Categories: India

જુઠ્ઠાણાં મોદી સરકારની ઓળખ બની ગઈ છેઃ અરુણ શૌરી

નવી દિલ્હી: જાણીતા પત્રકાર અને પૂર્વ કેન્દ્રીય પ્રધાન અરુણ શૌરીએ એવો આક્ષેપ કર્યો છે કે જુઠ્ઠાણાં એ નરેન્દ્ર મોદી સરકારની ઓળખ છે અને મોદી સરકાર રોજગાર ઊભા કરવાનાં વચનોનો અમલ કરવામાં સંપૂર્ણપણે નિષ્ફળ ગઈ છે. અટલબિહારી વાજપેયી સરકારમાં પ્રધાન રહી ચૂકેલા અરુણ શૌરીએ દેશના લોકોને સરકારનાં કાર્યોનું સૂક્ષ્મ રીતે મૂલ્યાંકન કરવા જણાવ્યું હતું.

‘ટાઈમ્સ લીટ ફેસ્ટ’માં ભાગ લેતાં અરુણ શૌરીએ જણાવ્યું હતું કે તેઓ કેટલાય દાખલા આપી શકે છે, જેમાં અખબારોમાં આખા પાનાની જાહેરખબર આપીને સરકારે માત્ર મુદ્રા યોજના દ્વારા સાડા પાંચ કરોડથી વધુ નોકરીઓ ઊભા કરવાનો આંકડો આપ્યો હતો. તેમણે જણાવ્યું હતું કે પરંતુ આપણે તેના પર આશ્ચર્ય ચકિત થવું દોઈએ નહીં, કારણ કે જુઠ્ઠાણાં એ મોદી સરકારની ઓળખ બની ચૂકી છે.

અરુણ શૌરીએ જણાવ્યું હતું કે આપણે એક વ્યક્તિ કે નેતા લાંબા સમયથી શું કરી રહ્યા છે તેની તપાસ કરવી જોઈએ નહીં, પરંતુ તેમના કાર્યો પર સૂક્ષ્મ નજર રાખવી જોઈએ. મહાત્મા ગાંધીનો દાખલો આપતા તેમણે જણાવ્યું હતું કે ગાંધીજી એવું કહેતા હતા કે તે વ્યક્તિ શું કરે છે તે દુઓ નહીં, પરંતુ તેના ચારિત્ર્યને જુઓ અને તમે તેના ચારિત્ર પરથી શું શીખી શકો છો તે ખાસ જુઓ.

તેમણે જણાવ્યું હતું કે આપણે બે વખત (પૂર્વ વડા પ્રધાન) વી.પી. સિંહ અને નરેન્દ્ર મોદીની બાબતમાં થાપ ખાઈ ચૂક્યા છે. અરુણ શૌરીએ સરકાર દ્વારા શિયાળુ સત્ર ટૂંકાવવાની પણ કડક ટીકા કરી હતી.

divyesh

Recent Posts

પોલીસનો તો જાણે ડર જ નથીઃ અનેક વિસ્તારોમાં માથાભારે તત્ત્વોની ગુંડાગીરી

અમદાવાદ: ઉત્તરાયણના પર્વ દરમિયાન અસામા‌જિક તત્ત્વો બેફામ બનતાં શહેરમાં મારામારીના નાના-મોટા અનેક બનાવ બન્યા છે, જેમાં પોલીસે ક્યાંક રાયો‌િટંગનો તો…

4 hours ago

વાઈબ્રન્ટ સમિટના આમંત્રિતોની યાદીમાંથી અનિલ અંબાણીની બાદબાકી

અમદાવાદ: ૧૮મી જાન્યુઆરીથી શરૂ થનારા વાઈબ્રન્ટ ગુજરાત ગ્લોબલ સમિટ ર૦૧૯માં દેશના ૧૯ અગ્રણી ઉદ્યોગ સંચાલકો અને સીઇઓ ઉપસ્થિત રહેનાર છે.…

4 hours ago

યુવકે ઝેર પીધુંઃ જેલ સહાયક પત્ની, પીએસઆઈ સહિત પાંચ સામે ફરિયાદ

અમદાવાદ: શહેરના સેન્ટ્રલ જેલના સ્ટાફ ક્વાર્ટર્સની બહાર એક યુવકે તેની પત્નીના ત્રાસથી ઝેરી દવા પીને આપધાત કરી લેતાં ભરૂચના પીએસઆઇ…

4 hours ago

કર્ણાટક સરકાર બે દિવસમાં ઊથલી જશેઃ ભાજપના એક પ્રધાનનો દાવો

બેંગલુરુ, બુધવાર કર્ણાટકની કોંગ્રેસ-જદ (એસ) ગઠબંધન સરકારથી બે અપક્ષ ધારાસભ્યએ ટેકો પાછો ખેંચી લીધા બાદ મહારાષ્ટ્રમાંથી ભાજપના એક પ્રધાને એવો…

4 hours ago

ખાનગી શૈક્ષણિક સંસ્થાઓમાં ૧૦ ટકા અનામતનો અમલ કરાશેઃ જાવડેકર

નવી દિલ્હી: આર્થિક આધારે અનામત બાદ મોદી સરકારે એક નવો માસ્ટર સ્ટ્રોક માર્યો છે. હવે ખાનગી ક્ષેત્રની શૈક્ષણિક સંસ્થાઓમાં પણ…

4 hours ago

દિલ્હીમાં કોલ્ડવેવનો એટેકઃ ૧૪ દિવસમાં ૯૬ લોકોએ જીવ ગુમાવ્યો

નવી દિલ્હી: પહાડી વિસ્તારોમાં ભારે બરફ વર્ષાએ રાજધાની દિલ્હી સહિત મેદાની વિસ્તારોમાં પારો નીચો લાવી દીધો છે. ઠંડી હવાઓને લીધે…

4 hours ago