Categories: India

શિવ સૈનિકોએ સુધીન્દ્ર કુલકર્ણીના ચહેરા પર શાહી ચોપડીને મોં કાળું કર્યું

મુંબઈઃ પાકિસ્તાનના પૂર્વ વિદેશ પ્રધાન ખુરશીદ મહંમદ કસૂરીના પુસ્તકના વિવેચન સમારોહના આયોજક સુધીન્દ્ર કુલકર્ણીના ચહેરા પર આજે સવારે ૯-૩૦ વાગ્યાની આસપાસ શાહી ચોપડીને તેમનું મોં કાળું કરીને વિરોધ કરવામાં આવ્યો હતો. કુલકર્ણીએ આ ઘટના માટે શિવસેના પર આરોપ મૂક્યો છે. કસૂરીના પુસ્તક ‘નાઈધર અ હોક નોર અ ડવ’નું આજે સવારે મુંબઈમાં લોન્ચિંગ હતું. આ લોન્ચ ઈવેન્ટનું આયોજન સુધીન્દ્ર કુલકર્ણીએ કર્યું હતું. એવું કહેવાય છે કે શિવસેના મુંબઈમાં આ બુક લોન્ચિંગ ઈવેન્ટનો વિરોધ કરી રહી છે.

શિવસેનાએ કસૂરીના પુસ્તકનાે લોન્ચિંગ કાર્યક્રમ રદ કરવા માટે પણ ધમકી આપી હતી. જોકે સુધીન્દ્ર કુલકર્ણીએ જણાવ્યું હતું કે આ કાર્યક્રમ રદ થશે નહીં. રવિવારે શિવસેનાના વડા ઉદ્ધવ ઠાકરેએ પણ પક્ષના કાર્યકરોને કસૂરીના પુસ્તકના વિમોચન સમારોહને અટકાવવાની ધમકી આપી હતી. આ ઘટના બાદ કુલકર્ણીએ આ ઈવેન્ટ માટે મહારાષ્ટ્ર સરકાર પાસેથી સિક્યોરિટીની માગણી કરી હતી.

એક ટીવી ચેનલ સાથેની વાતચીતમાં સુધીન્દ્ર કુલકર્ણીએ જણાવ્યું હતું કે હું જ્યારે આજે સવારે મારી ગાડીમાં બેસવા જતો હતો ત્યારે શિવસેનાના ૧૦થી ૧૫ કાર્યકરોએ મને ઘેરી લીધો હતો. મને એ‍વી ગાળો આપી હતી, જે હિન્દુત્વ માટે શોભાસ્પદ નથી. ત્યાર બાદ તેમણે મારા ચહેરા પર શાહી ફેંકી હતી. આ ઘટનાની પ્રતિક્રિયા આપતાં કુલકર્ણીએ જણાવ્યું હતું કે હું માત્ર એટલું જ કહી શકું કે ‘સબ કો સન્મ‌િત‌ દે ભગવાન.’

સુધીન્દ્ર કુલકર્ણી ફોરેન પોલિસી ‌થિન્ક ટેન્ક ઓબ્ઝર્વર એન્ડ રિસર્ચ ફાઉન્ડેશનના ચેરમેન છે. તેમના આ ઓર્ગેનાઈઝેશન દ્વારા કસૂરીના પુસ્તકનું લોન્ચિંગ થનાર છે. સુધીન્દ્ર કુલકર્ણી પૂર્વ વડા પ્રધાન અટલબિહારી વાજપેયી અને ભાજપના વરિષ્ઠ નેતા લાલકૃષ્ણ અડવાણીના સ્પીચ રાઈટર તરીકે રહી ચૂક્યા છે.

આઈઆઈટી ગ્રેજ્યુએટ સુધીર કુલકર્ણી ૧૩ વર્ષ ભાજપમાં રહ્યા બાદ ૨૦૦૯માં પક્ષનો સાથ છોડી દીધો હતો. આ ઘટના અંગે પ્રતિક્રિયા આપતા કોંગ્રેસના નેતા દિગ્વિજયસિંહે જણાવ્યું હતું કે કસૂરીનું પુસ્તક કોઈ પણ સંજોગોમાં લોન્ચ થવું જોઈએ. આવી તાલિબાની ગુંડાગીરી વિરુદ્ધ તમામ ઉદારવાદીઓએ સંગઠિત થવું જોઈએ. આપણે હિન્દુસ્તાનમાં દેશી તાલિબાન ઈચ્છતા નથી.

admin

Recent Posts

મસ્તી મસ્તીમાં મિત્રો ઝઘડ્યા એકે બીજાને ચપ્પાના ઘા માર્યા

(અમદાવાદ બ્યૂરો) અમદાવાદ: શહેરમાં વટવા વિસ્તારમાં આવેલા પુનિતનગર બસ સ્ટેન્ડ પાસે ગઇ કાલે રાતે એક યુવક ઉપર સામાન્ય બાબતે તેના…

23 hours ago

આતંક સામે આક્રોશ, શહીદ જવાનોને શ્રદ્ધાંજલિઃ બજારો સ્વયંભૂ બંધ રહ્યાં

(પ્રતિનિધિ દ્વારા) અમદાવાદ: જમ્મુ-કાશ્મીરના પુલવામામાં CRPFના જવાનો ઉપર થયેલા આતંકી હુમલાના ઘેરા પ્રત્યાધાત અમદાવાદ સહિત સમગ્ર દેશમાં પડ્યા છે. આંતકી…

23 hours ago

પગાર વધારાની માગણી સાથે શિક્ષણ સહાયકો કાલે સામૂહિક મૂંડન કરાવશે

(અમદાવાદ બ્યૂરો) અમદાવાદ: પગારના મુદ્દે છેલ્લા ઘણા સમયથી લડત ચલાવી રહેલા ગ્રાન્ટેડ શાળાઓમાં ફરજ બજાવી રહેલા શિક્ષણ સહાયકોએ રાજ્ય સરકારને…

23 hours ago

750 કરોડની SVP હોસ્પિટલમાં આઈસોલેશન વોર્ડ છે પણ શોભાનો

(પ્રતિનિધિ દ્વારા) અમદાવાદ: વી.એસ. હોસ્પિટલ પરિસરમાં રૂ.૭પ૦ કરોડના ખર્ચે નવનિર્મિત ૧૮ માળની સરદાર વલ્લભભાઇ પટેલ હોસ્પિટલના બારમા માળે સ્વાઇન ફ્લૂનો…

23 hours ago

મ્યુનિ. બજેટ બેઠકમાં બબાલઃ માત્ર એક કલાકમાં ચાર બજેટ મંજૂર કરી દેવાયાં

(અમદાવાદ બ્યૂરો) અમદાવાદ: આજે મ્યુનિસિપલ મુખ્યાલયમાં આવેલા ગાંધી હોલમાં મળેલી બજેટ બેઠકમાં સવારે ૧૦ વાગ્યે મ્યુનિ. કોર્પોરેશન સલગ્ન ચારેય સંસ્થાનાં…

23 hours ago

પુલવામા હુમલો: ૪૦ શહીદને આજે અંતિમ વિદાય અપાશે

(એજન્સી) નવી દિલ્હી: જમ્મુ-કાશ્મીરના પુલવામામાં થયેલા આતંકી હુમલામાં શહીદ ૪૦ જવાનના પાર્થિવ દેહ આજે તેમના ઘરે પહોંચી જશે અને તેમને…

23 hours ago