Categories: Gujarat

મહિલા ધાબેથી નીચે અાવી ત્યારે ચાર તસ્કરો અારામથી ચોરી કરતા હતા

અમદાવાદ: શહેરના કૃષ્ણનગર વિસ્તારમાં પરિવાર અગાસીમાં તેમજ ધાબા પર સુવા માટે ગયા ત્યારે તસ્કરોએ રૂ. ૪.૩૦ લાખની ચોરી કરી હોવાનો બનાવ બન્યો છે. ચોરીની વહેલી સવારે એક મહિલા ઊઠીને નીચે આવતાં તેણે તસ્કરને જોયો હતો અને ભાઇ કોનું કામ છે અને અહીં શું કરો છો તેમ પૂછતાં ચાર તસ્કરો નાસી ગયા હતા.

કૃષ્ણનગર ગુજરાત હાઉસિંગ બોર્ડનાં મકાનમાં રહેતા અને એસટી વિભાગના નિવૃત કર્મચારી સોમસિંહની પત્નીનું થાપાનું ઓપેશન કરાવ્યું હોવાથી તેમને હોસ્પિટલમાં દાખલ કરવામાં આવ્યાં છે જેના કારણે સોમસિંહની દીકરી અને સાઢુ તેમના ઘરે રોકાવવા માટે આવ્યાં છે.

ગઇ કાલે સોમસિંહ અને તેમના સાઢુ અગાસીમાં સૂઇ ગયા હતા ત્યારે સોમસિંહનો પુત્ર પુષ્પરાજસિંહ અને પુત્રવધૂ મનીષાબા ઘરને લોક મારીને ધાબે સૂવા માટે ગયાં હતાં. વહેલી સવારે પાંચ વાગ્યાની આસાપાસ મનીષાબા ઊઠીને નીચે આવ્યા ત્યારે તેમના ઘરના દરવાજા પાસે એક યુવક ઊભો હતો.

ઘરના દરવાજા પાસે એક અજાણ્યો યુવક ઊભો હતો. જેને જોઇને મનીષાબાએ પૂછ્યું ભાઇ કોનું કામ છે અને અહીં શું કરો છો. મનીષાબાની વાત સાંભળતાં જ યુવક નાસી ગયો હતો અને ઘરમાંથી પણ બીજા ત્રણ યુવકો દોડીને બહાર આવ્યા હતા અને નાસી ગયા હતા. મનીષાબાએ ચોર ચોરની બૂમો પાડતાં લોકો ઊઠી ગયા હતા.

જોકે તે પહેલાં ચોરી કરવા માટે આવેલા યુવકો કાર લઇને પલાયન થઇ ગયા હતા. ઘરમાં જઇને તપાસ કરતા ચાર તસ્કરોએ ૧૩ તોલા સોનું અને ૪૦ હજાર રૂપિયા રોક્ડ મળીને કુલ ૪.૩૦ લાખના મુદ્દામાલની ચોરી કરીને ફરાર થઇ ગયા હતા.

તસ્કરો બે દરવાજાના નકૂચા તોડીને ઘરમાં પ્રવેશ્યા હતા ત્યારબાદ અગાસીમાં સુઇ ગયેલા બે લોકો અંદર આવે નહીં તે માટે બે દરવાજા અંદરથી બંધ કરી દીધા હતા અને પછી ચોરીની ઘટનાને અંજામ આપ્યો હતો. કૃષ્ણનગર પોલીસે ગુનો દાખલ કરીને તપાસ શરૂ છે.

divyesh

Recent Posts

બિનાની સિમેન્ટનાં ટેક ઓવર માટે અલ્ટ્રાટેકનો પ્રસ્તાવ મંજૂર

નવી દિલ્હીઃ નેશનલ કંપની લો એપેલેટ ટ્રિબ્યૂનલ (એનસીએલએટી) દેવામાં ફસાયેલી કંપની બિનાની સિમેન્ટના ટેક ઓવર માટે આદિત્ય બિરલા ગ્રૂપની અલ્ટ્રાટેક…

1 min ago

શેરબજાર સામાન્યઃ સેન્સેક્સ અને નિફ્ટી ફ્લેટ, રૂપિયો ૨૫ પૈસાનાં વધારા સાથે ખૂલ્યો ૭૨.૦૬ની સપાટીએ

શેરબજારમાં આજે શરૂઆત સામાન્ય રહી હતી. સેન્સેક્સ ૩.૭૬ પોઇન્ટ વધીને ૩૫,૧૪૫ પર ખૂલ્યો હતો, જ્યારે નિફ્ટી ૪.૩ પોઇન્ટ વધીને ૧૦,૫૮૦…

16 mins ago

નોટબંધી બાદ પણ રિટર્ન નહીં ભરનાર ૮૦ હજાર લોકો પર બાજ નજર

નવી દિલ્હીઃ ઇન્કમટેક્સ વિભાગ એવાં ૮૦ હજાર લોકોની તલાશમાં છે કે જેમણે નોટબંધી બાદ મોટી રકમ જમા કરાવી હતી અને…

30 mins ago

તામિલનાડુનાં કિનારે ૧૦૦ કિ.મી.ની ઝડપે ટકરાયું ‘ગાજા’ તોફાન, સ્કૂલ-કોલેજો બંધ-નૌસેના એલર્ટ

ચેન્નઈઃ હવામાન વિભાગનાં જણાવ્યાં અનુસાર ચક્રવાતી તોફાન ‘ગાજા’ આજે સવારે તામિલનાડુનાં સમુદ્ર કિનારે ટકરાયું છે. આ દરમ્યાન ૧૦૦ કિલોમીટર પ્રતિકલાકની…

44 mins ago

રાજ્યમાં નાસતા-ફરતા આરોપીઓને ઝડપવા ઝુંબેશ હાથ ધરાશે, CMએ ગૃહવિભાને આપ્યાં આદેશ

અમદાવાદઃ રાજ્યમાં નાસતા-ફરતા આરોપીઓને ઝડપવા માટે એક ઝૂંબેશ હાથ ધરવામાં આવશે. 21 હજાર જેટલાં આરોપીઓને પકડવા માટે ગૃહવિભાગે કવાયત હાથ…

18 hours ago

PNBને ડિંગો બતાવનાર નીરવ મોદી વિદેશી બેંકોને કરોડો ચૂકવવા તૈયાર

નવી દિલ્હીઃ પંજાબ નેશનલ બેન્ક કૌભાંડનાં મુખ્ય આરોપી નીરવ મોદીની હજુ શોધખોળ જારી છે. નીરવ મોદી ભારતીય બેન્કોના કરોડો રૂપિયા…

19 hours ago