Categories: Gujarat

અમદાવાદ સહિત રાજ્યમાં હવે ગુલાબી ઠંડીનો અનુભવ

અમદાવાદ: અમદાવાદ સહિત રાજ્યમાં હવે સવારમાં અને મોડી રાત્રે ગુલાબી ઠંડીનો અનુભવ થઇ રહ્યો છે. સાથે સાથે તાપમાનમાં પણ ફેરફારની સ્થિતિ જોવા મળી રહી છે. આજ કારણસર બાળકો અને લોકો માંદગીમાં સપડાઈ રહ્યા છે. આજે અમદાવાદમાં લઘુત્તમ તાપમાન ૧૭ ડિગ્રી રહ્યું હતું જ્યારે પાટનગર ગાંધીનગરમાં ૧૮.૫ ડિગ્રી તાપમાન રહ્યું હતું. આવી જ રીતે રાજકોટમાં ૧૯.૭, સુરતમાં ૨૧ ડિગ્રી લઘુત્તમ તાપમાન રહ્યું હતું જ્યારે રાજ્યમાં સૌથી ઓછુ લઘુત્તમ તાપમાન નલિયામાં ૧૪.૬ ડિગ્રી રહ્યું હતું. આગામી દિવસોમાં પણ તાપમાનમાં ફેરફારની સ્થિતિ યથાવત રહે તેવા સંકેત દેખાઈ રહ્યા છે.

અમદાવાદમાં પારો હજુ ગગડે તેવા સંકેત દેખાઈ રહ્યા છે. હવામાન વિભાગ તરફથી ઓછા તાપમાનની ચેતવણી જારી કરી નથી પરંતુ તાપમાનમાં ઘટાડો થાય તેવા સંકેત દેખાયા છે. આગામી દિવસોમાં લોકોને ગરમ વસ્ત્રો પહેરવાની ફરજ પડી શકે છે. અમદાવાદમાં હાલમાં બે સીઝન એકસાથે ચાલી રહી છે. જેના પરિણામ સ્વરૂપે લોકો ભારે પરેશાન થઈ ગયા છે. ચારેયબાજુ ઈન્ફેક્શન અને રોગચાળો જોવા મળી રહ્યો છે. જેમાં શરદી, ઉધરસ, તાવ અને ગળાના ઈન્ફેક્શનનો સમાવેશ થાય છે. ખાનગી અને સરકારી દવાખાનાઓમાં દર્દીઓની ભીડ ઉમટી રહી છે. નિષ્ણાંત તબીબોનું કહેવું છે કે હાલની શરદી-ગરમીની સીઝનમાં ખૂબ જ તકેદારી રાખવાની જરૂર છે. કારણકે, તાપમાનમાં સતત ફેરફારની સ્થિતિ જોવા મળી રહી છે.

આ સ્થિતિ હાલ યથાવત રહે તેવી શક્યતા છે. ઓછા તાપમાન માટેની કોઈ ચેતવણી જારી કરવામાં આવી નથી. પરંતુ નવેમ્બર મહિનામાં હવે તાપમાનમાં ઘટાડો થઈ શકે છે. નવેમ્બર મહિનાની શરૂઆત થઈ ગઈ હોવા છતાં હજુ સુધી અપેક્ષા મુજબ ઓછી ઠંડીનો અનુભવ લોકો કરી રહ્યા છે. જોકે રાત્રિ ગાળામાં હળવી ઠંડીનો અનુભવ હવે થવા લાગ્યો છે.

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

21 hours ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

21 hours ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

22 hours ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

22 hours ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

22 hours ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

22 hours ago