Categories: News

ધમકીની શરારત : વધુ ૩ સ્કૂલોને બોમ્બથી ઉડાવી દેવાનો પત્ર મળ્યો

વડોદરા : શહેરના નિઝામપુરા વિસ્તારની જ્ઞાનદીપ સ્કૂલ, મહાવીર સ્કૂલ અને ટીઆર પટેલ સ્કૂલને બોમ્બથી ઉડાવી દેવાની ધમકીભર્યો પત્ર શાળાઓને મળ્યો છે. અત્રે ઉલ્લેખનીય છે કે, છેલ્લા ૨૦ દિવસમાં જુદા જુદા સ્થળોને બોમ્બથી ઉડાવી દેવાની ધમકીનો આ ૧૬મો પત્ર છે પરંતુ શાળાઓમાં ચેકિંગ દરમિયાન કોઇ પણ શંકાસ્પદ વસ્તુ ન મળતાં પોલીસ, વિદ્યાર્થીઓ તથા વાલીઓએ હાશકારો અનુભવ્યો હતો.

પ્રાપ્ત વિગતો અનુસાર શહેરના જુદા જુદા વિસ્તારમાં આવેલી જ્ઞાનદીપ સ્કૂલ, મહાવીર સ્કૂલ અને ટીઆર પટેલ સ્કૂલને બોમ્બથી ઉડાવી દેવાની ધમકીભર્યો પત્ર આજે શાળાના આચાર્યોને મળતાં  પોલીસને જાણ કરવામાં આવી હતી. બોમ્બની ધમકીનો મેસેજ મળતા જ પોલીસ બોમ્બ સ્ક્વોડ, ડોગ સ્ક્વોડ સાથે જુદી જુદી ટીમ બનાવી ત્રણેય સ્કૂલમાં પહોંચી ગઇ હતી અને શાળાના વિદ્યાર્થીઓને વર્ગોમાંથી બહાર કાઢી તમામ જગ્યાએ ચેકિંગ હાથ ધર્યું હતું. જોકે, ત્યાંથી કોઇપણ શંકાસ્પદ વસ્તુ મળી ન હતી.

વડોદરા શહેરમાં છેલ્લા એક મહિનાથી કોઇ ટીખળખોર અથવા સરકારી તંત્ર કે શાળા કોલેજ, બેન્ક, ટ્રેઇનની સિસ્ટમથી ત્રાસી ગયેલા હોય તેવા વ્યક્તિ આ પ્રકારના ધમકીભર્યા પત્ર મોકલી પોલીસને દોડધામ કરાવી પોતે આનંદ લૂંટી રહ્યા છે. કે પછી કોઇ ગંભીર કાવતરાના ભાગરૂપે ધમકીનો સિલસિલો ચાલુ રાખી ‘વાઘ આવ્યો વાઘ આવ્યો’ની થિયરી મુજબ કાવતરાને અંજામ આપવાનો પ્રયાસ કરી રહ્યા છે ?

 

આજે  ફરીએકવાર પોલીસ વિભાગને ત્રણ શાળાઓ ઉડાવી દેવાની ધમકીભર્યો પત્ર મળ્યો હતો જેમાં જ્ઞાનદીપ સ્કૂલ, મહાવીર અને ટીઆર પટેલ સ્કૂલનેે બોમ્બ મૂકી ઉડાવી દેવાની ધમકી આપવામાં આવી હતી. ધમકીને પગલે પોલીસ તંત્ર ફરી એકવાર દોડતું થઇ ગયું હતું અને શાળાના ખૂણે ખૂણે ડોગસ્ક્વોડ અને બોમ્બ સ્ક્વોડ દ્વારા સઘન તપાસ હાથ ધરી હતી. પરંતુ કોઇ વાંધાનજક ચીજ વસ્તુ મળી નહોતી.

admin

Recent Posts

રે મૂરખ મનવા, મહાભારતનું ગાન કર

પાંચમા વેદ મહાભારતને ઘરમાં રાખવા અને તેના પઠનને કોણે અને ક્યારે વર્જિત ગણાવ્યો છે? મહાભારતનું ગાન થતું ત્યારે લોકહૃદયમાં તેનાં…

1 hour ago

Ahmedabad: એક અનોખું આર્ટ એક્ઝિબિશન

અમદાવાદમાં સૌપ્રથમ વાર ચેપલની અંદર આર્ટ એક્ઝિબિશન કરવાનો અનોખો પ્રયાસ નીના નૈષધ- નીકોઇ ફાઉન્ડેશન તથા કોલકાતાના સિગલ ફાઉન્ડેશન દ્વારા કરવામાં…

2 hours ago

Public Review: ટોટલ ટાઈમપાસ ધમાલ ફિલ્મ

ફિલ્મમાં દરેક એક્ટર્સે સરસ પર્ફૉર્મન્સ આપ્યું છે. અજય દેવગણ,અનિલ કપૂરે પોતાની શાનદાર એક્ટિંગથી ફિલ્મનો ચાર્મ વધારી દીધો છે. માધુરી દીક્ષિત…

2 hours ago

24 કલાક પાણી મળતાં મળશે, અત્યારે હજારો શહેરીજનો ટેન્કર પર નિર્ભર

(પ્રતિનિધિ દ્વારા) અમદાવાદ: આગામી નાણાકીય વર્ષ ૨૦૧૯-૨૦ના રૂ. ૮૦૫૧ કરોડના બજેટને ભાજપના શાસકોએ 'મોર્ડન અમદાવાદ'નું બજેટ તરીકે જાહેર કર્યું છે.…

2 hours ago

બોર્ડ પરીક્ષાની હોલ ટિકિટમાં પાંચ દિવસ સુધી સુધારો થઈ શકશે

(અમદાવાદ બ્યૂરો) અમદાવાદ: ગુજરાત માધ્યમિક અને ઉચ્ચતર માધ્યમિક બોર્ડ દ્વારા લેવાતી ધો.૧૦ અને ધો.૧રની બોર્ડ પરીક્ષાને હવે ગણતરીના દિવસો બાકી…

2 hours ago

IOC બિલ કૌભાંડની તપાસથી મુખ્ય રોડનાં કામ ખોરવાયાં

(અમદાવાદ બ્યૂરો) અમદાવાદ: બે વર્ષ અગાઉ ચોમાસાના પહેલા રાઉન્ડના સામાન્ય વરસાદમાં આશરે રૂ.૪પ૦ કરોડના રોડને ઓછા-વધતા અંશમાં નુકસાન થતાં સમગ્ર…

3 hours ago