Movie Review: ‘યમલા પગલા દીવાના ફિર સે’, મહેમાન કલાકાર તરીકે જોવા મળશે સલમાન

યમલા પગલા દીવાના ફિલ્મ ૨૦૧૧માં રિલીઝ થઇ હતી. ત્યારબાદ ૨૦૧૩માં ‘યમલા પગલા દીવાના-૨’ ફિલ્મ રિલીઝ થઇ. આ ‘યમલા પગલા દીવાના ફિર સે’ આ સિરીઝની ત્રીજી ફિલ્મ છે. નિર્દેશક નવનિયતસિંહની આ પહેલી હિંદી ફિલ્મ છે. આ પહેલાં તેમણે ઘણી પંજાબી ફિલ્મો ડિરેક્ટ કરી છે.

પહેલી ફિલ્મને સમીર કર્ણિકે તો બીજી ફિલ્મને સંગીત સિવાને નિર્દેશિત કરી હતી. ત્રીજી ફિલ્મમાં ધર્મેન્દ્ર, સની દેઓલ અને બોબી દેઓલ છે. અગાઉની ફિલ્મની જેમ આ ફિલ્મમાં પણ નવી અભિનેત્રી કૃતિ ખરબંદા છે. ફિલ્મમાં ધર્મેન્દ્ર, સની અને બોબી દેઓલ તો છે જ, પરંતુ આ ઉપરાંત ફિલ્મમાં સલમાન ખાન, રેખા, શત્રુઘ્ન સિંહા અને સોનાક્ષી સિંહા મહેમાન કલાકાર તરીકે જોવા મળશે.

ફિલ્મની કહાણી બે ભાઇઓ પૂરન (સની દેઓલ) અને કાલા (બોબી દેઓલ)ની છે. પૂરન ખૂબ જ નેકદિલ વ્યક્તિ છે, જ્યારે કાલા માત્ર પૈસા માટે જીવે છે. પૂરન એક વૈદ્ય પણ છે. પોતાના પૂર્વજો પાસેથી તેને વિરાસતમાં એવી જડીબુટ્ટી મળી છે, જેનાથી મનુષ્યની તમામ બીમારીઓ મૂળમાંથી દૂર થઇ જાય છે.

તે તેના દ્વારા ગરીબોનો ઇલાજ કરીને તેમની જિંદગી બચાવે છે, પરંતુ કાલા તેને વેચીને પૈસા કમાવા ઇચ્છે છે. પરમાર (ધર્મેન્દ્ર) ઉંમરલાયક છે, પરંતુ ખૂબ જ રંગીન મિજાજની વ્યક્તિ છે. તે હંમેશાં છોકરીઓ પાછળ ભાગતા રહે છે. સાથે તેઓ સારા વકીલ પણ છે.

પરમાર પૂરન અને કાલાના ઘરમાં પેઇંગ ગેસ્ટ તરીકે રહે છે. પૂરન અને કાલા પોતાના એક કેસ માટે પરમારને પોતાની સાથે ગુજરાત લઇ જાય છે. ગુજરાતમાં કાલાને ચીકુ (કૃતિ ખરબંદા) નામની એક ગુજરાતી છોકરી સાથે પ્રેમ થાય છે. શું પરમાર પૂરન અને કાલાનો કેસ જીતી શકશે? શું ચીકુને પણ કાલા સાથે પ્રેમ થશે? શું પૂરન હંમેશાંની જેમ જડીબુટ્ટીથી ગરીબોનો ઇલાજ કરતો રહેશે? •

You might also like