Categories: Gujarat

શહેરમાં બે પરિણીતા સહિત યુવકે કરેલો આપઘાત

અમદાવાદ : શહેરના ત્રણ વિસ્તારમાં બે પરિણીતા સહિત એક યુવકે વિવિધ કારણોસર આપઘાત કરી લેતા અરેરાટી વ્યાપી ગઈ છે. આપઘાતના પ્રથમ બનાવમાં રખિયાલની કાસમછીપાની ચાલીમાં રહેતી યાસ્મીનબાનુ મહંમદતોફીક અંસારી (ઉ.વ.૧૯)ને કાંકરિયા જવું હોવાથી તેણે તેના પતિને જણાવતા પતિએ ના પાડી હતી. આ બાબતે બંને વચ્ચે ઝગડો થયો હતો. દરમિયાન આ બાબતે લાગી આવતા યાસ્મીનબાનુએ ગઈકાલે બપોરના બે કલાકે તેના ઘરમાં પંખાના હુકમાં દુપટ્ટો બાંધી ફાંસો ખાઈ આત્મહત્યા કરી લીધી હતી.

આ અંગે રખિયાલ પોલીસે અકસ્માત મોતનો ગુનો નોંધી વધુ તપાસ હાથ ધરી છે. બીજા બનાવમાં ગોમતીપુરના બળિયાકાકા ચાર રસ્તા પાસેની છીપાની ચાલીમાં રહેતી રૂપાબહેન દિપકભાઈ બાબરીયા (ઉ.વ.૨૫)ને પિયર જવું હતુ. તેથી તેણે તેના પતિને વાત કરતા પતિએ હમણાં ઉત્તરાયણનો તહેવાર આવે છે તેથી તહેવાર બાદ પિયરમાં જવાનું જણાવ્યું હતુ. આ બાબતે રૂપાબહેનને મનમાં લાગી આવતા તેણીએ ગઈકાલે બપોરના બે વાગે પંખા સાથે દુપટ્ટો બાંધી ફાંસો ખાઈ લેતા તેને સારવાર માટે શારદાબહેન હોસ્પિટલમાં દાખલ કરવામાં આવી હતી.

જ્યાં સાંજે છ કલાકે તેનું મોત થયુ હતુ. અંગે ગોમતીપુર પોલીસે અકસ્માત મોતનો ગુનો નાંેધી વધુ તપાસ હાથ ધરી છે. જ્યારે ત્રીજા બનાવમાં સરસપુરની શાહ પોપટલાલ મોહનલાલની ચાલીમાં રહેતા કમલેશ ગણપતભાઈ ગોહેલ(ઉ.વ.૨૫)એ ગત ૨૬મી ડિસેમ્બરના રોજ કોઈ કારણસર તેના ઘરમાં ફાંસો ખાઈ લેતા તેને સારવાર માટે સીવીલ હોસ્પિટલમાં દાખલ કરવામાં આવ્યો હતો.જ્યાં ગઈકાલે બપોરે ત્રણ કલાકે તેનું મોત નિપજ્યું હતુ.

આ અંગે શહેર કોટડા પોલીસે અકસ્માત મોત નોંધી વધુ તપાસ હાથ ધરી છે. આમ શહેરમાં આપઘાતના વિવિધ ત્રણ બનાવમાં બે પરિણીતા સહિત એક યુવકનું મોત નિપજ્યુ છે.

Navin Sharma

Recent Posts

ઘર, ઓફિસ, કાર… પોલીસથી ‘બેખૌફ’ તસ્કરો ક્યાંય પણ ત્રાટકી શકે છે

(અમદાવાદ બ્યૂરો) અમદાવાદ: શહેરમાં તસ્કરો પોલીસના ખૌફ વગર બેફામ બન્યા હોય તેમ ઠેરઠેર ચોરીની ઘટનાને અંજામ આપીને નાસી જાય છે.…

22 hours ago

Ahmedabad: સાબરમતી રિવરફ્રન્ટને ઈન્દિરાબ્રિજ સુધી લંબાવાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશન દ્વારા સાબરમતી નદીના પશ્ચિમ અને પૂર્વ કાંઠા પર કુલ. ૧૧.પ૦ કિ.મી. લંબાઇમાં કરોડો રૂપિયાના ખર્ચે…

22 hours ago

અમદાવાદ શોપિંગ ફેસ્ટિવલમાં છ દિવસમાં રૂ.35.64 કરોડનું વેચાણ

(અમદાવાદ બ્યૂરો) અમદાવાદ: દુબઇમાં યોજાતા શોપિંગ ફેસ્ટિવલની જેમ અમદાવાદમાં હાલમાં બાર દિવસનો શોપિંગ ફેસ્ટિવલ યોજાઇ રહ્યો છે. જોકે શહેરનાં શોપિંગ…

22 hours ago

ફલાવર શોના શનિ-રવિના મુલાકાતી માટે ખાસ પાર્કિંગ વ્યવસ્થા કરાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા અમદાવાદીઓમાં અાકર્ષણનું કેન્દ્ર બનેલા ફ્લાવર શોની મુદતને આગામી તા. ૩૧ જાન્યુઆરી સુધી વધારાઈ…

22 hours ago

નરોડા પાટિયા કેસના ચાર દોષિતને સુપ્રીમે જામીન આપ્યા

(અમદાવાદ બ્યૂરો): સુપ્રીમ કોર્ટે ર૦૦રના નરોડા પાટિયા રમખાણ કેસમાં ચાર અપરાધીઓની જામીન પર છોડવાની અરજી પર સુનાવણી કરીને તેઓને જામીન…

22 hours ago

સુભાષચંદ્ર બોઝ જયંતીઃ મોદીએ લાલ કિલ્લામાં સંગ્રહાલયનું ઉદ્ઘાટન કર્યું

(એજન્સી) નવી દિલ્હી: નેતાજી સુભાષચંદ્ર બોઝની ૧૨૨મી જન્મ જયંતીના અવસર પર આજે વડાપ્રધાન નરેન્દ્ર મોદીએ રાજધાની દિલ્હીમાં લાલ કિલ્લા પર…

23 hours ago