Categories: India

ગૃહના સુચારુ કામકાજ અંગે વિપક્ષ તરફથી સકારાત્મક સંકેત : નાયડુ

હૈદરાબાદ : કેન્દ્રીય સંસદીય કાર્યમંત્રી એમ. વેંકૈયાનાયડુએ જણાવ્યું હતું કે હાલના સત્ર દરમ્યાન ઉપલા ગૃહમાં કેટલાંક મહત્વના વિધેયકો પસાર કરાવવાની બાબતે વિપક્ષે સકારાત્મક સંકેત આપ્યા હતા. તેમણે આશા વ્યક્ત કરી હતી કે સોમવારથી સંસદની કાર્યવાહી કોઇપણ અવરોધ વિના ચાલશે. નાયડુએ હૈદરાબાદમાં પત્રકારોને જણાવ્યું હતું કે મને લાગે છે કે સોમવારથી સંસદનું કામકાજ ચાલશે જ્યાં સુધી લોકસભાનો સવાલ છે તો તેનું કામકાજ સુચારુ રૃપે ચાલે છે.

રાજ્યસભાનું કામકાજ પણ ચાલશે. તેમણે કહ્યું અમને કેટલાક સકારાત્મક સંકેત મળ્યા છે. કોંગ્રેસે કહ્યું છે કે તે કેટલાક વિધેયકો પસાર કરાવવામાં સહકાર આપશે. અમે પણ આ વિધેયકોને પસાર કરાવવા ઉત્સુક છીએ. અને આશા રાખીએ છીએ કે જો તેઓ સમર્થન આપે તો જીએસટી બિલ, રિયલ એસ્ટેટ બિલ અને અન્ય કેટલાક વિધેયકોથી દેશને લાભ થશે. કેન્દ્રીય મંત્રીએ વિપક્ષને અપીલ કરી હતી કે તેમને કોઇ વિધેયક અંગે મુશ્કેલી હોય તો તેઓ તેના પર સંસદમાં ચર્ચા કરે.

ગૃહની કાર્યવાહીમાં અવરોધ કરે નહીં. તેમણે કહ્યું વિપક્ષ અને ખાસ કરીને કોંગ્રેસને અમારી અપીલ છે કે આ વિધેયકો તમારા શાસનકાળમાં સૂચવવામાં આવ્યા હતા. તેથી તેઓ આ વિધેયકોનું સમર્થન કરે અમે સત્રના બાકી રહેલાં ત્રણ દિવસમાં ઘણું કરી શકીએ છીએ. તેમણે કહ્યું રાજ્યસભામાં હાલ ૧૮ વિધેયકો પડતર છે. કોંગ્રેસ અધ્યક્ષ સોનિયા ગાંધી અને ઉપાધ્યક્ષ રાહુલ ગાંધી પર નિશાન તાકતા નાયડૂએ કહ્યું કે આ પક્ષ બદલાનું રાજકારણ કરે છે.

નેશનલ હેરાલ્ડ કેસમાં બંને નેતાઓની કોર્ટ સમક્ષ હાજરીના મુદ્દે વિરોધમાં કોંગ્રેસ કાર્યકરોના દેખાવોની તેમણે ટિકા કરી હતી. નાયડૂએ કહ્યું કે નેતાઓએ જાહેર જીવનમાં પોતાના પગલાંથી ઉદાહરણ અને માપદંડ નક્કી કરવા જોઇએ. નાણામંત્રી અરુણ જેટલી પર દિલ્હીના મુખ્યમંત્રી અરવિંદ કેજરીવાલે કરેલા આક્ષેપો પર નાયડૂએ કહ્યું આ બાબત આપ સરકાર વિરુદ્ધ ગંભીર મામલાથી ધ્યાન અન્યત્ર દોરવાનો પ્રયાસ છે.

રાજ્યસભામાં અનુસૂચિત જાતિ અને અનુસૂચિત જનજાતિ (અત્યાચાર અટકાયતી) સુધારા વિધેયકને લઇને વ્યાપક રાજકીય સંમતિ સધાઇ છે. રિયલ એસ્ટેટ (નિયમન અને વિકાસ) વિધેયક, વિનિયોગ વિધેયક, અપહરણ અટકાયતી વિધેયક, અણુ ઊર્જા (સુધારા) વિધેયકને પસાર કરાવવા માટે પણ મહદ્અંશે સંમતિ છે, પરંતુ વિપક્ષ વ્હીસલ બ્લોઅર્સ વિધેયકને પ્રવર સમિતિને મોકલી આપવા માટે દબાણ કરી રહ્યો છે.

કેન્દ્રીય પરિવહન મંત્રી નીતીન ગડકરી રાષ્ટ્રીય જળ માર્ગ વિધેયક રજૂ કરશે. મંગળવારે શ્રમ મંત્રી બંડારૃ દત્તાત્રેય નીચલા ગૃહમાં બોનસ ચૂકવણી (સુધારા) વિધેયક રજૂ કરશે. જેમાં બોનસ ચૂકવણી કાયદો, ૧૯૬૫નો સુધારાનો પ્રસ્તાવ છે. ગૃહમાં નેપાળની પરિસ્થિતિ અને ભારત-નેપાળ સંબંધો પર તથા સતત વિકાસ લક્ષ્યો પર પણ ચર્ચા થવાની શક્યતા છે.

Navin Sharma

Recent Posts

કળશ કૌભાંડઃ પૂજા સામગ્રીના નિકાલમાં નિયમો-પવિત્રતાનો ખુલ્લેઆમ ભંગ

અમદાવાદ: મ્યુનિસિપલ કોર્પોરેશનમાં સતત એક અથવા બીજા પ્રકારનાં કૌભાંડ ગાજતાં હોય છે. હવે સાબરમતી નદીને ચોખ્ખીચણાક રાખવાના ઉદ્દેશથી નદી પરના…

3 hours ago

ગાંધીનગરમાં આજે દેશનો સૌથી મોટો ગ્લોબલ ટ્રેડ શો

અમદાવાદ: વડા પ્રધાન નરેન્દ્ર મોદી આજે બપોરથી ત્રણ દિવસ માટે ગુજરાતની મુલાકાતે છે વાઈબ્રન્ટ સમિટ ૨૦૧૯ અંતર્ગત ગાંધીનગર ટાઉનહોલ ખાતે…

3 hours ago

ગેમ્સમાં ભાગ લેનાર વિદ્યાર્થીઓ માટે CBSE બોર્ડ અલગથી પરીક્ષા લેશે

અમદાવાદ: દેશભરના ઊભરતા ખેલાડીઓ માટે એક રાહતના સમાચાર આવ્યા છે, જે વિદ્યાર્થીઓને ઇન્ટરનેશનલ અને નેશનલ ગેમ્સમાં ભાગ લેવા માટે બોર્ડની…

3 hours ago

કર્ણાટકમાં ભાજપનું ‘ઓપરેશન લોટસ’ નિષ્ફળ: JDSના ધારાસભ્યને ૬૦ કરોડની ઓફરનો આરોપ

બેંગલુરુ: કર્ણાટકમાં કોંગ્રેસ-જેડીએસ ગઠબંધન સરકારને પાડવાની ભાજપની કોશિશોને મોટો ઝાટકો વાગ્યો છે. અસંતુષ્ટ કોંગ્રેસ ધારાસભ્યોએ છેક છેલ્લી ઘડીએ વફાદારી બતાવીને…

3 hours ago

અમદાવાદીઓ માટે આજે સાંજથી શોપિંગની મજા

અમદાવાદ: આજથી તા. ૨૮ જાન્યુઆરી સુધી ચાલનારા અમદાવાદ શોપિંગ ફેસ્ટિવલમાં રૂ.બે હજારની રજિસ્ટ્રેશન ફી ભરીને શહેરના ૧૫,૪૦૦ વેપારીઓએ રજિસ્ટ્રેશન કરાવ્યું…

3 hours ago

આમંત્રણ પત્રિકામાંથી નાયબ મુખ્યપ્રધાનનું નામ જ ગાયબ

અમદાવાદ: અમદાવાદીઓ માટે રૂ.૭પ૦ કરોડના ખર્ચે બનાવાયેલી અતિ આધુનિક સરદાર વલ્લભભાઇ પટેલ હોસ્પિટલ આજે સાંજે વડા પ્રધાન નરેન્દ્ર મોદીના હસ્તે…

3 hours ago