Categories: News

હાર્દિકનો અલગ જ તોર પત્રકારો સાથે તોછડુ વર્તન : સરકારને પણ આપી ધમકી

અમદાવાદ : પાટીદાર અનામત આંદોલન મુદ્દે હાર્દિક પટેલ દ્વારા અમદાવાદ ખાતે પત્રકાર પરિષદનું આયોજન કરવામાં આવ્યું હતું. જો કે તેનાં તોછડા વર્તનનાં કારણે પત્રકારો દ્વારા તેની પ્રેસનો બહિષ્કાર કરવામાં આવ્યો હતો. ત્યાર બાદ હાર્દિક પટેલે આનંદીબહેન પટેલને પાટીદાર અનામત આંદોલન સમિતીનાં નામે એક ખુલ્લો પત્ર લખ્યો હતો. જેમાં આનંદીબહેનને ધમકીનાં સુરમાં લખાયું છે કે બેન આપને વિનંતી છે કે પાટીદારનાં દિકરાઓને એટલા નબળા ન સમજશો. પાટીદારનાં દિકરાઓ શહિદ થતા પણ અચકાશે નહી.એક દિનેશ, એક હાર્દિક કે એક ચિરાગ કે એક ચેતન કે ચારેય શહિદ થઇ જશે તો પણ પાટીદાર સમાજ વાંઝીયો નહી રહે. એક હાર્દિકની પાછળ હજારો હાર્દિક પેદા થશે. બધા જ કિસ્સામાં સંજય જોશી કે હરેન પંડ્યા જેવું ધાર્યુ પરિણામ આવી શકતું નથી. 

હાર્દિક પટેલનાં પત્રમાં અને પત્રકાર પરિષદમાં કોઇ ક અલગ જ તોરમાં જોવા મળ્યો હતો. તેણે મુખ્યમંત્રીને લખ્યું કે જો તમારા કહેવાથી જ પાટીદારો પર દમન થવાનું હોય તો અમને મંજુર છે પરંતુ અમે આશા કરીએ કે તમે આમાં ક્યાંય નહી સંડોવાયેલા હો. તમે અમને આપેલી ચીમકી તમે વ્યવહારમાં પણ ન મુકો તે માટે આપને જાણ કરીએ છીએ. બાકી અમારૂ જીવન તો પાટીદારોને અર્પણ છે અને રામ ભરોસે જ છે. 

હાર્દિકે અલ્પેશ ઠાકોર પર પ્રથમવાર સીધો હૂમલો કરતા જણાવ્યું હતું કે અલ્પેશ વર્ગવિગ્રહ કરાવવા માંગે છે. અમે વર્ગવિગ્રહમાં નથી માનતા, અમારૂ આંદોલન અહિંસક છે. અલ્પેશ ઠાકોર ગુજરાતને ગેરમાર્ગે દોરવાના પ્રયાસો કરી રહ્યો છે. પાટીદાર અનામત આંદોલનમાં કોઇ જ ફાંટાનથી પરંતુ અમુક મલિન તત્વો આંદોલનને ગેરમાર્ગે લઇ જવા માટેઆવા પ્રયાસો કરી રહ્યા છે. પરંતુ અમારા આંદોલન યથાવત્ત ચાલુ રહેશે. 

પત્ર લખવા પાછળ કારણ જણાવતા તેણે કહ્યું કે અમારા પર થતા હૂમલાઓ અને અમારા અને અમારા સાથીઓ પર પોલીસ દ્વારા ખોટા કેસ કરવામાં આવી રહ્યા છે. આંદોલન સમિતી સાથે જોડાયેલા સક્રિય કાર્યકર્તાઓ અને કન્વીનરો ઉપર ખોટા આરોપો લગાવીને તેમને દબાણમાં લાવવા માટેના પ્રયત્નો કરવામાં આવી રહ્યા છે. 

admin

Recent Posts

1 ફેબ્રુઆરીથી કેન્દ્ર સરકારની નોકરીમાં 10 ટકા સવર્ણ અનામતનો લાભ મળશે

(એજન્સી) નવી દિલ્હી: સામાન્ય શ્રેણીના આર્થિક રીતેે નબળા વર્ગ (ઇડબ્લ્યુએસ)ના લોકોને ૧ ફેબ્રુઆરીથી કેન્દ્ર સરકારની નોકરીઓમાં ૧૦ ટકા અનામતનો લાભ…

4 mins ago

…તો ઇજાગ્રસ્ત પેસેન્જર મુંબઇના બદલે કોલકતા પહોંચી ગયો હોત

(અમદાવાદ બ્યૂશ્રરો) અમદાવાદ: વાઇબ્રન્ટ ગુજરાત ગ્લોબલ સમિટ-ર૦૧૯ની ઇવેન્ટમાં હાજરી આપવા આવેલા મુંબઇના પ્રવાસીને પાછા ફરતી વખતે અન્ય ફલાઇટમાં બેસાડી દેવાતાં…

10 mins ago

Ahmedabadમાં 800 કરોડના ખર્ચે નવાં આઠ મલ્ટિસ્ટોરિડ પાર્કિંગ બનાવાશે

(અમદાવાદ બ્યૂરો) અમદાવાદ: દેશના ગોવા જેવા રાજ્ય કરતાં પણ વધુ વાર્ષિક બજેટ ધરાવતા અમદાવાદ મ્યુનિસિપલ કોર્પોરેશનના વહીવટીતંત્ર દ્વારા આગામી નાણાકીય…

11 mins ago

પ્રોપર્ટીના વિવાદમાં એક જ પરિવારના સભ્યો આમને સામનેઃ ત્રણ ઘાયલ

(અમદાવાદ બ્યૂરો) અમદાવાદ: શહેરના રખિયાલમાં ગઇ કાલે સાંજે પ્રોપર્ટીના વિવાદમાં એક જ પરિવારના બે સભ્યો વચ્ચે લોહિયાળ જંગ ખેલાતાં સમગ્ર…

21 mins ago

નંબર પ્લેટ વિના ફરતા નવાં વાહનો પર RTOની તવાઈ

(અમદાવાદ બ્યૂરો) અમદાવાદ: શહેરમાં છેલ્લા કેટલાક સમયથી નંબર પ્લેટ વિના નવા ફરતા વાહનો પર રોક લગાવવા માટે આરટીઓએ ડીલરો સામે…

30 mins ago

PM મોદીએ વારાણસીમાં 15મા પ્રવાસી ભારતીય દિવસ સંમેલનને ખુલ્લું મૂક્યું

(એજન્સી): વડા પ્રધાન નરેન્દ્ર મોદીએ પોતાના સંસદીય ક્ષેત્ર વારાણસીમાં આજે ૧૫મા પ્રવાસી ભારતીય દિવસ સંમેલનનું ઉદ્ઘાટન કર્યું. તેઓ ઉદ્ઘાટન સત્ર…

41 mins ago