમાં ઘૂસવા દઇશું નહીં. ન્યૂયોર્કના મેનહટનમાં સ્થાનિક સમય પ્રમાણે બપોરે ૩.૦પ કલાકે એક ટ્રકસવારે સાઇકલ અને વોક-વે પર લોકોને કચડવાનું શરૂ કર્યું હતું. ન્યૂયોર્કના વર્લ્ડ ટ્રેડ સેન્ટરની નજીક

અા હુમલા બાદ ટ્રકે એક સ્કૂલ બસને પણ અડફેટે લીધી હતી. ટ્રકમાંથી ઊતરતાં જ પોલીસે હુમલાખોરના પેટમાં ગોળી મારી હતી અને પછી તેની અટકાયત કરી હોસ્પિટલમાં સારવાર માટે મોકલી અપાયો હતો. હુમલાખોર હવે ભયમુક્ત હોવાનું જણાવાયું છે. પોલીસ તપાસમાં આ ટ્રકમાંથી એક ચિઠ્ઠી મળી છે. આ ચિઠ્ઠીમાં એવું લખાણ છે કે આ હુમલો ઇસ્લામિક સ્ટેટ ઓફ ઇરાક એન્ડ ધ લેવન્ટ (આઇએસઆઇએસનું નવું જૂથ-આઇએસઆઇએલ) દ્વારા કરવામાં આવ્યો છે. હુમલાખોર પાસેથી ફલોરિડાનું ડ્રાઇવિંગ લાઇસન્સ મળ્યું છે. હાલ તે ન્યૂજર્સીમાં રહે છે.

ન્યૂયોર્ક પોલીસ અનુુસાર ર૦૧૦માં તે ઉઝબેકિસ્તાનથી અમેરિકા આવ્ય્ો હતો. ટ્રકે જેને અડફેટમાં લીધી હતી તે સ્કૂલ બસમાં ત્રણ બાળકો સવાર હતાં. વ્હાઈટ હાઉસના જણાવ્યા પ્રમાણે રાષ્ટ્રપ્રમુખ ડોનાલ્ડ ટ્રમ્પને આ હુમલાની જાણકારી આપવામાં આવી હતી.
અમેરિકાના રાષ્ટ્રપ્રમુખ ડોનાલ્ડ ટ્રમ્પે આ હુમલાની ટીકા કરતાં ટ્વિટ કરીને જણાવ્યું હતું કે ન્યૂયોર્કમાં એક બીમાર માનસિકતા ધરાવતા શખ્સે હુમલો કર્યો છે.

સુરક્ષા એજન્સીઓ તેના પર નજર રાખી રહી છે. ડોનાલ્ડ ટ્રમ્પે ટ્વિટ કરીને જણાવ્યું હતું કે મિડલ ઇસ્ટમાં હરાવ્યા બાદ હવે અમે આઇએસઆઇએસને ફરી માથું ઊંચકવા દઇશું નહીં કે તેમને અમેરિકામાં પણ ઘૂસવા દઇશું નહીં. ડોનાલ્ડ ટ્રમ્પે હુુમલામાં માર્યા ગયેલા લોકો પ્રત્યે પોતાની સંવેદના વ્યક્ત કરી હતી. ડોનાલ્ડ ટ્રમ્પે વધુમાં જણાવ્યુું હતું કે ઇશ્વર અને
આપણો દેશ તમારી સાથે છે.

PMમોદીએ નિંદા કરી
ભારતીય વડાપ્રધાન નરેન્દ્ર મોદીએ ન્યૂયોર્કના આતંકી હુમલાની ટીકા કરતાં ટ્વિટ કર્યું હતું કે, ‘તેમની લાગણી હુમલામાં માર્યા ગયેલા લોકોના પરિવારજનો સાથે છે. ઘાયલ લોકો ઝડપથી સાજા થાય.’ જો કે આ હુમલામાં કોઈ ભારતીય ઘાયલ થયો હોય તેવા સમાચાર પ્રાપ્ત થયા નથી.

Navin Sharma

Recent Posts

મસ્તી મસ્તીમાં મિત્રો ઝઘડ્યા એકે બીજાને ચપ્પાના ઘા માર્યા

(અમદાવાદ બ્યૂરો) અમદાવાદ: શહેરમાં વટવા વિસ્તારમાં આવેલા પુનિતનગર બસ સ્ટેન્ડ પાસે ગઇ કાલે રાતે એક યુવક ઉપર સામાન્ય બાબતે તેના…

2 days ago

આતંક સામે આક્રોશ, શહીદ જવાનોને શ્રદ્ધાંજલિઃ બજારો સ્વયંભૂ બંધ રહ્યાં

(પ્રતિનિધિ દ્વારા) અમદાવાદ: જમ્મુ-કાશ્મીરના પુલવામામાં CRPFના જવાનો ઉપર થયેલા આતંકી હુમલાના ઘેરા પ્રત્યાધાત અમદાવાદ સહિત સમગ્ર દેશમાં પડ્યા છે. આંતકી…

2 days ago

પગાર વધારાની માગણી સાથે શિક્ષણ સહાયકો કાલે સામૂહિક મૂંડન કરાવશે

(અમદાવાદ બ્યૂરો) અમદાવાદ: પગારના મુદ્દે છેલ્લા ઘણા સમયથી લડત ચલાવી રહેલા ગ્રાન્ટેડ શાળાઓમાં ફરજ બજાવી રહેલા શિક્ષણ સહાયકોએ રાજ્ય સરકારને…

2 days ago

750 કરોડની SVP હોસ્પિટલમાં આઈસોલેશન વોર્ડ છે પણ શોભાનો

(પ્રતિનિધિ દ્વારા) અમદાવાદ: વી.એસ. હોસ્પિટલ પરિસરમાં રૂ.૭પ૦ કરોડના ખર્ચે નવનિર્મિત ૧૮ માળની સરદાર વલ્લભભાઇ પટેલ હોસ્પિટલના બારમા માળે સ્વાઇન ફ્લૂનો…

2 days ago

મ્યુનિ. બજેટ બેઠકમાં બબાલઃ માત્ર એક કલાકમાં ચાર બજેટ મંજૂર કરી દેવાયાં

(અમદાવાદ બ્યૂરો) અમદાવાદ: આજે મ્યુનિસિપલ મુખ્યાલયમાં આવેલા ગાંધી હોલમાં મળેલી બજેટ બેઠકમાં સવારે ૧૦ વાગ્યે મ્યુનિ. કોર્પોરેશન સલગ્ન ચારેય સંસ્થાનાં…

2 days ago

પુલવામા હુમલો: ૪૦ શહીદને આજે અંતિમ વિદાય અપાશે

(એજન્સી) નવી દિલ્હી: જમ્મુ-કાશ્મીરના પુલવામામાં થયેલા આતંકી હુમલામાં શહીદ ૪૦ જવાનના પાર્થિવ દેહ આજે તેમના ઘરે પહોંચી જશે અને તેમને…

2 days ago