Categories: News

અમદાવાદ હાઈ-વે બન્યો દિશાહીન

અમદાવાદથી નવસારીના દાંડીને જોડતા હાઈ-વેને ‘નેશનલ હાઈ-વે-૨૨૮’ તરીકેની ઓળખ અપાઈ છે. અમદાવાદથી ખેડા, નડિયાદ અને વડોદરા થઈ આ હાઈ-વે સુરત સુધી પહોંચે છે. છેલ્લાં ૩-૪ વર્ષથી આ હાઈ-વેમાં લૅન વધારવાનું તેમજ અન્ય બાંધકામ હાથ ધરાયું છે. હાલ તો આ બાંધકામને આખરી ઓપ અપાઈ રહ્યો છે, પરંતુ અમદાવાદથી ખેડા જતાં ક્યાંય કોઈ પ્રકારનું સાઇન-બોર્ડ જોવા મળતું નથી.

હાઈ-વે પરના ડિવાઇડર પર મૂકવામાં આવેલા માઇલસ્ટોન પર પણ માત્ર રંગરોગાન જ કરાયું છે, તેમાં પણ હજુ સુધી કંઈ લખાયું નથી. અજાણ્યા મુસાફરોને ખાસ તકલીફ પડે છે. હાઈ-વેના નિર્માણમાં ઘણી જગ્યાએ ફલાયઓવર બનાવી દેવાયા હોવાથી ૨-૩ વર્ષ પછી આ હાઈ-વે પર મુસાફરી કરનારાને પણ બધું અજાણ્યું જ લાગે છે. પરિણામે રસ્તા પર વાહન રોકીને રસ્તો પૂછવો પડે છે અથવા તો જે-તે ગામ ગયા પછી ખબર પડે છે કે, ત્યાં જવા બ્રિજ નીચેના રસ્તે જવાનું હતું. ખાસ કરીને ખેડા બાયપાસ પર કોઈ સાઇન-બોર્ડ મૂકાયા નથી.

તેવી જ રીતે માતર જવા માટે જે બ્રિજથી નીચે ઊતરવાનું છે ત્યાં પણ કોઈ બોર્ડ મૂકાયા નથી. સાઇન-બોર્ડ લગાવવામાં ભલે વિલંબ થાય, પરંતુ રસ્તામાં આવતા પુલોની વિગત દર્શાવતાં બોર્ડ અત્યારથી મૂકાઈ ગયા છે જે સાઇન-બોર્ડને પ્રાથમિકતા આપવી જોઈએ તેને હજુ પ્રાથમિકતા અપાઈ નથી.

આ સમસ્યા અંગે નેશનલ હાઈ-વે ઓથોરિટી ઓફ ઇન્ડિયાના ગાંધીનગર સ્થિત કાર્યાલયમાં ફરજ બજાવતાં તકનિકી વિભાગના ડેપ્યુટી મેનેજર અભિષેકે કહ્યું કે, ‘હાઈ-વે પર સાઇન-બોર્ડ ન હોય તેમ ન બની શકે. તમે મને જે-તે સંબંધિત જગ્યાના ફોટો મોકલો. અમે તમારી ફરિયાદ પર કાર્યવાહી કરીશું.’ મહત્ત્વનું છે કે, આ અધિકારી પહેલાંં તો પોતાનું નામ જણાવવાનો ઇનકાર કરી રહ્યા હતા, પરંતુ થોડી આનાકાની બાદ માત્ર પોતાનું નામ કહી વાતચીત ટૂંકાવી દીધી હતી.

 

admin

Recent Posts

ઘર, ઓફિસ, કાર… પોલીસથી ‘બેખૌફ’ તસ્કરો ક્યાંય પણ ત્રાટકી શકે છે

(અમદાવાદ બ્યૂરો) અમદાવાદ: શહેરમાં તસ્કરો પોલીસના ખૌફ વગર બેફામ બન્યા હોય તેમ ઠેરઠેર ચોરીની ઘટનાને અંજામ આપીને નાસી જાય છે.…

11 hours ago

Ahmedabad: સાબરમતી રિવરફ્રન્ટને ઈન્દિરાબ્રિજ સુધી લંબાવાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશન દ્વારા સાબરમતી નદીના પશ્ચિમ અને પૂર્વ કાંઠા પર કુલ. ૧૧.પ૦ કિ.મી. લંબાઇમાં કરોડો રૂપિયાના ખર્ચે…

11 hours ago

અમદાવાદ શોપિંગ ફેસ્ટિવલમાં છ દિવસમાં રૂ.35.64 કરોડનું વેચાણ

(અમદાવાદ બ્યૂરો) અમદાવાદ: દુબઇમાં યોજાતા શોપિંગ ફેસ્ટિવલની જેમ અમદાવાદમાં હાલમાં બાર દિવસનો શોપિંગ ફેસ્ટિવલ યોજાઇ રહ્યો છે. જોકે શહેરનાં શોપિંગ…

12 hours ago

ફલાવર શોના શનિ-રવિના મુલાકાતી માટે ખાસ પાર્કિંગ વ્યવસ્થા કરાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા અમદાવાદીઓમાં અાકર્ષણનું કેન્દ્ર બનેલા ફ્લાવર શોની મુદતને આગામી તા. ૩૧ જાન્યુઆરી સુધી વધારાઈ…

12 hours ago

નરોડા પાટિયા કેસના ચાર દોષિતને સુપ્રીમે જામીન આપ્યા

(અમદાવાદ બ્યૂરો): સુપ્રીમ કોર્ટે ર૦૦રના નરોડા પાટિયા રમખાણ કેસમાં ચાર અપરાધીઓની જામીન પર છોડવાની અરજી પર સુનાવણી કરીને તેઓને જામીન…

12 hours ago

સુભાષચંદ્ર બોઝ જયંતીઃ મોદીએ લાલ કિલ્લામાં સંગ્રહાલયનું ઉદ્ઘાટન કર્યું

(એજન્સી) નવી દિલ્હી: નેતાજી સુભાષચંદ્ર બોઝની ૧૨૨મી જન્મ જયંતીના અવસર પર આજે વડાપ્રધાન નરેન્દ્ર મોદીએ રાજધાની દિલ્હીમાં લાલ કિલ્લા પર…

12 hours ago