સાણંદ તાલુકાનાં નવાપુરા ગામે યુવકની કરાઇ હત્યા

અમદાવાદઃ જિલ્લાનાં સાણંદ તાલુકાનાં નવાપુરા ગામે યુવકની તીક્ષ્ણ હથિયારના ઘા મારી કરપીણ હત્યા થતાં સમગ્ર ગામમાં ચકચાર મચી જવા પામી હતી. ચાંગોદર પોલીસે યુવકની હત્યાનું કારણ અને હત્યારાને શોધવા માટે ચક્રો ગતિમાન કર્યાં છે.

મળતી માહિતી મુજબ સાણંદ તાલુકાના નવાપુરા ગામે રહેતા ખોડાજી ભલાજી ઠાકોર ચાંગોદર ગામમાં રહેતા લાભુભાઈ અમુભાઈ ઠાકોરની લો‌િડંગ બોલેરો ગાડી ચલાવી ડ્રાઈવર તરીકે કામ કરી પોતાનું ગુજરાન ચલાવે છે. સોમવારે જન્માષ્ટમીની રજા હોઈ ખોડાજી ઘરે હતા. સાંજે કોઈ કામથી બહાર જાઉં છું તેમ કહી તેઓ પોતાના નાનાભાઈ રણ‌િજતજીની મોટરસાઈકલ લઈને ઘરેથી નીકળ્યા હતા. મોડી રાત સુધી તેઓ ઘરે પરત ન આવતાં પરિવાર ચિંતામાં મુકાયો હતો.

પરિવારજનો દ્વારા મોબાઈલ પર સંપર્ક કરાતાં મોબાઈલ બંધ આવતો હતો. બીજા દિવસે સવારે ચાંગોદર નજીક આવેલા સરસ્વતીનગર નવા બિ‌લ્ડિંગની પાછળ ખુલ્લા ખેતરમાંથી તેમની હત્યા કરેલી લાશ મળી આવતાં લોકોનાં ટોળે ટોળાં ઊમટી પડ્યાં હતાં. બનાવની જાણ ચાંગોદર પોલીસને થતાં ઘટનાસ્થળે જઈ લાશને પીએમ માટે મોકલી આપી હતી.

ચાંગોદર પોલીસની પ્રાથમિક તપાસમાં જાણવા મળ્યું છે કે ખુલ્લા ખેતરની અવાવરું ઓરડીમાં પહેલાં હત્યારા દ્વારા તીક્ષ્ણ હથિયારના ઘા મારી ખોડાજીની હત્યા કરાઈ છે. ત્યારબાદ લાશને ઢસડીને ખુલ્લા ખેતરમાં લઇ જઇ ફેંકી દીધી હોવાની આશંકા છે. બીજી બાજુ મૃતકની મોટરસાઇકલ પણ ઘટનાસ્થળેથી જ મળી આવી છે. અંગત અદાવતમાં હત્યા કરાઈ હોવાનું જાણવા મળ્યું છે. પોલીસે આ મામલે હાલ વધુ તપાસ શરૂ કરી છે.

Dhruv Brahmbhatt

Recent Posts

ઘેર બેઠા બનાવો ટેસ્ટી અને પૌષ્ટિક આઇટમ ફ્રૂટ લસ્સી

સૌ પ્રથમ તમારે ફ્રુટ લસ્સી બનાવવા માટે આપે ઢગલાબંધ સિઝનેબલ ફળોનો ઉપયોગ કરવો પડશે. તમને આજે અમે ફ્રૂટ લસ્સી કઈ…

10 hours ago

ભગવાન શિવ બાદ રામની શરણે રાહુલ ગાંધી, જઇ શકે છે ચિત્રકૂટ

ન્યૂ દિલ્હીઃ તાજેતરમાં જ થોડાંક દિવસો પહેલાં જ માનસરોવર યાત્રાએથી પરત ફરેલ કોંગ્રેસનાં અધ્યક્ષ રાહુલ ગાંધી હવે ભગવાન રામની શરણે…

11 hours ago

રાજકોટ ખાતે વડોદરા PSIનાં આપઘાત મામલે કરણીસેનાનો ઉગ્ર વિરોધ

રાજકોટઃ વડોદરાનાં પોલીસ સબ ઈન્સ્પેક્ટર અજયસિંહ જાડેજાનાં આપઘાત મામલે કરણીસેનાએ ઉગ્ર વિરોધ કર્યો હતો. ગ્રીનલેન્ડ ચોકડી પાસે ચક્કાજામ કરીને કરણીસેનાએ…

12 hours ago

અમદાવાદ સહિત રાજ્યભરમાં મેઘરાજાનું ધમાકેદાર આગમન, લોકોને ગરમીથી રાહત

ગુજરાતઃ ઓરિસ્સામાં હાહાકાર મચાવ્યાં બાદ 'ડેઈ તોફાને' હવે દેશનાં અન્ય રાજ્યોને પણ પોતાની લપેટમાં લઇ લીધાં છે. ત્યારે ડેઈ તોફાનને…

13 hours ago

સુરતઃ પાકિસ્તાનનાં PM ઇમરાન ખાનનાં પુતળાનું કોંગ્રેસ દ્વારા જાહેરમાં દહન

સુરતઃ શહેરમાં પાકિસ્તાન પીએમ ઈમરાન ખાનનાં પુતળાનું દહન કરવામાં આવ્યું છે. કોંગ્રેસ દ્વારા પૂતળાનાં દહનનું આયોજન કરવામાં આવ્યું હતું. સુરતનાં…

14 hours ago

વડોદરાઃ ડભોઇ ખાતે બે ટ્રકો સામસામે અથડાતાં એકનું મોત, ત્રણને બહાર કઢાયાં

વડોદરાઃ ડભોઈ તાલુકા અંબાવ ગામ નજીક બે ટ્રકો સામસામે ભટકાતાં ઘટના સ્થળે જ એકનું મોત નિપજ્યું હતું જ્યારે અન્ય ૩…

15 hours ago