Categories: News

દિલ્હી-કટરા વચ્ચે ૬૦૦ કિમી લાંબા એક્સપ્રેસ હાઈ વેનું નિર્માણ થશે

નવી દિલ્હીઃ ઉત્તરાખંડમાં ચાર ધામ માટે હાઈ વે કનેક્ટિવિટીની જાહેરાત કર્યા બાદ હવે નરેન્દ્ર મોદી સરકાર નવી દિલ્હી અને કટરા વચ્ચે ૬૦૦ કિલોમીટર લાંબો એક્સપ્રેસ હાઈ વે તૈયાર કરનાર છે અને અા માટેની દરખાસ્ત ટૂંક સમયમાં રજૂ કરવામાં અાવશે. જમ્મુ અને કાશ્મીરમાં કટરા સ્થિત માતા વૈષ્ણોદેવીના પવિત્ર યાત્રાધામનાં દર્શનાર્થે જતા યાત્રિકોની સુગમતા માટે નવી દિલ્હી અને કટરા વચ્ચે ૬૦૦ કિલોમીટર લાંબા એક્સપ્રેસ હાઈ વેનું નિર્માણ કરવામાં અાવશે. 

માર્ગ પરિવહન અને હાઈવે મંત્રાલયના જણાવ્યા પ્રમાણે ભારતનો અા સૌથી લાંબો એક્સપ્રેસ હાઈ વે હશે. અા એક્સપ્રેસ હાઈ વે હરિયાણા, પંજાબ અને જમ્મુ કાશ્મીરમાંથી પસાર થશે જેમાં રૂ. ૧૫ હજાર કરોડનો ખર્ચ કરવામાં અાવશે. 

અા એક્સપ્રેસ હાઈ વે માટે ફિઝિબિલિટી રિપોર્ટ તૈયાર કરવા એક કન્સલ્ટન્ટની નિમણૂક કરવામાં અાવી રહી છે. અા હાઈ વેના નિર્માણના પગલે દિલ્હી અને શ્રીનગર વચ્ચેની કનેક્ટિવિટી વધશે. અા ઉપરાંત જમ્મુ અને કાશ્મીરમાં શ્રીનગર સાથે એક નેશનલ હાઈ વેનું નિર્માણ થઈ રહ્યું છે એવું એક વરિષ્ઠ સરકારી અધિકારીએ જણાવ્યું હતું. 

અત્રે ઉલ્લેખનીય છે કે સમુદ્રની સપાટીથી ૮૭૫ મીટર ઉંચાઈએ અાવેલ કટરા જમ્મુથી ૪૨ કિલોમીટર દૂર છે. નવી દિલ્હી અને કટરા વચ્ચે એક્સપ્રેસ હાઈવેનું નિર્માણ થવાથી નવી દિલ્હી અને કટરા વચ્ચેનું અંતર પાંચથી છ કલાક જેટલું ઘટી જશે. અા પ્રોજેક્ટ પાછળ ૪૦ ટકા ખર્ચ સરકાર વહન કરશે. સરકારે ૧૦૦૦ કિલોમીટર લાંબા એક્સપ્રેસ વેના નિર્માણ માટેના પ્લાનને મંજૂરી અાપી છે જેની પાછળ રૂ. ૧૬૬૮૦ કરોડનો ખર્ચ થશે.

admin

Recent Posts

મસ્તી મસ્તીમાં મિત્રો ઝઘડ્યા એકે બીજાને ચપ્પાના ઘા માર્યા

(અમદાવાદ બ્યૂરો) અમદાવાદ: શહેરમાં વટવા વિસ્તારમાં આવેલા પુનિતનગર બસ સ્ટેન્ડ પાસે ગઇ કાલે રાતે એક યુવક ઉપર સામાન્ય બાબતે તેના…

1 day ago

આતંક સામે આક્રોશ, શહીદ જવાનોને શ્રદ્ધાંજલિઃ બજારો સ્વયંભૂ બંધ રહ્યાં

(પ્રતિનિધિ દ્વારા) અમદાવાદ: જમ્મુ-કાશ્મીરના પુલવામામાં CRPFના જવાનો ઉપર થયેલા આતંકી હુમલાના ઘેરા પ્રત્યાધાત અમદાવાદ સહિત સમગ્ર દેશમાં પડ્યા છે. આંતકી…

1 day ago

પગાર વધારાની માગણી સાથે શિક્ષણ સહાયકો કાલે સામૂહિક મૂંડન કરાવશે

(અમદાવાદ બ્યૂરો) અમદાવાદ: પગારના મુદ્દે છેલ્લા ઘણા સમયથી લડત ચલાવી રહેલા ગ્રાન્ટેડ શાળાઓમાં ફરજ બજાવી રહેલા શિક્ષણ સહાયકોએ રાજ્ય સરકારને…

1 day ago

750 કરોડની SVP હોસ્પિટલમાં આઈસોલેશન વોર્ડ છે પણ શોભાનો

(પ્રતિનિધિ દ્વારા) અમદાવાદ: વી.એસ. હોસ્પિટલ પરિસરમાં રૂ.૭પ૦ કરોડના ખર્ચે નવનિર્મિત ૧૮ માળની સરદાર વલ્લભભાઇ પટેલ હોસ્પિટલના બારમા માળે સ્વાઇન ફ્લૂનો…

1 day ago

મ્યુનિ. બજેટ બેઠકમાં બબાલઃ માત્ર એક કલાકમાં ચાર બજેટ મંજૂર કરી દેવાયાં

(અમદાવાદ બ્યૂરો) અમદાવાદ: આજે મ્યુનિસિપલ મુખ્યાલયમાં આવેલા ગાંધી હોલમાં મળેલી બજેટ બેઠકમાં સવારે ૧૦ વાગ્યે મ્યુનિ. કોર્પોરેશન સલગ્ન ચારેય સંસ્થાનાં…

1 day ago

પુલવામા હુમલો: ૪૦ શહીદને આજે અંતિમ વિદાય અપાશે

(એજન્સી) નવી દિલ્હી: જમ્મુ-કાશ્મીરના પુલવામામાં થયેલા આતંકી હુમલામાં શહીદ ૪૦ જવાનના પાર્થિવ દેહ આજે તેમના ઘરે પહોંચી જશે અને તેમને…

1 day ago