Categories: News

શહેર ભાજપ પ્રમુખની વરણી બાબતનું કોકડું ગુંચવાયું

અમદાવાદ : ગુજરાતની આર્થિક રાજધાની ગણાતા અમદાવાદના ભાજપના શહેર પ્રમુખનો હોદ્દો સ્વાભાવિકપણે મોભાદાર છે. કેમકે ગાંધીનગરમાં રાજ્ય સરકાર અને અમદાવાદ કોર્પોરેશનમાં શાસન ભાજપનું છે. જોકે શિસ્તબદ્ધ ગણાતા ભાજપમાં શહેર પ્રમુખ થવા માટે મહત્વાકાંક્ષીઓમાં જબ્બર સ્પર્ધા જામી છે. પરિણામે શહેર ભાજપ પ્રમુખનું કોકડું ગુંચવાયું છે. હાલના પ્રમુખ અને એલિસબ્રિજના ધારાસભ્ય રાકેશ શાહની ટર્મ પૂર્ણ થઇ હોય તેમની વિદાય નિશ્ચિત છે.

તાજેતરમાં સંપન્ન થયેલી અમદાવાદ કોર્પોરેશનની ચૂંટણીમાં રાકેશ શાહની પ્રદેશ હાઇકમાન્ડે થોડીઘણી ઉપેક્ષા કરી હતી. શહેર પ્રભારી અને પક્ષના ઉપાધ્યક્ષ આઇ. કે. જાડેજાએ ચૂંટણી દરમ્યાન પક્ષની પૂર્ણપણે કમાન સંભાળી હતી. શહેર મહામંત્રી જે. જે. પટેલ પણ ચર્ચાસ્પદ બન્યા હતા. એટલે ચૂંટણીના સમયગાળામાં શહેર પ્રમુખની કામગીરી વિવાદોમાં રહી હતી. હવે નવા શહેર પ્રમુખની પસંદગીનો મામલો પણ વિવાદોમાંઆવ્યો છે.

આમ તો શહેર ભાજપમાં આજથી સંરચનાનું કામ હાથ પર લેવાનું હતું. આજે અને આવતીકાલ એમ બે દિવસમાં શહેરના તમામે તમામ ૪૮ વોર્ડના પ્રમુખની વરણી કરી દેવાની હતી. જોકે શહેર પ્રમુખ બનવા માટે મહત્વાકાંક્ષીઓમાં અંદરખાનેથી હોડ જામી હોઇ પ્રદેશ હાઇકમાંડનો કાર્યક્રમ ખોરવાઇ ગયો છે. હજુ સુધી એક પણ વોર્ડમાં પ્રમુખની સર્વસંમતિથી પસંદગી કરી શકાઇ નથી. જે-તે વોર્ડમાં પ્રમુખની વરણી બાબતે બેઠકના દોર ચાલે છે, પરંતુ કોઇ એકના નામ પર સર્વસંમતિના મામલે કોઇ પ્રગતિ થઇ નથી.

જેના કારણે શહેર ભાજપની સંરચનાની કામગીરી અટવાઇ પડી છે. હવે સંરચના માટે પ્રદેશ હાઇકમાંડની નવી તારીખની પ્રતિક્ષા થઇ રહી છે. જો આવતીકાલે નવી તારીખ જાહેર થશે તો નવા કાર્યક્રમ મુજબ પહેલા તમામે તમામ ૪૮ વોર્ડના પ્રમુખની સર્વસંમતિથી પસંદગી કરવા માટે શહેર સ્તરની બેઠકોના દોર યોજાશે.

પક્ષના બંધારણ મુજબ નવા શહેર-પ્રમુખની વરણી કરવા કુલ વોર્ડ ૪૮ વોર્ડ પૈકી ૬૦ ટકા વોર્ડમાં વોર્ડપ્રમુખ હોવા જરૃરી છે. જો આ મામલે શહેર ભાજપની સંરચના ટીમને નિષ્ફળતા મળશે તો રાકેશ શાહની ટર્મ આપોઆપ લંબાઇ જશે. જોકે ભાજપ જેવા શિસ્તબદ્ધ પક્ષમાં વોર્ડપ્રમુખ માટે પણ અંદરોઅંદર સ્પર્ધાત્મક માહોલ મળતાં છેક ગાંધીનગર સુધી આની ગંભીરતાથી નોંધ લેવાઇ છે.

Navin Sharma

Recent Posts

ક્રિકેટ વર્લ્ડકપ ટીમના પાંચ સિલેક્ટર્સ 31વન-ડે રમ્યા છે

ભારતમાં ક્રિકેટનો ક્રેઝ એટલો છે કે સ્ટેડિયમ હોય કે ટીવી... મેચ જોનાર દરેક વ્યક્તિ પોતાની એક્સ્પર્ટ કોમેન્ટ આપતા રહે છે.…

17 hours ago

ચૂંટણી બાદ મિડકેપ શેરમાં તેજી આવશેઃ ઈક્વિટી કેપિટલ માર્કેટ એક્ટિવ બનશે

લોકસભા ચૂંટણી બાદ સ્થિર સરકાર મળવાની આશા છે અને જો આમ થશે તો નવા બુલ રનની શરૂઆત થશે. મને ખાસ…

18 hours ago

વધુ એક હત્યાઃ વટવાના યુવકને મોતને ઘાટ ઉતારી લાશ ફાટક પાસે ફેંકી દીધી

દર એકાદ-બે દિવસે હત્યાની ઘટના શહેરના અલગ અલગ વિસ્તારમાં બનતાં પોલીસ માટે ચિંતાનો વિષય બની છે. વાસણા તેમજ ઘાટલો‌િડયામાં થયેલી…

19 hours ago

ચૂંટણી સભા સંબોધતા હાર્દિક પટેલને યુવકે લાફો માર્યો

સુરેન્દ્રનગરના બલદાણામાં જન આક્રોશ સભામાં ભાષણ કરી રહેલા કોંગેસના સ્ટાર પ્રચારક હાર્દિક પટેલને એક યુવકે સ્ટેજ પર ચઢીને તું ૧૪…

19 hours ago

મોદી આચારસંહિતાનો ભંગ કરી રહ્યા છે, કાફલાની તપાસ કરવાની જરૂર હતી: કુરેશી

ઓડિશામાં વડા પ્રધાન નરેન્દ્ર મોદીના હેલિકોપ્ટરની તલાશી લેનારા આઈએએસ અધિકારીને સસ્પેન્ડ કરી દેવામાં આવ્યા હતા. આ મુદ્દે પૂર્વ ચૂંટણી કમિશનર…

19 hours ago

સાઉદીમાં ફસાયેલા ભારતીયની આપઘાતની ધમકીઃ સુષમાએ કહ્યું, ‘હમ હૈ ના’

વિદેશ પ્રધાન સુષમા સ્વરાજ દુનિયાભરમાં ફસાયેલા ભારતીયોની મદદ માટે જાણીતાં છે. ગઇ કાલે વિદેશ પ્રધાને સાઉદીમાં ફસાયેલા એક ભારતીયને મદદનો…

20 hours ago