બહેનના પ્રેમી પર છરીના ઘા ઝીંકી ભાઈએ જાહેરમાં જ હત્યા કરી

અમદાવાદ: શહેરના દાણીલીમડા વિસ્તારમાં ચાર વર્ષથી ગળાડૂબ પ્રેમમાં પડેલા યુવકને યુવતીના ભાઇએ ધોળા દિવસે છરીના ઘા ઝીંકીને મોતને દેતા સમગ્ર વિસ્તારમાં ચકચાર મચી ગઇ છે. પોલીસે બહેનના પ્રેમીની હત્યા કરનાર ભાઇની ધરપકડ કરી છે.

દાણીલીમડામાં આવેલ આઝાદનગરમાં રહેતા શાહરુખ મન્સૂરીએ દાણીલીમડા પોલીસ સ્ટેશનમાં શકિલ અન્સારી વિરુદ્ધ ફરિયાદ કરી છે. શાહરુખનો ભાઇ ૨૨ વર્ષનો ઇમરાન ઉર્ફે સાયમન્ડ મન્સૂરી દાણીલીમડાના એવન નગરમાં રહેતી એક યુવતીને છેલ્લા ચાર વર્ષથી પ્રેમ કરતો હતો. આ પ્રેમથી યુવતીના ભાઇ શકિલ અન્સારીને વાંધો હતો.

શકિલ અંસારી છેલ્લા ઘણા સમયથી ઇમરાનને તેની બહેનથી દૂર રહેવા માટે ધમકી આપતો હતો. શકિલ અવારનવાર ઇમરાનને મળતો હતો અને તેની બહેનને ભૂલી જવા માટે કહતો હતો. શકિલ અને ઇમરાન વચ્ચે અવારનવાર બોલાચાલી પણ થઇ હતી. ગઇ કાલે બેરલ માર્કેટ પાસે ખજૂરીના ઝાડ પાસે ઇમરાન ઉભો હતો ત્યારે શકિલ તેની પાસે આવ્યો હતો.

શકિલે તેની બહેન સાથે કોઇ સંબંધ નહીં રાખવા ઇમરાનને જણાવ્યું હતું. બન્ને વચ્ચે થયેલી બબાલમાં શકિલ ઉશ્કેરાયો હતો અને પોતાનું બાઇક લઇને જતો રહ્યો હતો. થોડાક સમય બાદ શકિલ પરત આવ્યો હતો અને ઇમરાન કાંઇ બોલે તે પહેલાં તેના પર ઉપરાછાપરી છરીના ધા ઝીંકવાનું શરૂ કરી દીધું હતું. ઇમરાનના પેટમાં ચારથી પાંચ છરીના ધા વાગતાં તે જમીન પર ઢળી પડ્યો હતો જ્યારે શકિલ ફરાર થઇ ગયો હતો.

આ ઘટના જોઇને સ્થાનિકો દોડી આવ્યા હતા અને લોહીથી લથપથ થયેલા ઇમરાનને સારવાર માટે ૧૦૮ મારફતે સારવાર માટે ખસેડવામાં આવ્યો હતો. ઇમરાન હોસ્પિટલમાં પહોંચે તે પહેલાં મૃત્યુ પામ્યો હતો. આ ઘટનાની જાણ દાણીલીમડા પોલીસ તેમજ પોલીસના ઉચ્ચ અધિકારીઓને થતાં તેઓ તાત્કાલીક ઘટના સ્થળે દોડી આવ્યા હતા અને તપાસનો ધમધમાટ શરૂ કર્યો હતો. દાણીલીમડા પોલીસે શકિલ વિરુદ્ધમાં હત્યાનો ગુનો નોંધી તેને પકડી પાડ્યો છે.

divyesh

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

21 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

21 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

21 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

21 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

21 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

21 hours ago