Categories: Gujarat

ભારત-શ્રીલંકા ટેસ્ટઃ આજે જીત અપાવવાની જવાબદારી બોલર્સ પર

કોલંબોઃ ટીમ ઇન્ડિયાએ શ્રીલંકા વિરુદ્ધ બીજી ટેસ્ટના ચોથા દિવસે અજિંક્ય રહાણે (૧૨૬)ની શાનદાર ઇનિંગ્સની મદદથી બીજી ઇનિંગ્સ આઠ વિકેટે ૩૨૫ રન બનાવી ડિકલેર કરી. ભારતે ત્યાર બાદ પહેલી ઇનિંગ્સમાં મળેલી ૮૭ રનની સરસાઈને જોડતાં યજમાન ટીમ સામે જીતવા માટે ૪૧૩ રનનું વિશાળ લક્ષ્ય મૂક્યું. કેપ્ટન વિરાટ કોહલી દ્વારા ઇનિંગ્સ મોડી ડિકલેર કરવાની રણનીતિ સામે આંગળી ઊઠે એ પહેલાં સ્પિનર આર. અશ્વિને બે વિકેટ ઝડપીને ટીમ ઇન્ડિયાને જીત હાંસલ કરવા તરફ ધકેલી દીધી છે. ગઈ કાલે ચોથા દિવસની રમત બંધ રહી ત્યારે શ્રીલંકાનો સ્કોર બે વિકેટે ૭૨ રન હતો.

ગઈ કાલે સાહાને સ્નાયુ ખેંચાઈ જવાને કારણે મેદાન છોડવું પડ્યું હતું. ત્યાર બાદ સ્ટુઅર્ટ બિન્ની પણ સસ્તા (૧૭ રન)માં આઉટ થઈ ગયો હતો. ભારત પાસે પૂરતો સ્કોર હતો ત્યારે એવું લાગતું હતું કે વિરાટ કોહલી દાવ ડિકલેર કરી દેશે, પરંતુ તેણે એવું કર્યું નહીં. ત્યાર બાદ અશ્વિન (૧૯) અને અમિત મિશ્રા (૧૦) પણ પેવેલિયનમાં પાછા ફર્યા હતા અને રિદ્ધિમાન સાહા ફરીથી પેડ બાંધીને મેદાનમાં આવ્યો હતો, પરંતુ થોડી વાર બાદ જ કેપ્ટન વિરાટે દાવ ડિકલેર કરી દીધો હતો.

હવે આજે મેચનો પાંચમો અને અંતિમ દિવસ છે. બેટ્સમેનોએ તો તેમનું કામ કરી દીધું છે, આજે ભારતને જીત અપાવવાની જવાબદારી ભારતીય બોલર્સ પર છે. એમાંય ખાસ કરીને ભારતીય સ્પિનર્સ અશ્વિન અને અમિત મિશ્રાએ પાંચમા દિવસે તૂટી રહેલી પીચનો ફાયદો ઉઠાવીને શ્રીલંકન બેટ્સમેનોને પેવેલિયનમાં મોકલવાનું કામ કરવું રહ્યું. વર્તમાન શ્રેણીમાં ૧-૦થી પાછળ રહેલી ટીમ ઇન્ડિયાને ભારતીય સ્પિનર્સ જ ૧-૧ની બરોબરી પર લાવી શકશે.

મુરલી-સાહાના સ્થાને નમન અને કરુણનો ટીમમાં સમાવેશ

મધ્ય પ્રદેશની રણજી ટીમના વિકેટકીપર નમન ઓઝા અને કર્ણાટકનાે બેટ્સમેન કરુણ નાયર શ્રીલંકા વિરુદ્ધ ચાલી રહેલી શ્રેણીમાં હવે પછીની ટેસ્ટ મેચ માટે ભારતીય ટીમનો હિસ્સો બનશે. બીસીસીઆઇએ આ અંગેની જાહેરાત કરી દીધી છે. ઓઝા અને નાયરને બીજી ટેસ્ટ રમી રહેલા મુરલી વિજય અને રિદ્ધિમાન સાહાના સ્થાને ટીમમાં સામેલ કરવામાં આવ્યા છે. બીબીસીઆઇએ એક યાદીમાં જણાવ્યું છે કે સાહાના સાથળના સ્નાયુ ખેંચાઈ જવાથી તેને આરામની જરૂર છે, જ્યારે વિજયને પણ થયેલી ઈજા પર ફરીથી ઈજા થઈ છે અને તેને પણ સ્વસ્થ થવા માટે આરામની જરૂર છે.

 

admin

Recent Posts

જિઓ બની દેશની બીજા નંબરની સૌથી મોટી ટેલિકોમ કંપની

મૂકેશ અંબાણીની ટેલિકોમ કંપની રિલાયન્સ જિઓએ તેના લોન્ચિંગના અઢી વર્ષમાં જ એક મોટી સિદ્ધિ હાંસલ કરી છે. યુઝર્સ બેઝના આધારે…

7 hours ago

વાસ્તુશાસ્ત્રની દૃષ્ટિએ દેવતાઓની મૂર્તિ ક્યાં રાખવી?

ઘરમાં અને મંદિરમાં દેવી દેવતાઓની મૂર્તિઓ રાખવાની પરંપરા જૂના સમયથી ચાલતી આવી છે. મોટાભાગના લોકો ગણેશજી, લક્ષ્મીજી, બાળ ગોપાલની મૂર્તિઓ…

8 hours ago

દિવસે ભઠ્ઠીમાં ફેરવાતી બીટ ચોકીમાં પોલીસ કર્મચારી પગ મૂકતાંય ડરે છે

શહેરમાં ટ્રાફિકની સમસ્યા દિવસે દિવસે વધતી જાય છે. ત્યારે આવા માથાના દુઃખાવા સમાન ટ્રાફિકની સમસ્યા હલ કરવા માટે ટ્રાફિક પોલીસ…

9 hours ago

મ્યુનિ. કોર્પોરેશનના નાઇટ શેલ્ટરમાં કોઈ ફરકતું જ નથી

મ્યુનિસિપલ કોર્પોરેશન દ્વારા શહેરમાં ઘરવિહોણા લોકોને ધોમધખતા તાપ કે કડકડતી ઠંડી કે ભારે વરસાદ જેવા કુદરતી વિષમ સંજોગોમાં આશરો આપવા…

9 hours ago

ગુજકેટઃ વિદ્યાર્થીઓની બેઠક વ્યવસ્થાને લઇને ચકાસણી

લોકસભા ચૂંટણીનો કાર્યક્રમ જાહેર થતાંની સાથે જ રાજ્ય શિક્ષણ બોર્ડ દ્વારા ગુજકેટ પરીક્ષાની તારીખમાં વધુ એક વખત ફેરફાર કરવાની ફરજ…

9 hours ago

શહેરના હેરિટેજ સમાન ટાઉનહોલને નવ કરોડના ખર્ચે રિનોવેટ કરાશે

અમદાવાદ મ્યુનિસિપલ કોર્પોરેશન હસ્તકના ટાઉનહોલને હવે વધુ સુવિધાસજ્જ અને અદ્યતન બનાવવાની તજવીજ હાથ ધરાઇ છે. બહુ ટૂંકા સમયમાં શહેરની મધ્યમાં…

9 hours ago