Categories: Gujarat

મેટ્રો ડાયરી: સ્વાઈન ફ્લૂના વોર્ડમાં અાવી બેદરકારી?

તાજેતરના સમયમાં સ્વાઈન ફ્લૂના દર્દીઓની સંખ્યા વધી રહી છે. દર્દીઓની વધતી સંખ્યાના પગલે સરકારી હોસ્પિટલમાં આઈસોલેશન વોર્ડ શરૂ કરાયો છે. આ વોર્ડમાં દર્દીઓની સંખ્યા રો‌િજંદી વધી રહી ત્યારે સોલા હો‌િસ્પટલના બે વોર્ડને સ્વાઈન ફ્લૂના દર્દીઓને ઉપયોગી બને તે માટે આઈસોલેશન વોર્ડની સુવિધાઓથી સજ્જ કરાયા છે. વોર્ડમાં વેન્ટિલેટર, ઓ‌િક્સજન, દર્દી માટે અલગ બેડ સ‌િહતની સુવિધાઓ ઉપલબ્ધ કરાવાઈ છે. તકેદારીના ભાગરૂપે હોસ્પિટલના સ્ટાફને પણ માસ્ક સાથે કામગીરી કરવાની કડક સૂચનાઓ આપી છે. દર્દીઓનો ચેપ અન્યને ન લાગે તેમજ તેમની સારવાર કરતા સ્ટાફમાં પણ ફેલાય તેની તકેદારીના ભાગરૂપે દર્દીઓને સારવાર આપતા હોસ્પિટલના સ્ટાફને નિયત હેન્ડ વોશ, મોઢા પર માસ્ક પહેરી રાખવા સ‌િહતનાં પગલાં ભરવા હોસ્પિટલના સત્તાધીશોએ સૂચનાઓ આપી છે, પરંતુ અહીં આવતા દર્દીઓનાં સગાંઓ તેમજ હોસ્પિટલના સ્ટાફના લોકો માસ્ક પહેરતા નથી અને આ વોર્ડની બહાર જ નાનાં બાળકોને પ્રવેશ નથી તેમજ છતાં વોર્ડની બહાર સગાંસબંધીઓ બેઠાં હોય છે તેની તંત્રને જાણ હોવા છતાં કોઈને પણ માસ્ક પહેરવાની સૂચના તેના દ્વારા આપતી નથી.

નોટરીના ટેબલ પર લુંગીનું વેચાણ
અમદાવાદની મેટ્રોપોલિટન કોર્ટમાં દિવસભર હજારો કેસ ચાલતા હોય છે. સંખ્યાબંધ લોકોની અવરજવર હોય છે ત્યારે સાંજે ૬-૦૦ વાગ્યા પછી આ જ કોર્ટમાં લુંગી, મોજાં તેમજ હાથરૂમાલનું વેચાણ થાય છે. વકીલો માટે એક ફેરિયો સાંજે લુંગી તેમજ અન્ય ચીજવસ્તુઓ વેચવા માટે લાવે છે. કોર્ટના ગ્રાઉન્ડ ફ્લોર પર આવેલી લિફ્ટની બાજુમાં એક નોટરીના ટેબલ પર રીતસર લુંગી, રૂમાલ-મોજાંનું વેચાણ થાય છે. વકીલો અને કોર્ટની મુલાકાતે આવતા લોકો વાજબી ભાવે આ ચીજવસ્તુઓ ખરીદે છે. ઉલ્લેખનીય છે કે દિવસે પણ આ કોર્ટમાં વિવિધ ચીજવસ્તુઓ વેચાવા આવે છે.

સિવિલ હોસ્પિટલના વોટર કૂલર સુકાઈ ગયા
શહેરની સિવિલ હોસ્પિટલના બીજા માળે ઓર્થો., જનરલ, ગાયનેકથી લઇને અનેક વોર્ડ દર્દીઓથી ઊભરાઇ રહ્યા છે ત્યારે બરાબર મધ્યમાં મૂકેલાં બે પીવાના પાણીનાં કૂલર બંધ રહેતાં દર્દીઓનાં સગાંવહાલાંને પીવાનું પાણી લેવા બીજા માળે અથવા દૂર સુધી જવું પડે છે. પીવાના પાણીની સમસ્યાને લઇ દર્દીઓ જ નહીં તેમનાં સગાંવહાલાં પણ પરેશાન થઇ રહ્યાં છે. અેન્ટ્રન્સ ફોયરમાં જ આવેલાં બંને કૂલરને શોભાના ગાંઠિયાની જેમ દોરીથી બાંધીને મૂકી દેવાયાં છે. હવે નવાં કૂલર આવે કે હાલનાં કૂલર ‌િરપેર થાય તેની દર્દીઓ રાહ જુએ છે.

જીએસટીના ધાંધિયાંઃ ફાઈલ ડાઉનલોડ થતાં ૩-૩ કલાક લાગે છે
વેપારીઓએ કરેલાં વેચાણની વિગતો આવતી કાલે પાંચ સપ્ટેમ્બર સુધીમાં જીએસટીઆર-૧ના ફોર્મમાં ડાઉનલોડ કરવાની છે. સરકાર ગુડસ એન્ડ સર્વિસ ટેક્સ માટે તૈયાર છે. આઈટી ઈન્ફ્રાસ્ટ્રકચર તૈયાર છે. તેવો દાવો કરે છે. વેચાણની આ વિગતો સામાન્ય રીતે રૂટિનના ૧૦થી ૧૫ મિનિટમાં ડાઉનલોડ થઈ જવી જોઈએ તેવું ટેક્સ નિષ્ણાતોનું કહેવું છે પરંતુ સાઈટની સમસ્યાના કારણે એક વેપારીનાં ફોર્મ ભરાતાં બેથી ત્રણ કલાક જેટલો સમય લાગી જાય છે. એટલું જ નહીં આ તમામ પ્રક્રિયા વચ્ચે સાઈટ ગમે ત્યારે હેન્ગ થઈ જાય તો વધુ મુશ્કેલીમાં મુકાઈ જવું પડે છે. આમ રિટર્ન ભરવું છે છતાં સરકારની ટેક્નિકલ ખામીઓના કારણે સમયની બરબાદી થાય છે. જેની સામે ટેક્સ નિષ્ણાતોએ પણ હવે બાંય ચઢાવી છે.

divyesh

Recent Posts

વ્યાજની વસૂલાત માટે યુવકને 31 કલાક ગોંધી રાખી ઢોર માર માર્યો

(પ્રતિનિધિ દ્વારા અમદાવાદ: શહેરના માધુપુરા વિસ્તારમાં રૂપિયાની લેતી દેતી મામલે વાહનોની લે વેચ કરતા યુવકનું અપહરણ કર્યા બાદ ૩૧ કલાક…

20 hours ago

1960 પછી ગુજરાતમાં પ્રથમ વાર કોંગ્રેસ વર્કિંગ કમિટીની બેઠક યોજાશે

(અમદાવાદ બ્યૂરો) અમદાવાદ: છેક વર્ષ ૧૯૬૦માં કોંગ્રેસની વર્કિંગ કમિટીનું આયોજન ગુજરાતમાં કરાયું હતું ત્યાર બાદ હવે ઓલ ઈન્ડિયા કોંગ્રેસની વર્કિંગ…

21 hours ago

અમદાવાદમાં AMTS બસથી રોજ એક અકસ્માત

(અમદાવાદ બ્યૂરો) અમદાવાદ: તાજેતરમાં અમદાવાદ મ્યુનિસિપલ ટ્રાન્સપોર્ટ સર્વિસના સત્તાવાળાઓ દ્વારા એએમટીએસ બસમાં પેસેન્જર્સનો વિશ્વાસ વધે અને ખાસ કરીને અકસ્માતની ઘટનાઓનું…

21 hours ago

એસટીના કર્મચારીઓ આજ મધરાતથી હડતાળ પર જશે

(અમદાવાદ બ્યૂરો) અમદાવાદ: એસટી નિગમના રાજ્યભરના કર્મચારીઓ આજે મધરાતથી હડતાળ પર ઉતરી જશે. જેના કારણે આજે મધરાતથી રાજ્યભરની સાત હજારથી…

21 hours ago

ધો.11ની વિદ્યાર્થિનીને કારમાં આવેલા બુકાનીધારી શખસો ઉઠાવી ગયા

(પ્રતિનિધિ દ્વારા) અમદાવાદ: જુહાપુરામાં રોયલ અકબર ટાવર નજીક ધોરણ ૧૧મા ભણતી વિદ્યાર્થીનીને ગત મોડી રાત્રે ઇકો કારમાં આવેલા ત્રણ અજાણ્યા…

21 hours ago

દિલ્હી-NCRમાં ભૂકંપના ઝટકાઃ 3.9ની તીવ્રતા, UPનું બાગપત હતું કેન્દ્ર

(એજન્સી) નવી દિલ્હી: રાજધાની દિલ્હી સહિત એનસીઆરના ક્ષેત્રમાં બુધવારે સવારે ભૂકંપના ઝટકા અનુભવાયા. રિક્ટર સ્કેલ પર ભૂકંપની તીવ્રતા ૩.૯ હતી.…

21 hours ago