Categories: Gujarat

કેપ્ટન ધોનીએ હવે ક્રિકેટને અલવિદા કહી દેવું જોઈએ?

અમદાવાદઃ એક સમયે ટીમ ઇન્ડિયાના સૌથી શાનદાર મેચ ફિનિશર કહેવાતાે મહેન્દ્રસિંહ ધોની ગઈ કાલે કાનપુર ખાતે એવા સમયે આઉટ થઈ ગયો, જ્યારે કરોડો ચાહકોને લાગી રહ્યું હતું કે ધોનીના છગ્ગાની સાથે ટીમ ઇન્ડિયા મેચ જીતી લેશે. અંતિમ ઓવરમાં ધોનીના આઉટ થતાંની સાથે જ ભારત જીતેલી મેચ હારી ગયું. ૨૦૧૫માં સતત હારી રહેલો ધોની દક્ષિણ આફ્રિકાની સામેની પહેલી પરીક્ષામાં પણ નાપાસ થયો. એવામાં હવે સવાલ ઊઠી રહ્યા છે કે શું ધોનીએ વન ડે ક્રિકેટમાંથી નિવૃત્તિ લઈ લેવી જોઈએ?દક્ષિણ આફ્રિકા વિરુદ્ધ કાનપુર વન ડે ભારત આસાનીથી જીતી શકે તેમ હતું. ૩૦૪ રનના લક્ષ્યનો પીછો કરતા રોહિત શર્માની ૧૫૦ રનની ઇનિંગ્સે ભારતને જીતની તદ્દન નજીક પહોંચાડી દીધું હતું. રોહિત જ્યારે આઉટ થયો ત્યારે ભારતને ૨૩ બોલમાં ૩૫ રન બનાવવાના હતા અને તેની છ વિકેટ અકબંધ હતી. મેચ અંતિમ ઓવર સુધી ખેંચાઈ. ભારતને છ બોલમાં ૧૧ રનની જરૂર હતી, પરંતુ ધોનીના એક ખરાબ શોટે ટીમ ઇન્ડિયાને ડુબાડી દીધી.ઉલ્લેખનીય છે કે ભારતને ઘણી મોટી ટૂર્નામેન્ટોમાં જીત અપાવનારો ધોની ૨૦૧૫માં કોઈ વન ડે ટૂર્નામેન્ટ જીતી શક્યો નથી. વર્ષની શરૂઆતમાં ઓસ્ટ્રેલિયામાં ત્રિકોણીય શ્રેણીમાં હાર્યો. ત્યાર બાદ વિશ્વકપની સેમિફાઇનલમાંથી ટીમ બહાર ફેંકાઈ. પછી પ્રમાણમાં નબળી મનાતી બાંગ્લાદેશની ટીમ સામે પણ ભારતનો પરાજય થયો. એક તરફ ધોનીની કેપ્ટનશિપ પ્લોપ રહી તો બીજી તરફ તેની બેટે પણ નિરાશ કર્યા છે. આ વર્ષે ૧૬ વન ડેમાં ધોનીના બેટમાંથી ફક્ત ૪૫૯ રન જ નીકળ્યા છે.કેપ્ટનશિપમાં સતત પરાજય થઈ રહ્યો છે, બેટમાંથી રન નથી નીકળી રહ્યા, હવે ધોનીની કેપ્ટનશિપ પર તલવાર લટકી રહી છે. આ સ્થિતિ પરથી શું એવું નથી લાગતું કે ધોનીએ ક્રિકેટને અલવિદા કહી દેવું જોઈએ? ગઈ કાલે પણ ધોનીએ મેચ પૂરી થયા બાદ ન સમજાય તેવું બહાનું કાઢતાં કહ્યું હતું કે અશ્વિન ઈજાગ્રસ્ત થયો તે વાત ભારતને ભારે પડી ગઈ. શું ટીમ ઇન્ડિયામાં અશ્વિન એકમાત્ર બોલર છે, જેના ઈજાગ્રસ્ત થવાથી ભારત મેચ હારી જાય? અંતિમ ઓવરોમાં ફાસ્ટ બોલર્સ બોલિંગ કરી રહ્યા હતા અને તેમણે લાઇન-લેન્થ વગરની બોલિંગ કરીને દક્ષિણ આફ્રિકાના બેટ્સમેનોને છૂટથી રમવા દીધા. અશ્વિન સિવાય પણ ભારતીય ટીમમાં અન્ય બોલર્સ છે જ. ધોનીનું એ સ્ટેટમેન્ટ કોઈના મગજમાં ઊતરે એવું નહોતું.
admin

Recent Posts

સગવડના બદલે અગવડઃ BRTSના સ્માર્ટકાર્ડધારકો ધાંધિયાંથી પરેશાન

અમદાવાદ: તાજેતરમાં મ્યુનિસિપલ સત્તાવાળાઓએ સરદાર વલ્લભભાઇ પટેલ હોસ્પિટલને અર્બન હેલ્થ કેરના મામલે દેશભરમાં શ્રેષ્ઠ હોસ્પિટલ ગણાવવાની સાથે-સાથે બીઆરટીએસ સર્વિસને પણ…

3 hours ago

કેન્દ્રીય વિદેશ પ્રધાનની ઉપસ્થિતિમાં વાઈબ્રન્ટ સમિટમાં આફ્રિકા છવાયુ

ગાંધીનગર: કેન્દ્રિય વિદેશ પ્રધાન સુષ્મા સ્વરાજની ઉપસ્થિતિમાં આજે વાઇબ્રન્ટ ગુજરાત ગ્લોબલ સમિટ ૨૦૧૯ના ત્રીજા દિવસ અંતર્ગત આજે આફ્રિકા ડેની ઉજવણી…

3 hours ago

ધો.૧૦-૧રની પ્રિલિમિનરી પરીક્ષાનો ર૮મીથી આરંભ

અમદાવાદ: અમદાવાદ શહેર અને જિલ્લામાં ધો.૧૦ અને ૧રના વિદ્યાર્થીઓ માટેની ફાઇનલ પરીક્ષાના રિહર્સલ સમી પ્રિલિમિનરી પરીક્ષાનો પ્રારંભ ર૮ જાન્યુઆરી સોમવારથી…

3 hours ago

જો તું મારી સાથે સંબંધ નહીં રાખે તો હું તને જાનથી મારી નાખીશ

અમદાવાદ: તું મારો ફોન કેમ નથી ઉપાડતી..મારી સાથે સંબંધ કેમ નથી રાખતી..જો તું મારી સાથે સંબંધ નહીં રાખે તો હું…

3 hours ago

PM મોદી સવારે માતા હીરાબાને મળવા પહોંચી ગયા, આશીર્વાદ લીધા

અમદાવાદ: નરેન્દ્ર મોદી૧૭મી જાન્યુઆરીથી ત્રણ દિવસના ગુજરાતના પ્રવાસે છે. આજે તેમના ગુજરાતમાં રોકાણના ત્રીજા અને અંતિમ દિવસે તેઓ તેમના વ્યસ્ત…

3 hours ago

દિલ્હીમાં દ‌ક્ષિણ ભારતનાં ધાર્મિક સંંગઠનો પર આતંકી હુમલાની સા‌જિશનો પર્દાફાશ

નવી દિલ્હી:  દિલ્હી પોલીસના સ્પેશિયલ સેલ અને ઇન્ટેલિજન્સ એજન્સીએ દ‌િક્ષણ ભારતમાં ધાર્મિક સંગઠનો પર મોટા આતંકી હુુમલાની સા‌જિશનો પર્દાફાશ કરીને…

4 hours ago