Categories: India

ર૬/૧૧ બાદ ભારતે પાક. પર હવાઈ હુમલા કરવાની યોજના ઘડી હતી

નવી દિલ્હીઃ પાકિસ્તાનના પૂર્વ વિદેશ પ્રધાન ખુરશીદ મહેમુદ કસુરીએ એવો દાવો કર્યો છે કે મુંબઇ પર થયેલા ર૬/૧૧ના ત્રાસવાદી હુમલા બાદ ભારતે પાકિસ્તાનમાં લશ્કર અને જમાત-ઉદ-દાવાના અડ્ડાઓ પર હવાઇ હુમલા કરવાનો પ્લાન બનાવ્યો હતો.

એક ભારતીય અંગ્રેજી ચેનલ સાથેની વાતચીતમાં કસુરીએ જણાવ્યું હતું કે મુંબઇ હુમલા બાદ અમેરિકાના પ્રમુખપદના પૂર્વ ઉમેદવાર જ્હોન મેકેનની આગેવાનીમાં એક અમેરિકી પ્રતિનિધિમંડળે તેમની મુલાકાત લીધી હતી. આ ડેલિગેશને એવી શંકા વ્યકત કરી હતી કે ભારત લાહોરની નજીક જમાત-ઉદ-દાવા અને લશ્કર-એ-તોઇબાના વડામથક પર હવાઇ હુમલા કરી શકે છે.

કસુરીના જણાવ્યા અનુસાર અમેરિકી ડેલિગેશનમાં રિપબ્લિકન સેનેટર લિન્ડસે ગ્રાહમ અને રિચર્ડ હોલબ્રુક ઉપરાંત અફઘાનિસ્તાન-પાકિસ્તાન સ્થિત અમેરિકાના સ્પેશિયલ પ્રતિનિધિઓનો પણ સમાવેશ થતો હતો. કસુરીએ જણાવ્યું હતું કે મેકેને મને એવું કહ્યું હતું કે અમે ભારતથી આવીએ છીએ, જ્યાં પાકિસ્તાન વિરુદ્ધ ભારે રોષ પ્રવર્તે છે. ભારત કદાચ જમાત-ઉદ-દાવા પર હવાઇ હુમલા કરશે. કસુરીના જણાવ્યા પ્રમાણે તેમણે મેકેનને એવું કહ્યું હતું કે જો આવું થશે તો પાકિસ્તાન લશ્કર પણ તેનો સજ્જડ જવાબ આપશે.

PoK પાછું લેવું એ જ હવે એકમાત્ર ઉકેલ: સંઘનવી દિલ્હી: આરએસએસના મુખપત્ર ઓર્ગેનાઇઝરમાં જણાવાયું છે કે પાકિસ્તાન હસ્તકના કાશ્મીરને પાક.ના ગેરકાયદેસર કબજાથી મુક્ત કરાવવું એ જ કાશ્મીર મુદ્દાનો એકમાત્ર ઉકેલ છે. મુખપત્રમાં જણાવાયું છે કે ત્રાસવાદનું કેન્દ્ર પાકિસ્તાન છે એ વાત હવે જગજાહેર બની ગઇ છે. જ્યારે બીજી બાજુ ભારત વૈશ્વિક ફલક પર શકિતનું કેન્દ્ર બની રહ્યું છે. ઓર્ગેનાઇઝરના તંત્રીલેખમાં જણાવવામાં આવ્યું છે કે હવે પાક. હસ્તકના કાશ્મીરને પાકિસ્તાનના ગેરકાયદે કબજામાંથી મુક્ત કરાવવું એ ઘણા લાંબા સમયથી પડતર આ મુદ્દાનો એકમાત્ર ઉકેલ છે.

આરએસએસએ એવું જણાવ્યું છે કે  પાકિસ્તાને કાશ્મીરમાં જનમત સંગ્રહ કરાવવાની માગણી સાથે સંયુકત રાષ્ટ્ર મહાસભામાં પરંપરાગત રીતે આ મુદ્દો ઉઠાવ્યો હતો, પરંતુ નવાઝ શરીફ હવે પહેલાંની જેમ આંતરરાષ્ટ્રીય કક્ષાએ ધ્યાન ખેંચવામાં નિષ્ફળ ગયા છે.  

મુખપત્રમાં એવું પણ જણાવાયું છે કે પાકિસ્તાનની પાશવતા અને પાક.હસ્તકના કાશ્મીરમાં ઇસ્લામાબાદ વિરુદ્ધ જબરદસ્ત દેખાવોનો વીડિયો ઇન્ટરનેટ પર વાઇરલ બન્યો છે. 

 

admin

Recent Posts

સગવડના બદલે અગવડઃ BRTSના સ્માર્ટકાર્ડધારકો ધાંધિયાંથી પરેશાન

અમદાવાદ: તાજેતરમાં મ્યુનિસિપલ સત્તાવાળાઓએ સરદાર વલ્લભભાઇ પટેલ હોસ્પિટલને અર્બન હેલ્થ કેરના મામલે દેશભરમાં શ્રેષ્ઠ હોસ્પિટલ ગણાવવાની સાથે-સાથે બીઆરટીએસ સર્વિસને પણ…

23 hours ago

કેન્દ્રીય વિદેશ પ્રધાનની ઉપસ્થિતિમાં વાઈબ્રન્ટ સમિટમાં આફ્રિકા છવાયુ

ગાંધીનગર: કેન્દ્રિય વિદેશ પ્રધાન સુષ્મા સ્વરાજની ઉપસ્થિતિમાં આજે વાઇબ્રન્ટ ગુજરાત ગ્લોબલ સમિટ ૨૦૧૯ના ત્રીજા દિવસ અંતર્ગત આજે આફ્રિકા ડેની ઉજવણી…

24 hours ago

ધો.૧૦-૧રની પ્રિલિમિનરી પરીક્ષાનો ર૮મીથી આરંભ

અમદાવાદ: અમદાવાદ શહેર અને જિલ્લામાં ધો.૧૦ અને ૧રના વિદ્યાર્થીઓ માટેની ફાઇનલ પરીક્ષાના રિહર્સલ સમી પ્રિલિમિનરી પરીક્ષાનો પ્રારંભ ર૮ જાન્યુઆરી સોમવારથી…

24 hours ago

જો તું મારી સાથે સંબંધ નહીં રાખે તો હું તને જાનથી મારી નાખીશ

અમદાવાદ: તું મારો ફોન કેમ નથી ઉપાડતી..મારી સાથે સંબંધ કેમ નથી રાખતી..જો તું મારી સાથે સંબંધ નહીં રાખે તો હું…

24 hours ago

PM મોદી સવારે માતા હીરાબાને મળવા પહોંચી ગયા, આશીર્વાદ લીધા

અમદાવાદ: નરેન્દ્ર મોદી૧૭મી જાન્યુઆરીથી ત્રણ દિવસના ગુજરાતના પ્રવાસે છે. આજે તેમના ગુજરાતમાં રોકાણના ત્રીજા અને અંતિમ દિવસે તેઓ તેમના વ્યસ્ત…

24 hours ago

દિલ્હીમાં દ‌ક્ષિણ ભારતનાં ધાર્મિક સંંગઠનો પર આતંકી હુમલાની સા‌જિશનો પર્દાફાશ

નવી દિલ્હી:  દિલ્હી પોલીસના સ્પેશિયલ સેલ અને ઇન્ટેલિજન્સ એજન્સીએ દ‌િક્ષણ ભારતમાં ધાર્મિક સંગઠનો પર મોટા આતંકી હુુમલાની સા‌જિશનો પર્દાફાશ કરીને…

1 day ago