Categories: Business Trending

નાણાકીય વર્ષ 2018-19માં બદલાયા આ 10 નિયમો, જાણો વિગતવાર

નાણાકીય વર્ષ 2018-19નો પ્રારંભ થઇ ગયો છે. તે સાથે જ સરકારના કાયદા અને નિયમોમાં પણ ફેરફાર થયો છે.  એવામાં ટેક્સ સંબંધી અનેક ફેરફારો લાગૂ થઇ ગયા છે. 1 એપ્રિલ 2018થી ટેક્સ સંબંધી વિવિધ નિયમોમાં બદલાઇ ગયા છે.

એક કરદાતા કે રોકાણકાર તરીકે તમારે બદલાયેલા આ નિયમો તથા તેનાથી આપણી આવક, બચત અને રોકાણ પર થનારી અસરો વિશે સમજવું જરૂરી છે. આ હેતુ સાથે જ અમે અહીં ટેક્સ નિયમોમાં 10 મહત્વપૂર્ણ બદલાવ અને તેનાથી થનાર અસરનું વર્ણન કર્યું છે.

ઇક્વિટી મ્યૂચ્યુઅલ ફંડ્સ પર ડીડીટી લાગૂ

ગત નાણાકીય વર્ષમાં માત્ર ડેટ ફંડ્સ પર લાગૂ ડિવિડંડ ડિસ્ટ્રીબ્યૂશન ટેક્સ(DDT) હવે ઇક્વિટી મ્યૂચ્યુઅલ ફંડ્સ પર પણ લાગૂ થઇ ગયો છે. જો કે, ઇક્વિટી મ્યૂચ્યુઅલ ફંડથી મળતા લાભ પર રોકાણકારને કોઇ ટેક્સ નહીં લાગે, પણ આના પર ફંડ હાઉસોએ 10 ટકા ટેક્સ આપવો પડશે. આ સ્થિતિ એવા લોકોને રોકાણ કરવાની પોતાની રણનીતિને બદલવા માટે વિચાર કરવા પ્રેરિત કરશે જે લોકો ઇક્વિટી ફંડ્સને પોતાની આવકનો સ્રોત માને છે.

બૉન્ડ્સ

બે વર્ષના માલિકીના હક બાદ રિયલ એસ્ટેટ પ્રોપર્ટીના વેચાણથી મળેલી રકમ ટેક્સ ફ્રી હશે, પણ આવા મામલામાં ટેક્સમાંથી બચવા માટે તેમણે 54ECમાં જણાવેલ બૉન્ડ્સમાં રોકાણ કરવું પડશે. આ વખતેના બજેટમાં કેપિટન ગેઇન ટેક્સ ટેક્સ ફ્રી બૉન્ડ્સનો લૉક-ઇન પીરિયડ 3 વર્ષથી વધારીને 5 વર્ષ કરી દીધો છે. આનો મતલબ એ કે તમારે ટેક્સ છૂટ લેવા માટે સેક્શન 54ECમાં લિસ્ટેડ બૉન્ડ્સમાં પહેલા 3 વર્ષ માટે પૈસા છોડવા પડતા હતા, પણ હવે 5 વર્ષ સુધીની તક છોડવી પડશે.

LTCG ટેક્સ

1 એપ્રિલ 2018થી ઓછામાં ઓછી 1 વર્ષની હોલ્ડિંગ વાળા શે્સ કે ઇક્વિટી મ્યૂચ્યુઅલ ફંડ્સથી થયેલ 1 લાખ રૂપિયાથી વધુની કમાણી પર 10 ટકાનો લૉન્ગ ટર્મ કેપિટલ ગેઇન ટેક્સ લાગૂ થઇ ગયો છે. જો કે રોકાણકારોએ 31 જાન્યુઆરી 2018 સુધીના પ્રોફિટ પર ટેક્સ નહીં ચૂકવવો પડે. એટલે કે 1 ફેબ્રુઆરી પછીના શેર કે ઇક્વિટી મ્યૂચ્યુઅલ ફંડમાં થયેલા વધારામાંથી 1 લાખ રૂપિયા ઘટાડીને જ ટેક્સ ચૂકવવો પડશે.

સ્ટાન્ડર્ડ ડિડક્શનની વાપસી

બજેટ 2018માં નાણામંત્રી અરુણ જેટલીએ પગારદારો અને પેન્શન મેળવતા લોકોને 40 હજાર રૂપિયા સુધીનો સ્ટાન્ડર્ડ ડિડક્શનનો લાભ આપ્યો છે. જો કે 19,200 રૂપિયાના ટ્રાન્સપોર્ટ અલાઉન્સ અને 15000 રૂપિયાના મેડિકલ રીઇમ્બર્સમેન્ટની સુવિધા પરત લઇ લીધી છે.

વ્યાજ પર ટેક્સ

સીનિયર સિટિજન્સને બેંક કે પોસ્ટ ઑફિસમાં જમા રકમથી મળતા 50 હજાર રૂપિયા સુધીના વ્યાજને ટેક્સ ફ્રી કરી દીધું છે. અત્યાર સુધી ઇન્કમટેક્સ એક્ટના સેક્શન 80TTA અંતર્ગત કોઇ વ્યક્તિને 10,000 રૂપિયા સુધીના લાભ પર ટેક્સમાંથી છૂટ મળતી હતી. પણ હવે નવા સેક્શન 80TTBને જોડવામાં આવ્યું છે. જે અંતર્ગત સીનિયર સિટિજન્સના ફિક્સ્ડ ડિપોઝિટ અને રિકરિંગ ડિપોઝિટ્સથી 50,000 રૂપિયા સુધી મળતા વ્યાજ પર ટેક્સની છૂટ આપવામાં આવ છે. સેક્શન 194A અંતર્ગત ટીડીએસ કાપવાની આવશ્યકતા નથી રહી.

NPS

સરકારના નેશનલ પેન્શન સિસ્ટમ (NPS)માં જમા રકમ ઉપાડવા પર અત્યાર સુધી એવા લોકોને જ ટેક્સ માફીનો લભ મળતો હતો જે લોકો એમ્પ્યોયી ન હોય. હવે એનપીએસમાં યોગદનાર કરનાર એમ્પલૉયીઝને અકાઉન્ટ બંધ થવા પર કે એનપીએસમાંથી ઉપાડ સમયે મળનારી કુલ રકમના 40 ટકા રકમ પર ટેક્સની છૂટ આપવામાં આવી રહી છે.

સેસમાં વધારો

નાણા મંત્રીએ ઇન્ડિવિજ્યુઅલ ટેક્સપેયર્સને ઇનકમ ટેક્સ પર સેસ વધારીને 4 ટકા કરી દીધો. એટલે કે, હવે કોઇ વ્યક્તિ પર જેટલો ટેક્સ બનશે, એના 4 ટકા તેણે હેલ્થ એન્ડ એજ્યુકેશન સેસના રૂપમાં આપવો પડશે, જે પહેલાં 3 ટકા હતો. ઉલ્લેખનીય છે કે સેસની કુલ રકમ કેન્દ્ર સરકાર પાસે જ રહેતી હોય છે જ્યારે ટેક્સ સાથે જોડાયેલી રકમમાં રાજ્યોની પણ ભાગીદારી હોય છે.

વીમા યોજના પર ટેક્સની છૂટ

કેટલાક વર્ષો સુધી ઇન્સ્યોરન્સની રકમ આપવા પર હેલ્થ ઇન્સ્યોરન્સ કંપનીઓ કેટલુંક ડિસ્કાઉન્ટ આપતી હોય છે. પહેલાં વીમા લેનાર 25000 રૂપિયા સુધીની રકમ પર જ ટેક્સ ડિડક્શન ક્લેઇમ કરી શકતા હતા, પરંતુ આ બજેટમાં એક વર્ષથી વધુ સિંગલ પ્રીમિયમ હેલ્થ ઇન્સ્યોરન્સ પોલિસીજ પર વીમા પીરિયડના આધાર પર છૂટ આપવાનો પ્રસ્તાવ મૂકવામાં આવ્યો હતો. એટલે કે જો બે વર્ષના ઇન્સ્યોરન્સ કવર માટે 40,000 રૂપિયા દેવા પર ઇન્સ્યોરન્સ કંપની જો 10 ટકા ડિસ્કાઉન્ટ આપી રહીહોય તો તમે બંને વર્ષ માટે 20-20 હજાર રૂપિયાનું ટેક્સ ડિડક્શન ક્લેઇમ કરી શકો છો.

PMVVY યોજના

પ્રધાનમંત્રી વય વંદના યોજના (PMVVY) અંતર્ગત રોકાણની મર્યાદા 7.5 લાખથી વધારીને 15 લાખ રૂપિયા કરી દેવામાં આવી છે. સાથે જ 2020 સુધી આ યોજનાનું વિસ્તરણ કરી દેવામા આવ્યું છે. આ યોજના અંતર્ગત જમા રકમ પર નિશ્ચિત પણે 8 ટકા વ્યાજ મળશે.

સારવાર ખર્ચ

ખાસ પ્રકારની બીમારીઓમાં ઇલાજના ખર્ચ ર ટેક્સની મર્યાદા વધારીને 1 લાખ રૂપિયા કરી દેવામાં આવી છે. અગાઉ 80 વર્ષથી વધુ ઉંમરના લોકો માટે આ મર્યાદા 80,000 અને 60-80 વર્ષના લોકો માટે 60,000 રૂપિયા હતી. સેક્શન 80D અંતર્ગત વરિષ્ઠ નાગરીકોને હેલ્થ ઇન્સ્યોરન્સ પ્રીમિયમ અને જનરલ મેડિકલ એક્સપેન્ડિચર પર ટેક્સ છૂટની મર્યાદા 30 હજાર રૂપિયાથી વધારીને 50 હજાર રૂપિયા કરી દીધી છે.

Varun Sharma

Recent Posts

મસ્તી મસ્તીમાં મિત્રો ઝઘડ્યા એકે બીજાને ચપ્પાના ઘા માર્યા

(અમદાવાદ બ્યૂરો) અમદાવાદ: શહેરમાં વટવા વિસ્તારમાં આવેલા પુનિતનગર બસ સ્ટેન્ડ પાસે ગઇ કાલે રાતે એક યુવક ઉપર સામાન્ય બાબતે તેના…

26 mins ago

આતંક સામે આક્રોશ, શહીદ જવાનોને શ્રદ્ધાંજલિઃ બજારો સ્વયંભૂ બંધ રહ્યાં

(પ્રતિનિધિ દ્વારા) અમદાવાદ: જમ્મુ-કાશ્મીરના પુલવામામાં CRPFના જવાનો ઉપર થયેલા આતંકી હુમલાના ઘેરા પ્રત્યાધાત અમદાવાદ સહિત સમગ્ર દેશમાં પડ્યા છે. આંતકી…

27 mins ago

પગાર વધારાની માગણી સાથે શિક્ષણ સહાયકો કાલે સામૂહિક મૂંડન કરાવશે

(અમદાવાદ બ્યૂરો) અમદાવાદ: પગારના મુદ્દે છેલ્લા ઘણા સમયથી લડત ચલાવી રહેલા ગ્રાન્ટેડ શાળાઓમાં ફરજ બજાવી રહેલા શિક્ષણ સહાયકોએ રાજ્ય સરકારને…

38 mins ago

750 કરોડની SVP હોસ્પિટલમાં આઈસોલેશન વોર્ડ છે પણ શોભાનો

(પ્રતિનિધિ દ્વારા) અમદાવાદ: વી.એસ. હોસ્પિટલ પરિસરમાં રૂ.૭પ૦ કરોડના ખર્ચે નવનિર્મિત ૧૮ માળની સરદાર વલ્લભભાઇ પટેલ હોસ્પિટલના બારમા માળે સ્વાઇન ફ્લૂનો…

43 mins ago

મ્યુનિ. બજેટ બેઠકમાં બબાલઃ માત્ર એક કલાકમાં ચાર બજેટ મંજૂર કરી દેવાયાં

(અમદાવાદ બ્યૂરો) અમદાવાદ: આજે મ્યુનિસિપલ મુખ્યાલયમાં આવેલા ગાંધી હોલમાં મળેલી બજેટ બેઠકમાં સવારે ૧૦ વાગ્યે મ્યુનિ. કોર્પોરેશન સલગ્ન ચારેય સંસ્થાનાં…

46 mins ago

પુલવામા હુમલો: ૪૦ શહીદને આજે અંતિમ વિદાય અપાશે

(એજન્સી) નવી દિલ્હી: જમ્મુ-કાશ્મીરના પુલવામામાં થયેલા આતંકી હુમલામાં શહીદ ૪૦ જવાનના પાર્થિવ દેહ આજે તેમના ઘરે પહોંચી જશે અને તેમને…

53 mins ago