છ મહિનામાં 6,000 રેલવે સ્ટેશન પર વાઇ ફાઇ સુવિધાઃ પીયૂષ ગોયલ

નવી દિલ્હી: રેલવે પ્રધાન પીયૂષ ગોયલે આજે જણાવ્યું હતું કે આગામી છ મહિનામાં દેશનાં ૬,૦૦૦ રેલવે સ્ટેશન પર વાઇ ફાઇની સુવિધા મળશે. સ્માર્ટ રેલવે સંમેલનને સંબોધન કરતાં પીયૂષ ગોયલે જણાવ્યું હતું કે રેલવે અત્યારે સ્માર્ટ પ્રોજેકટનો અમલ કરવા પર ધ્યાન કેન્દ્રીત કરી રહી છે. આ સંમેલનનું આયોજન વેપાર સંગઠન ફિક્કી દ્વારા કરવામાં આવ્યું હતું.

પીયૂષ ગોયલે જણાવ્યું હતું કે અમને વિશ્વાસ છે કે જો અમારે ડિજિટલ ટેકનોલોજીનો મહત્તમ લાભ ઉઠાવવો હોય તો અમારા દેશના અંતરિયાળ વિસ્તારોમાં આ ટેકનોલોજી પહોંચે તે સુનિશ્ચિત કરવું પડશે. રેલવે પોતાના નેટવર્કમાં ઉપલબ્ધ ઓપ્ટિકલ ફાઇબરના અંતિમ છેડા સુધી નેટવર્ક કનેક્ટિવિટી સુનિશ્ચિત કરવાની દિશામાં કામ કરી રહી છે.

અમને આશા છે કે આગામી છથી આઠ મહિનામાં મોટા ભાગનાં તમામ રેલવે સ્ટેશન પર વાઇ ફાઇની સુવિધા ઉપલબ્ધ બનશે. ભારતીય રેલવેએ હવે સ્માર્ટ રીતે વિચારવાનું, સ્માર્ટ યોજના તૈયાર કરવાનું અને તેનો અમલ કરવાનું શરૂ કરી દીધું છે. પીયૂષ ગોયલે જણાવ્યું હતું કે મારું માનવું છે કે આ એવા બદલાવ છે જેને આપે છેલ્લાં ચાર વર્ષમાં અનુભવ્યા હશે.

રેલવે ટ્રેનોના નિયમિત દોડવા પર પીયૂષ ગોયલે જણાવ્યું હતું કે ૧ એપ્રિલથી અત્યાર સુધીમાં રેલવેની નિયમિતતા વધુ બહેતર બનીને ૭૩થી ૭૪ ટકા સુધી થઇ ગઇ છે. રેલવેએ હવે સ્ટેશન માસ્તર દ્વારા મેન્યુઅલી ભરવામાં આવતી ટાઇમ ટેબલ શેડ્યૂલની વ્યવસ્થા કરી દીધી છે. હવે આ શેડ્યૂલ કમ્પ્યૂટરાઇઝડ ડેટા દ્વારા તૈયાર કરવામાં આવે છે.

divyesh

Recent Posts

RTOનું સર્વર હેક કરીને ડ્રાઇવિંગ લાઇસન્સમાં ચેડાં કરાયાં

(પ્રતિનિધિ દ્વારા) અમદાવાદ: શહેરની આરટીઓ કચેરીમાં સોફટવેરમાં ચેડાં કરીને ટુ વ્હીલરનાં લાઈસન્સ ધારકોને ફોર વ્હીલર તેમજ હેવી વિહિકલનાં લાઈસન્સ કાઢી…

14 hours ago

સુખરામનગરમાં ઘરમાં ઘૂસીને પોલીસ કર્મચારી, તેમના પરિવારજનો પર ઘાતક હુમલો

(અમદાવાદ બ્યૂરો) અમદાવાદ: શહેરના રખિયાલ વિસ્તારમાં આવેલ સુખરામનગરના ત્રણ માળિયા મકાનમાં ગઇકાલે પોલીસ કર્મચારી તેમજ ના પુત્ર અને તેની પત્ની…

14 hours ago

વિધાનસભાના ટૂંકા સત્રનો વિપક્ષના સૂત્રોચ્ચાર અને હોબાળા સાથે પ્રારંભ

(અમદાવાદ બ્યૂરો) અમદાવાદ: ગુજરાત વિધાનસભાના પાંચ દિવસીય ટૂંકા સત્રનો આરંભ આજે વિપક્ષના હોબાળા વચ્ચે થયો હતો. સત્રની શરૂઆતના પહેલા દિવસે…

14 hours ago

‘પાસ’ના ભાગેડુ અલ્પેશ કથીરિયાને ક્રાઈમ બ્રાંચે સુરતથી ઝડપી લીધો

(પ્રતિનિધિ દ્વારા) અમદાવાદ: રાજદ્રોહના કેસમાં જામીન રદ થયા બાદ નાસતા ફરતા પાસના નેતા અલ્પેશ કથીરિયાની સુરત ક્રાઇમ બ્રાંચે સુરતના વેલંજા…

14 hours ago

પુલવામા હુમલાનો બદલોઃ સુરક્ષાદળોએ માસ્ટર માઈન્ડ ગાઝી રશીદ અને કામરાનને ફૂંકી માર્યા

(એજન્સી) પુલવામા: તાજેતરમાં જમ્મુ-કાશ્મીરના પુલવામામાં સીઆરપીએફના ૪૪ જવાનોને શહીદ કરનાર ખોફનાક આતંકી હુમલાના બદલારૂપે આજે પુલવામામાં જ સુરક્ષાદળોએ આ આતંકી…

16 hours ago

CRPF કાશ્મીરમાં જવાનોના કાફલાની મૂવમેન્ટના નિયમોમાં મોટા ફેરફાર કરશે

(એજન્સી) નવી દિલ્હી: જમ્મુ-કાશ્મીરમાં પુલવામામાં થયેલા આતંકી હુમલા બાદ સીઆરપીએફે કાશ્મીરમાં જવાનોના કાફલાની અવરજવરમાં નવા નિયમો જોડવાનો નિર્ણય કર્યો છે.…

16 hours ago