Categories: Tech

યુવાઓને ડાયરી નહીં મોબાઇલ, લેપટોપ પસંદ

આજથી થોડાંક જ વર્ષો પહેલાંની વાત કરીએ તો ડાયરી એ આપણા જીવનનું અભિન્ન અંગ હતી. આપણે જીવનની તમામ નાની-મોટી તેમજ ખાટીમીઠી યાદોને ડાયરીમાં સાચવીને રાખતાં હતા. એવું કહી શકાય કે ડાયરી એ જીવનનો એક અદ્ભુત દસ્તાવેજ હતી જે આપણી આગામી પેઢીને આપણા જીવનના અનુભવો વિશે જાણકારી આપતી હતી. સમય બદલાતાં હવે આજની યુવાપેઢીમાં ડાયરી વીસરાઈ રહી છે. સમયની સાથે ડાયરીનું લેખન અને આવડત બંને લુપ્ત થઈ રહ્યાં છે.

આજકાલ ડાયરીનો ઉપયોગ માત્ર કોર્પોરેટ કલ્ચર કે ઓફિસ યુઝ પૂરતો જ સીમિત થઈ ગયો છે. કોઈને ભેટ આપવા માટે કે કોઈ કંપની પોતાના પ્રમોશન માટે તેનો ઉપયોગ કરે છે. અમદાવાદના ડાયરી મેન્યુફેક્ચરર યજ્ઞેશભાઈ પંડ્યા કહે છે, “ડાયરીના વેચાણમાં ખાસ કોઈ ઘટાડો નથી થયો.

કોર્પોરેટ કલ્ચરમાં હજુ પણ કંપનીઓ દર વર્ષે ડાયરીઓ છપાવીને પોતાના કર્મચારીઓને આપે છે. જોકે પૉકેટ ડાયરીનો ક્રેઝ હવે નથી રહ્યો અને પહેલાં જેવી સ્પેશ્યલ ડાયરીઓ પણ હવે નથી છપાતી. હવે તો તારીખ કે વર્ષ વિનાની ડાયરીઓ છપાય છે. જેનો ઉપયોગ ગૃહિણીઓ પોતાનો હિસાબ રાખવા માટે વધારે કરે છે.”

યુવાપેઢીની વાત કરીએ તો તેઓ ડાયરીનો ઉપયોગ નહીંવત્ કરી રહ્યાં છે. યુવાપેઢી એવું વિચારે છે કે, કોઈ પણ નોટ્સ લખવા માટે તેમની પાસે મોબાઇલ અને લેપટોપ ઉપલબ્ધ છે. તેમાં સરળતાથી નોટ્સ લખી શકાય છે. તો પછી ડાયરીની શું જરૂર છે?

યુવાઓના કહેવાનુસાર એક સમયે તમારી પાસે ડાયરી હોય કે ના હોય, પરંતુ મોબાઇલ તો હંમેશાં રહેવાનો. તેથી યુવાપેઢી ડાયરી કરતાં મોબાઇલને વધારે મહત્ત્વ આપી રહી છે. ડાયરીના શોખીન કેટલાક યુવાઓ દર વર્ષે નવી ડાયરી તો ખરીદે છે પરંતુ વર્ષના અંતે તે કોરી ને કોરી જ રહી જાય છે.

યુવાઓમાં જ્યારે ગિફ્ટ આપવાની વાત આવે ત્યારે ડાયરી એક સારો ઓપ્શન છે. આજે પણ કેટલાક યુવા હેન્ડમેડ ડાયરી અથવા તો ડિઝાઇનર ડાયરી બનાવીને પોતાની કોઈ નજીકની વ્યક્તિને ગિફ્ટ આપે છે. અમદાવાદની ફેશન ડિઝાઇનર ધરા શાહ કહે છે કે, “મેં મારા મિત્રને ગિફ્ટ આપવા માટે એક સ્પેશ્યલ ડાયરી ડિઝાઇન કરી હતી.”

સીમા કુનડિયા કહે છે કે, “આજે પણ અનેક લોકો ડાયરી લખતાં હશે, પરંતુ
યુવાપેઢીને હવે ડિજિટલ ડાયરી વધારે પસંદ આવી રહી છે. આ ડાયરી ખાનગી નથી રહેતી તે સાર્વજનિક થઇ જાય છે, પરંતુ તે સુવિધાજનક પણ છે. તેમાં જે તે પળના યાદગાર ફોટા પણ મૂકી શકાય છે અને ડિજિટલ ડાયરી માટે કાગળ-પેનની જરૂર નથી પડતી. “

મોબાઇલ અને લેપટોપને કારણે યુવાઓની લખવાની આદત છૂટી ગઇ છે. તેમને જો કલાકોના કલાકો સુધી ટાઇપ કરવાનું હોય તો તે સરળતાથી કરી શકે છે, પરંતુ કાગળ-પેન લઇને લખવાની વાત આવે ત્યારે તેઓ થોડીક જ વારમાં થાકી જાય છે.

ડિજિટલ ડાયરી તેનું જ પરિણામ છે. લખવાની આદત છૂટવાને કારણે આજની યુવાપેઢીના અક્ષરો પણ બગડ્યા છે. પહેલાં તો અભ્યાસ પૂરો કર્યા બાદ યુવાઓ ડાયરી કે નોટપેડ પર કંઇક લખવાનું ચાલુ રાખતા હતા. તેથી તેમના અક્ષરો પણ વ્યવસ્થિત રહેતાં હતા. હવે તો તે પણ વીસરાયું.

પારુલ ચૌધરી

admin

Recent Posts

ઘેર બેઠા બનાવો ટેસ્ટી અને પૌષ્ટિક આઇટમ ફ્રૂટ લસ્સી

સૌ પ્રથમ તમારે ફ્રુટ લસ્સી બનાવવા માટે આપે ઢગલાબંધ સિઝનેબલ ફળોનો ઉપયોગ કરવો પડશે. તમને આજે અમે ફ્રૂટ લસ્સી કઈ…

2 hours ago

ભગવાન શિવ બાદ રામની શરણે રાહુલ ગાંધી, જઇ શકે છે ચિત્રકૂટ

ન્યૂ દિલ્હીઃ તાજેતરમાં જ થોડાંક દિવસો પહેલાં જ માનસરોવર યાત્રાએથી પરત ફરેલ કોંગ્રેસનાં અધ્યક્ષ રાહુલ ગાંધી હવે ભગવાન રામની શરણે…

3 hours ago

રાજકોટ ખાતે વડોદરા PSIનાં આપઘાત મામલે કરણીસેનાનો ઉગ્ર વિરોધ

રાજકોટઃ વડોદરાનાં પોલીસ સબ ઈન્સ્પેક્ટર અજયસિંહ જાડેજાનાં આપઘાત મામલે કરણીસેનાએ ઉગ્ર વિરોધ કર્યો હતો. ગ્રીનલેન્ડ ચોકડી પાસે ચક્કાજામ કરીને કરણીસેનાએ…

4 hours ago

અમદાવાદ સહિત રાજ્યભરમાં મેઘરાજાનું ધમાકેદાર આગમન, લોકોને ગરમીથી રાહત

ગુજરાતઃ ઓરિસ્સામાં હાહાકાર મચાવ્યાં બાદ 'ડેઈ તોફાને' હવે દેશનાં અન્ય રાજ્યોને પણ પોતાની લપેટમાં લઇ લીધાં છે. ત્યારે ડેઈ તોફાનને…

5 hours ago

સુરતઃ પાકિસ્તાનનાં PM ઇમરાન ખાનનાં પુતળાનું કોંગ્રેસ દ્વારા જાહેરમાં દહન

સુરતઃ શહેરમાં પાકિસ્તાન પીએમ ઈમરાન ખાનનાં પુતળાનું દહન કરવામાં આવ્યું છે. કોંગ્રેસ દ્વારા પૂતળાનાં દહનનું આયોજન કરવામાં આવ્યું હતું. સુરતનાં…

6 hours ago

વડોદરાઃ ડભોઇ ખાતે બે ટ્રકો સામસામે અથડાતાં એકનું મોત, ત્રણને બહાર કઢાયાં

વડોદરાઃ ડભોઈ તાલુકા અંબાવ ગામ નજીક બે ટ્રકો સામસામે ભટકાતાં ઘટના સ્થળે જ એકનું મોત નિપજ્યું હતું જ્યારે અન્ય ૩…

7 hours ago