Categories: Gujarat

૭૦ ટકા ATM રિકેલિબ્રેટ કરાયાં પણ કેશનાં ફાંફાં

અમદાવાદ: સરકારે રૂ‌.પ૦૦ અને ૧૦૦૦ની ચલણી નોટ બંધ કરતાં લોકોને પારાવાર મુશ્કેલીનો સામનો કરવો પડી રહ્યો છે. શહેરના ૭૦ ટકાથી વધુ એટીએમમાં રિકેલિબ્રેશનનું કામકાજ પૂરું થઇ ગયું હોવા છતાં આરબીઆઇ દ્વારા ચલણી નોટોના અપૂરતા સપ્લાયના કારણે શહેરના મોટાભાગના એટીએમ ઠપ જેવી હાલતમાં જોવા મળી રહ્યા છે.

બેન્કિંગ સેકટરના જાણકારોના જણાવ્યા પ્રમાણે રિઝર્વ બેન્ક ઓફ ઇન્ડિયા પાછલા બે ત્રણ દિવસથી ચલણી નોટનો પૂરતો પુરવઠો છે તથા બેન્કને પૂરતી નોટોનો સપ્લાય કરવામાં આવશે તેવા વાયદા કરી રહ્યું છે પરંતુ વાસ્તવિક સ્થિતિ તદ્દન અલગ જોવા મળી રહી છે. બેન્કને નાણાંનો અપૂરતો પુરવઠો આપવાની સાથે સાથે એટીએમમાં પણ નાણાં જરૂરિયાત કરતાં ઓછા ભરવામાં આવી રહ્યા છે અને તેના કારણે રિકેલિબ્રેટ થયેલાં એટીએમમાં પણ નોટો ઝડપથી ખાલી થઇ જાય છે. જેના કારણે હાલ શહેરમાં મોટા ભાગના એટીએમમાં બંધ જેવી હાલતમાં જોવા મળી રહ્યા છે.

ઉલ્લેખનીય છે કે શહેરમાં ૧૧પપ એટીએમ છે જેમાંથી ૮પર કરતાં વધુ એટીએમ બંધ જેવી હાલતમાં જોવા મળી રહ્યાં છે. આ અંગે મહાગુજરાત બેન્ક એપ્લોઇઝ એસોસિયેશનના જનરલ સેક્રેટરી જનક રાવલના જણાવ્યા પ્રમાણે આરબીઆઇ પાછલા બે-ત્રણ દિવસથી ચલણી નોટો એટીએમમાં અને બેન્કમાં પૂરતા પ્રમાણમાં સપ્લાય વધારવામાં આવશે તેવો વાયદો કરે છે પરંતુ હાલ ચલણી નોટની અછતની પરિસ્થિતિના કારણે સપ્લાય ખૂબ જ ઓછો છે. એટલુંુ જ નહીં એટીએમમાં ભરવામાં આવેલાં નાણાં ખૂબ જ ઝડપથી ખાલી થઇ જાય છે. તેમણે વધુમાં જણાવ્યું કે આરબીઆઇ દ્વારા આ ચલણી નોટોનો સપ્લાય કયારે વધારવામાં આવશે તે કહેવું ખૂબ જ મુશ્કેલ છે. જેના કારણે હાલ એકબે દિવસમાં આ પરિસ્થિતિમાં રાહત જોવા મળે તેવી શકયતા ખૂબ જ ઓછી જોવા મળી રહી છે.
visit : www.sambhaavnews.com

divyesh

Recent Posts

વિધાનસભા તરફ શિક્ષકોની કૂચ રાજ્યભરમાં અનેકની અટકાયત

(પ્રતિનિધિ દ્વારા) અમદાવાદઃ જિલ્લા પ્રાથમિક શિક્ષણ સંઘ દ્વારા શિક્ષકોના પડતર પ્રશ્નોના મુદ્દે આજે ગાંધીનગર વિધાનસભાને ઘેરાવ કરવા માટે નીકળેલા સેંકડો…

8 hours ago

PM મોદીને મળ્યો દક્ષિણ કોરિયાનો સૌથી મોટો એવોર્ડ

(એજન્સી) નવી દિલ્હી: સિયોલમાં આજે વડા પ્રધાન નરેન્દ્ર મોદીને દક્ષિણ કોરિયાના સૌથી મોટા ‘શાંતિ પુરસ્કાર’થી નવાજવામાં આવ્યાં છે. દુનિયાભરના એક…

8 hours ago

આઇસોલેશન વોર્ડ વગર સ્વાઇન ફ્લૂના દર્દીની સારવાર કરતી હોસ્પિટલને સીલ કરાશે

(અમદાવાદ બ્યૂરો) અમદાવાદ: શહેરની અનેક ખાનગી હોસ્પિટલમાં સ્વાઇન ફલૂના દર્દી માટે અલગ આઇસોલેશન વોર્ડ ન હોવા છતાં ફક્ત કમાણી કરવાના…

8 hours ago

STની હડતાળના બીજા દિવસે પણ હજારો મુસાફરો અટવાઇ ગયા

અમદાવાદ: એસટીના કર્મચારીઓની હડતાળ આજે બીજા દિવસે પણ ચાલુ રહેતા મુસાફરો હલાકીમાં મુકાયા હતા. સરકારે ખાનગી બસોની વૈકલ્પિક વ્યવસ્થા કરવા…

8 hours ago

શહેરના તમામ 240 બગીચાની જાળવણી માટે નવેસરથી કોન્ટ્રાક્ટ અપાશે

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશન દ્વારા શહેરના તમામ ર૪૦ નવા-જૂના બગીચાની જાળવણી માટે નવેસરથી ક્વાયત આરંભાઇ છે. હાલના તંત્ર હસ્તકના…

8 hours ago

હાઉસિંગ કોલોનીના રી ડેવલપમેન્ટમાં લાભાર્થીને 40 ટકા મોટું મકાન મળશે

(પ્રતિનિધિ દ્વારા) અમદાવાદ: અમદાવાદ સહિત રાજ્યભરની હાઉસિંગ બોર્ડ હસ્તકની હજારો એકર જમીનમાં ઊભા કરાયેલાં મકાનોનું રી ડેવલપમેન્ટ થઇ શકશે. ૭પ…

8 hours ago