Categories: Gujarat

ધો. ૧૧ સાયન્સની પ્રથમ-બીજી ટેસ્ટમાં ૨૫ માર્ક્સના પ્રશ્ન MCQ

અમદાવાદ: ઉચ્ચતર માધ્યમિક શિક્ષણ બોર્ડમાં છેલ્લા કેટલાક સમયથી ચાલી રહેલી મથામણ બાદ ધોરણ ૧૧ અને ૧૨ સાયન્સની પેપર સ્ટાઈલ જાહેર થતાં વિદ્યાર્થીઓ અને શિક્ષકોને હાશકારો થયો છે. સેમેસ્ટર પદ્ધતિ રદ થયા બાદ જાહેર કરાયેલી પેપર સ્ટાઈલના માર્કની પદ્ધતિમાં ઘણો ફેરફાર કરાયો છે. ધોરણ ૧૧ની પરીક્ષા વર્ષમાં બે ભાગમાં વહેંચાયેલી રહેશે. જેના આધારે ફાઈનલનું ધોરણ ૧૧નું પરિણામ જાહેર થશે.

નવું શૈક્ષણિક વર્ષ શરૂ થયા બાદ વિદ્યાર્થીઓ અને શિક્ષકોમાં પેપર સ્ટાઈલના મુદ્દે અનેક મૂંઝવણો હતી. છેલ્લા બે વર્ષ દરમિયાન ધોરણ ૧૧ અને ૧૨ સાયન્સ પ્રવાહની પરીક્ષા પદ્ધતિમાં જડમૂળથી ફેરફારો થયા છે. નવું જાહેર થયેલું માળખું આગામી સપ્ટેમ્બર માસથી લેવાનારી પરીક્ષામાં જ અમલી થશે. હવે સપ્ટેમ્બરમાં લેવાનારા પહેલી કસોટીના ગણતરીના દિવસો પહેલા જ પેપર સ્ટાઈલ જાહેર કરાતાં પરીક્ષાની તૈયારી કરી રહેલા વિદ્યાર્થીઓમાં નિરાશા વ્યાપી છે.

આગામી માસે લેવાનારી પરીક્ષામાં ૫૦ ટકા એમસીક્યુ પૂછાશે. ધોરણ ૧૧માં પહેલી અને બીજી પરીક્ષામાં ૨૫ માર્કના એમસીક્યુ (મલ્ટિપલ ચોઈસ કવેશ્ચિયન) પૂછાશે. ધોરણ ૧૧માં ૫૦ માર્કની પરીક્ષા માટે ૨ કલાકનો સમય ફાળવવામાં આવશે. ધોરણ ૧૧ની પહેલી અને બીજી કસોટી તેમજ ધોરણ ૧૨ની પ્રથમ પરીક્ષા માટે બોર્ડની વેબસાઈટ www.gseb.org પર પ્રશ્નપત્રનું માળખું જાહેર કરવામાં આવ્યું છે.

ધોરણ ૧૧માં પ્રથમ અને બીજી કસોટીનું ફિઝિક્સ કેમિસ્ટ્રી, બાયોલોજી અને મેથ્સનું પેપર બે ભાગમાં વહેંચાયેલું રહેશે. ૫૦ માર્કના પાર્ટ એ એમસીક્યુનો હશે. જેના જવાબો વિદ્યાર્થીઓ ઓએનઆર શીટમાં આપવાના રહેશે. પાર્ટ બી વિષયલક્ષી હશે. જેના જવાબ વિદ્યાર્થીએ ઉત્તરવહીમાં લખવાના રહેશે. પાર્ટ બીમાં સેકસન એમાં બે ગુણના ૬ પ્રશ્ન સેકશન બીમાં ૩ ગુણના ૩નો અને સેકસન સીમાં ચાર ગુણનો એક પ્રશ્ન પૂછાશે.

આ સિવાય ધોરણ ૧૨ની પ્રથમ પરીક્ષાનું પેપર ૧૦૦ માર્કનું રહેશે. તે માટે વિદ્યાર્થીને ૩ કલાકનો સમય અપાશે. જેમાં ૫૦ ટકા એમસીક્યુ અને ૫૦ ટકા વિષયવાર પ્રશ્ન પૂછાશે.

divyesh

Recent Posts

જિઓ બની દેશની બીજા નંબરની સૌથી મોટી ટેલિકોમ કંપની

મૂકેશ અંબાણીની ટેલિકોમ કંપની રિલાયન્સ જિઓએ તેના લોન્ચિંગના અઢી વર્ષમાં જ એક મોટી સિદ્ધિ હાંસલ કરી છે. યુઝર્સ બેઝના આધારે…

1 hour ago

વાસ્તુશાસ્ત્રની દૃષ્ટિએ દેવતાઓની મૂર્તિ ક્યાં રાખવી?

ઘરમાં અને મંદિરમાં દેવી દેવતાઓની મૂર્તિઓ રાખવાની પરંપરા જૂના સમયથી ચાલતી આવી છે. મોટાભાગના લોકો ગણેશજી, લક્ષ્મીજી, બાળ ગોપાલની મૂર્તિઓ…

2 hours ago

દિવસે ભઠ્ઠીમાં ફેરવાતી બીટ ચોકીમાં પોલીસ કર્મચારી પગ મૂકતાંય ડરે છે

શહેરમાં ટ્રાફિકની સમસ્યા દિવસે દિવસે વધતી જાય છે. ત્યારે આવા માથાના દુઃખાવા સમાન ટ્રાફિકની સમસ્યા હલ કરવા માટે ટ્રાફિક પોલીસ…

3 hours ago

મ્યુનિ. કોર્પોરેશનના નાઇટ શેલ્ટરમાં કોઈ ફરકતું જ નથી

મ્યુનિસિપલ કોર્પોરેશન દ્વારા શહેરમાં ઘરવિહોણા લોકોને ધોમધખતા તાપ કે કડકડતી ઠંડી કે ભારે વરસાદ જેવા કુદરતી વિષમ સંજોગોમાં આશરો આપવા…

3 hours ago

ગુજકેટઃ વિદ્યાર્થીઓની બેઠક વ્યવસ્થાને લઇને ચકાસણી

લોકસભા ચૂંટણીનો કાર્યક્રમ જાહેર થતાંની સાથે જ રાજ્ય શિક્ષણ બોર્ડ દ્વારા ગુજકેટ પરીક્ષાની તારીખમાં વધુ એક વખત ફેરફાર કરવાની ફરજ…

3 hours ago

શહેરના હેરિટેજ સમાન ટાઉનહોલને નવ કરોડના ખર્ચે રિનોવેટ કરાશે

અમદાવાદ મ્યુનિસિપલ કોર્પોરેશન હસ્તકના ટાઉનહોલને હવે વધુ સુવિધાસજ્જ અને અદ્યતન બનાવવાની તજવીજ હાથ ધરાઇ છે. બહુ ટૂંકા સમયમાં શહેરની મધ્યમાં…

3 hours ago