YouTubeથી કમાનારા લોકો માટે માઠા સમાચાર, 20 ફેબ્રુ. સુધીમાં કરો આ શરતો પૂરી

YouTubeથી રૂપિયા કમાવવા હવે વધારે મુશ્કેલ બનવા જઇ રહ્યું છે. કંપનીએ પોતાનાં પાર્ટનર પ્રોગ્રામને અપડેટ કરી છે. આનાં આધારે હવે ચેનલ અથવા ક્રિએટરને રૂપિયા કમાવવા માટે વધારે સબસ્ક્રાઇબર્સ હોવાં જોઇએ.

હવે એવી જ ચેનલોને જાહેરાત મળશે કે જેની પાસે ઓછામાં ઓછા 1000 સબસ્ક્રાઇબર્સ હોય અને 12 મહિનામાં ઓછામાં ઓછા 4000 કલાક વીડિયો ચેનલ પર જોવાં મળ્યા હોય.

તમને જણાવી દઇએ કે આ પહેલાં પણ કંપનીએ મિનિમમ વ્યૂઝ 10 હજાર રાખ્યા હતાં એટલે કે અત્યાર સુધી 10 હજાર વ્યૂઝ પૂર્ણ થવા પર જાહેરાત મળતી હતી. યૂટ્યૂબે પોતાની બ્લોગ પોસ્ટમાં જણાવ્યું છે કે 20 ફેબ્રુઆરી આ માટેની અંતિમ તારીખ હશે.

એટલે કે જે ચેનલનાં વીડિયોને 4000 કલાકનાં વ્યૂઝ નહીં મળે અને 1000 સબસ્ક્રાઇબર્સ પૂર્ણ નહીં થાય એમણે 20 ફેબ્રુઆરી બાદ જાહેરાત નહીં મળે. યૂટ્યૂબે આ નિર્ણય લોગલ પૉલની હાલિયા ઘટના બાદ લીધો છે. જેમાં ડિસ્ટર્બ કરવાવાળા કન્ટેન્ટ હતાં. આ વીડિયોમાં જાપાનનાં એક ફોરેસ્ટમાં ડેડ બોડી દેખાડવામાં આવી હતી.

આપણે જાણીએ છીએ કે હજારો લોકો યૂટ્યૂબનાં પાર્ટનર પ્રોગ્રામનાં આધારે દર વર્ષે રૂપિયા કમાતા હોય છે પરંતુ યૂટ્યૂબનાં નવા નિયમો બાદ હવે વધારે ક્રિએટર્સને રૂપિયા કમાવવામાં મુશ્કેલી સર્જાશે.

You might also like