Categories: News

કબીરપંથના મહંત પદ્મનાભની સમાધિ સમયે સેવકો ઉમટ્યા

વડોદરા: શહેરના માંજલપુર સ્થિત સત્યનામ જ્ઞાન આશ્રમના બાબા સાહેબથી પ્રસિધ્ધ કબીર પંથી પદ્મનાભ સાહેબની સમાધી તેઓના ગુરુજીની સમાધિની બાજુમાં સોમવારે સમાધિ આપવામાં આવી હતી. રવિવારે તેઓના નશ્વર દેહને નિજ આશ્રમમાં તેઓના અનુયાયીઓ માટે દર્શનાર્થે મૂકવામાં આવ્યો હતો. ૨૨ વર્ષની ભરયુવાનીમાં ગાદી સંભાળનાર બાબા સાહેબની અંતિમયાત્રામાં મોટી સંખ્યામાં કબીરપંથી અનુયાયીઓ જોડાયા હતા.

જન્માષ્ટમી પર્વે લોર્ડ ડો. ભીખુ પારેખ સાથે શૈક્ષણિક પ્રવાસે જિલ્લાના બાડેલી તાલુકાના ચિત્રાડુંગરી ખાતે તેઓ હતા ત્યારે તેઓને હૃદયરોગનો હુમલો આવતા દેવલોકપામ્યા હતા.આધ્યાત્મિક, સામાજિક અને શૈક્ષણિક ક્ષેત્રે જ્ઞાનની ગંગોત્રી વહેવડાવનાર પૂ. બાબા સાહેબનો જન્મ તા. ૧૧-૧૨-૧૯૬૦માં થયો હતો. તેઓના પિતા અને ગુરુજી પૂ. બાલકૃષ્ણદાસજી સાહેબ ૧૯૮૦માં દેવલોક થયા બાદ ૨૨ વર્ષની ઉંમરે તેઓએ ગાદી સંભાળી હતી.

ગુરુજીના ચિંધેલા માર્ગે તેઓએ આધ્યાત્મિક, શૈક્ષણિક ક્ષેત્રે જ્ઞાનની ગંગા આગળ ધપાવી હતી. તેમણે એમસીએ, એમ.ફીલ અને ફિલોસોફીમાં ડિગ્રી મેળવી હતી. બાબા સાહેબ તેઓની પાછળ પત્ની કવિતાદેવી, પુત્રી સીમરન અને પુત્ર સચ્ચિત તથા મોટી સંખ્યામાં કબીરપંથી પરિવારને વિલાપ કરતાં છોડી ગયા છે. બાબા સાહેબના દેવલોકના સમાચાર પ્રસરી જતા સમગ્ર ગુજરાતમાં તેઓના અનુયાયીઓ વડોદરા ખાતે દોડી આવ્યા હતા.

બાબા સાહેબની સમાધિ સમયે તેમના અનુયાયીઓએ અશ્રુભીની આંખે તેઓને વિદાય આપી હતી. આશ્રમ પરિસર બાબાના જયજયકારથી ગૂંજી ઉઠ્યું હતું. માંજલપુર ખાતે આવેલા સત્યનામ જ્ઞાન આશ્રમની સ્થાપના બાબા સાહેબના પિતા અને ગુરુશ્રી બાલકૃષ્ણદાસજી સાહેબે કરી હતી. ભારત-પાકિસ્તાનના ભાગલા પડ્યા બાદ શ્રી બાલકૃષ્ણદાસજી સાહેબ કરાંચીથી વડોદરા આવી ગયા હતા. તેઓ સાથે મોટી સંખ્યામાં કરાચીથી તેમના અનુયાયીઓ વડોદરા આવી ગયા હતા.

શ્રી બાલકૃષ્ણદાસજી સાહેબ સાથે કરાચીથી વડોદરા આવ્યા બાદ આશ્રમ સાથે સતત સંકળાયેલા અને બાબા સાહેબના જ્ઞાનનો લ્હાવો લેનાર વડોદરાના રહેવાસી જશુભાઇ પઢારીયાએ એક વાચતીમાં જણાવ્યું હતું કે, બાબા સાહેબ જ્ઞાનનો ભંડાર હતા. ગુરુ કરતાં તેઓ એક વેંત ચઢીયાતા સાબિત થયા હતા. આશ્રમ સાથે ચાર દાયકાથી જોડાયેલા હતા.

પાકિસ્તાનના કરાચીથી સાથે આવેલા શારદાબહેન મિસ્ત્રીએ ચોંધાર આંસુએ રડતા રડતા જણાવ્યું કે, કબીર પંથીઓ માટે મોટી ખોટ છે. બાબાસાહેબ મહાન જ્ઞાન હતી. અને ચાર દાયકાથી આશ્રમ ખાતે આવતા હતા અને બાબા સાહેબ પાસે જ્ઞાન મેળવતા હતા.

બાબા સાહેબના મિત્ર અને આર્કિટેક્ટ જિજ્ઞેશ વ્યાસ અને ઇલેશ વ્યાસે  જણાવ્યું હતું કે, મારા અને બાબા સાહેબ વચ્ચે એક વર્ષનો ફરક છે. હું અવાર-નવાર આશ્રમમાં આવતો હતો. તેમને પોતાનો અલગ માર્ગ બનાવી લીધો હતો. તેઓ વિષે વાત કરવી મૂર્ખતા છે. તેઓ અખૂટ જ્ઞાનનો ભંડાર હતા. તેમને પોતાના આશ્રમનું નામ જ્ઞાન આશ્રમ આપ્યું તે જ તેમની સિધ્ધતાનું દર્શન કરાવે છે. તેઓ યુવાનોના પ્રેરણાદાયી હતી.

 

 

admin

Recent Posts

પ્યાર મેં ધોખાઃ પ્રેમિકાને બદનામ કરવા કોન્સ્ટેબલે અશ્લીલ ફોટાનો સહારો લીધો

(અમદાવાદ બ્યૂરો) અમદાવાદ: બાર વર્ષ સુધી ડિવોર્સી મહિલા સાથે લિવ ઈન રિલેશનમાં રહ્યા બાદ પોલીસ કર્મચારીએ તેના બીભત્સ ફોટોગ્રાફની પ્રિન્ટ…

18 hours ago

1 ફેબ્રુઆરીથી કેન્દ્ર સરકારની નોકરીમાં 10 ટકા સવર્ણ અનામતનો લાભ મળશે

(એજન્સી) નવી દિલ્હી: સામાન્ય શ્રેણીના આર્થિક રીતેે નબળા વર્ગ (ઇડબ્લ્યુએસ)ના લોકોને ૧ ફેબ્રુઆરીથી કેન્દ્ર સરકારની નોકરીઓમાં ૧૦ ટકા અનામતનો લાભ…

20 hours ago

…તો ઇજાગ્રસ્ત પેસેન્જર મુંબઇના બદલે કોલકતા પહોંચી ગયો હોત

(અમદાવાદ બ્યૂશ્રરો) અમદાવાદ: વાઇબ્રન્ટ ગુજરાત ગ્લોબલ સમિટ-ર૦૧૯ની ઇવેન્ટમાં હાજરી આપવા આવેલા મુંબઇના પ્રવાસીને પાછા ફરતી વખતે અન્ય ફલાઇટમાં બેસાડી દેવાતાં…

21 hours ago

Ahmedabadમાં 800 કરોડના ખર્ચે નવાં આઠ મલ્ટિસ્ટોરિડ પાર્કિંગ બનાવાશે

(અમદાવાદ બ્યૂરો) અમદાવાદ: દેશના ગોવા જેવા રાજ્ય કરતાં પણ વધુ વાર્ષિક બજેટ ધરાવતા અમદાવાદ મ્યુનિસિપલ કોર્પોરેશનના વહીવટીતંત્ર દ્વારા આગામી નાણાકીય…

21 hours ago

પ્રોપર્ટીના વિવાદમાં એક જ પરિવારના સભ્યો આમને સામનેઃ ત્રણ ઘાયલ

(અમદાવાદ બ્યૂરો) અમદાવાદ: શહેરના રખિયાલમાં ગઇ કાલે સાંજે પ્રોપર્ટીના વિવાદમાં એક જ પરિવારના બે સભ્યો વચ્ચે લોહિયાળ જંગ ખેલાતાં સમગ્ર…

21 hours ago

નંબર પ્લેટ વિના ફરતા નવાં વાહનો પર RTOની તવાઈ

(અમદાવાદ બ્યૂરો) અમદાવાદ: શહેરમાં છેલ્લા કેટલાક સમયથી નંબર પ્લેટ વિના નવા ફરતા વાહનો પર રોક લગાવવા માટે આરટીઓએ ડીલરો સામે…

21 hours ago